في شي أسوية من اللحين والا بدري

ألف مبروك
احجزي الصالة من الحين اذا هي صالة الطلب عليها كثير ، وبعد الفرقة أو الدي جي ، ولا تبدي تقضي الأشياء الثانية(الثوب ، ثياب النوم ، المكياج ،العطور ، الذهب ) الا قبل العرس بأربعة شهور علشان لا تصير قديمة وقت الزواج .

بس وحدة ردت لية كل هاذا التطنيش :down:

ما اعتقد فيه اشياء تسوينها مكن الحين.. انتظر شوي.. بدري

تصدقي بالله انا عرسي انشاء الله في شهر سته القادم يعني في الصيف القادم باذن الله ولسه ما عملتش غير حاجات خفيفه :o
حتى الحجز لسه ما عملتهوش

انا برأيي كل ما نزلتي السوق تاخديلك اشياء خفيفة من الي ما لها موضات او الي ما يضر تغيرها زي مثلاً ملابس النوم ..
مثلا استشوار ........
وزي كده ما يحضرني ..
انا بدأت من آخر اجازة الصيف الماصي وفرحي ان شا الله اول الصيف القادم وحسيت اني جداً ريحت حالي مع انو باقيلي اشياء كتيره.......
الله يسرلك

مراحب...:smile:
أنا أشوف أنه أهم حاجه تحجزين ( الصاله_الفرقه _المصوره ) من الحين
عشان تلقي الي بالك ومايكونوا محجوزين بنفس اليوم
وباقي التجهيزات من(ملابس _اقمصة نوم _ احذيه_ شنط _عطور ...اخ)
اشتريها على الرواقه يعني كل ماطلعتي السوق وشفتي حاجه عجبتك
ممكن تشتريها وتخزنينها.

وش باقي بعد...ايييييه
الذهب والمكياج خليهم لللأخير
لأن الذهب كل يوم تطلع أشكال جديده
والمكياج عشان يدوم عندك أكثر لأنه حسب معلوماتي أنه ضروري تجددي المكياج كل ستة أشهر عشان ما يخرب البشره

يصير باقي عليك(الكوشه_الكوافير) قبل شهر كحد أقصى
( مسكة الورد) قبل اسبوع

اوووه نسيت فستان الزفاف ان كان تفصيل فقبل شهر واذا ان كان ايجار فدوري عليه بدري شوي

الله يساعدك على دورة الرأس(a) مع التجهير(فتره حلوه ومتعبه في نفس الوقت)

ويارب تممها على خير وتصيري أحلى عروس:shy:

ابدي في عمل تنظيفات البشره والعنايه فيها و خلطات التفتيح الخ و كورسات الشعر و ريجيم اذا عندك وزن زايد

يعني ابدي في نفسك والملابس والمكياج قبل العرس باربع اشهر و الدي جي والمصوره احجزيهم قبل العرس بكم شهر تو الناس


وبالتوفيق

ألف مبروك وربي يسعدك ويهنيك

لا جهزي من الحين عشان الوقت يكفيك

السلام عليكم ورحمة الله وبركاته

احم احم

وصــــلــت
:smile:

شخبار شعرك؟؟
ما محتاج لخدماتنا مثلاً :shy:

ومبروك عليك عزيزتي مقدماً
والله يهنيكِ

تحيات
الشيخة

عشيقت الروح مبروك مقدماً .. والله ييسرلك الخير إن شاء الله ..
أنا من رأيي تبدئي الاهتمام في بشرتك وشعرك ..
شوفي إيش فيه مشاكل عندك عالجيها .. مثل : (الاسمرار - الحبوب - زيادة الوزن .. الخ) ..

ابدئي سوي صنفرة للجسم مثلاً .. تنعيم .. تفتيح .. شعرك حاولي تحطيله زيوت .. أقنعة .. باختصار اهتمام شامل لنفسك ..

وحكاية التجهيز خليها قبل العرس ب3 أو 4 شهور ..
الله يوفقك إن شاء الله .. :smile:

سلام يالغالية...
اول شي الف الف مبروك..


رأيي انك ما تبدأي تحجزي اي شي لانه بعده بكير..
يعني خلي سالفة الحجوازات قبل الزواج بستة اشهر..

بس مثل ما قالوا الاخوات اذا نزلتي السوق وشفتي
اشياء تعجبك خذي كل مرة شي.. بس لاتكثرين..

واهم شي تهتمين بجسمك وبشرتك في هالفترة..
واذا شعرك من النوع الجاف او المتقصف..
قصيه كل فترة من الاطراف عشان يطول..

وبس.. :smile:
الله يوفقك حبيبتي ويوفق كل العرايس.,..

وانا بعد.. :shy:

الغالية انا عندي لج افتراح بالنسبة للبشرة

هذا بس اذا كان عندج مشاكل مثل الحبوب او البقع او اختلاف في لون البشرة

تقدرين تبدأين من الحين بعمل تقشير للبشرة

والتقشير ياخذ فترة اذا تبين نتيجه حلوة بس اقلها مدته 4 شهور

تقدرين تسوينه في مركز اوباجي .. على ما اعتقد ان فيه فرع بالسعودية


تحيااااااااااااااتي لج


والف الف الف مبروووووووووووووووك

السلام عليكم ورحمة الله وبركاته
اختي العزيزة الله يتمملك على خير والف مبروك
لك هذا الرابط ويارب الموضوع يفيدك

ياتري الشهور الاخيرة قبل الزواج ايه اللي عملتيه او هتعمليه ل شعرك وبشرتك وجسمك كله؟؟
:smile:
تحياتي
بغدادية

كاتب الرسالة الأصلية : النظرة الجريئه
ممكن تشتريها وتخزنينها.

يصير باقي عليك(الكوشه_الكوافير) قبل شهر كحد أقصى
( مسكة الورد) قبل اسبوع

اوووه نسيت فستان الزفاف ان كان تفصيل فقبل شهر واذا ان كان ايجار فدوري عليه بدري شوي


ويارب تممها على خير وتصيري أحلى عروس:shy: [/B]

حبيببتي..انا الكوافير حجزته قبل 3 شهور!!!
شهر واحد ما بتحصلين حجز...و كذلك الكوشه ...

و بالنسبه للفستان...

كل المصممين الكبار يقولون نحتاج 3 شهور لعمل الفستان ...عشان اذا يكون فيه شس ما عجبك يكون فيه وقت للتعديل او التغيير...هذا فستان العرس مب لعبه :eek2:

خلصي كل شئ و كل حجوزاتك قبل العرس ب 3 شهور عشان تكونين مطمنه...

و الله يوفق الجميع:cool2:

مشكورين وجزاكم اللة خير أختي الشيخة فيديني بأشياء للشعر أنا شعري متقصف من قدام ويمكن
افردة بلوريال لأن شعري غجري يعني مش خشن أتوقع بيفيد معاه هاذا الفرد
ساعديني باللي تقدرين علية:shy:

السلام عليكم
لا تستعيلين حبيبتي تو الناس على شنو مستعيله
جهزي الاغراض اللي تحسين ما راح تلقينها مثل الاشياء اللي بموسم التنزيلات
والاشياء اللي تحتاج وقت بس في اشياء يديده راح تنزل مو تستعيلين فيها

انا خايفة اني أبرد اللحين وبعدين أتحسف أنتي لية عصبتي علي بس حبيت أخذ فكرة وهل في أشياء والا بس أنا أستفدت من البنات بأشياء التنظيف والعناية بالوجة والبشرة
أن شاللة راح أبدى فيها

مبرووووك مقدما
والله يوفقج حبيبتي

راي من راي البنات الحين اهتمي بنفسج
وفي الصيف ابدي التجهيزات.. بس الله يعينج في هالحر

أنا مثلك بدأت اهتم ببشرتي

طبعا ابعد عن الشمس واستخدم كريمات وقايه وفيتامينات

واهتم بشعري