تبون اتعرفون شو جهزت لعيد زواجي .... اتفضلو .. حياكم ...

ج

جنون الكلمات

عروس جديدة

20-01-2005 | 09:57 PM

بنات بخبركم شو جهزت حق عيد زواجي ..

تقريبا صارلي شهر وشوي وانا اجهز لهذي المناسبة

يعني كل ما اسير السوق اشتري اي شي احس انه ممكن ايفيدني ...

أول شي بالنسبة للهدية

... يبت كولكشن عطور وخليت زوجي هو اللي يختار العطور على اساس انهم لزوج اختي ...
ويبت بدلة رياضة كاملة مع الكاب والجوتي والاندر وير ...
ويبت كولكشن اشرطة وكتيبات دينية ...
سي دي ألعاب ...
وخذتله حق سيارته .. مخده عليها صورته . .. ومخدة عليها صورة اليهال في العيلة .. وسلسة عليها صورته وصورة الشيخ زايد ...
( ترى الشباب ايحبون ايشوفون صورهم على الهدايا وانا لاحظت هالشي على اخواني وزوجي )
وبعد خذت قماش شغل سوري لعلبة الكلينكس اللي في السيارة .. بصراحة وايد حلوة ..

نقشت بيتين شعرهو كاتبهم على خشب على شكل كتاب (( هالبيتين طرشهم لي قبل ما اكلمه لاول مره بشوي ... يعني اشترالي موبايل يديد هديه
.. مع رقم يديد .. واول ما فتحت الموبايل وصلتني مسجات فيها ابيات الشعر ..
هلا بك يا بعد عمري ... عدد نجوم السما وأكثر ..
هلا باللي سكن قلبي ... وصار حلمي فيه أكبر ...
هلا بك يا بعد ناسي وأهلي ... احبك ولا اقدر عنك اصبر ...
هلا بك يا قمر ليلي ... ونور دربي طول العمر .... ))

ثاني شي الغرفة ( لاني ساكنة معاه في بيت أهله ) أهم شي التغيير

يبت فرش جديد للسرير
علب للكلينكس ( شغل صيني عجيب )
اشتريت شموع صغيرة 100 شمعة ( برتبهم على شكل قلب كبير )
اشتريت تليفون جديد ( نفس التليفونات اللي كنا انشوفها في افلام الابيض والاسود )
اشتريت البوكس اللي انحط فيه المجلات ( شغل صيني بعد كتير حلو )
خذت اجراس كتير حلوين بعلقهم في الغرفة ليلة عيد زواجنا
اشتريت شمعدانين كبار
اطارات يديده لصورنا

أما الحمام ..
اشتريت ستاره عليها صور بجع
خذت مناشف يديده لي وله
خذت طقم لعدة الحمام
حتى معطر الجو خذت واحد يديد ( ريحه يديده )
اشتريت ملصقات بارزه لنباتات بحريه واسماك ...

أما بالنسبة لي أنا ..
خذت أكثر من لبسة نوم ... بس كلهم حمر ... وقلت بجربهم وبلبس الأحلى ...
واللي قررت البسها دزاينها اسباني .. شافتها اختي و اتجننت عليها ...
طبعا اكسسوار احمر واسود ..
وناويه ان شاء الله اقص شعري قصة يديده وبصبغه ... تقريبا يا احمر يا بني اشقر ...
اكيد قبل عيد زواجي باسبوعين على الاقل ما راح احط ميك اب ... وما بلبس اي شي يديد ..
طبعا هالشي مو معناه اهمال ... بس لازم اخليه ياشتاقلي وانا بكامل اناقتي ...
خذت فصوص ريمبو احتمال احط شي منهم على جسمي ... يعني شي ايناسب لاني ما ابا اكون وايد اوفر ...

العشا ..

انا سرت الباتشي وخذت علبة حلويات شكلتها على كيفي .. وتقربا خذت كل الانواع اللي ايحبها حبيبي ..
بشتري كيكه .. بس للحين ما اعرف شو اكتب عليها ... ( ادور على شي مميز )
بشتري محاشي لانه يموت فيها ... ومشاوي ...
اشتريت مكسرات لانه بعد وايد ايحبها ...

أما السيناريو ...
للحين مب متأكده منه ...
بس افكر اسجل صوتي على شريط ... واطرده ... في الشريط هذا بقوله شكثر انا احبه ... وشكثر كنت سعيده وياه
... وبذكره ببعض المواقف اللي مرت علينا ... وفي آخر الشريط دعوة على سهرة مميزه ...
اتصور انه ما بيكون متوقع الموضوع لانه بيكون قبل تاريخ زواجنا بثلاث ايام لانه في يوم زواجنا بيكون مداوم في ابوظبي عشان جيه بسويه قبل ما ايداوم ...
والباقي بفكر فيه ... وبخبركم عنه ...

في شي نسيت اخبركم عنه ... انا شفت عند اختي كرت كبير وايد ... وفكرت اخذ واحد نفسه وما اخلي شي ما اكتبه في هالكرت ...

افكر في لعبة او حركة مميزة .... بس بعدني ما رسيت على بر ...

باقي شي واحد ,, هو شريط فيديو لمسرحية كوميدية او فيلم كوميدي ... وهذا اتوقع بتساعدني انتن فيه ....

والله ما اذكر اذا في شي بعد ما كتبت عنه ... بس اي شي اتذكره بكتبه حقكن ...

بالمناسبة يمكن لانه اول عيد زواج لي ... ويمكن لاني قضيت سنة رائعة بكل المقاييس احاول انه اتكون هالليلة بمستوى هالسنة ....
اذا حبيتن تسألن عن اي شي موجود في الموضوع انا جاهزه ...
واسفه على الاطاله

اختكم جنون ...:shy:

ا

العطا

عروس مبدعة

20-01-2005 | 10:25 PM

[CELL=filter: dropshadow(color=gray,offx=4,offy=4);][ALIGN=center]الله يوفقك حبيبتي

افكارك حلوة

راح يتفاجأ فيها زوجك

بس عندي طلب بسيط :

ياليت مانقول عيد زواج وانما ذكرى زواج.

والله يسعدك.[/CELL]

و

ورورة

عروس مبدعة

20-01-2005 | 11:12 PM

حركاتج وايد حلوة واذا كنت تبين مساعدة في مسرحية كوميدية فممكن اتييبين مسرحية :عفروتو
اما اذا كنت تبين فيلم كوميدي فممكن اتييبين: فيلم صاحب صاحبه
او فيلم غبي منه فيه او فيلم فول الصين العظيم
وكل عام وانتم بخير وعقبال الف سنة حلوة مع بعضكم

و

وردة جده

عروس مبدعة

20-01-2005 | 11:28 PM

الله يسعدكم ان شاء الله

افكارك رائعه اختي

ا

الظبيانيه

عروس مشرقة

20-01-2005 | 11:46 PM

بصراحه افكار حلوه

اذا عندج افكار بالنسبه للالعاب اكبيها لانه يوم ميلاد زجي قرب و ابغي اسوي له حفله صغيره فكرت في بعض الالعاب بس ابغي اكثر عشان اختار

ف

فـــــــــيرونا

عروس جديدة

20-01-2005 | 11:47 PM

اختي جنون

لليله سعيده انشاء الله وموفقه

وعقبال 100 عام

ا

البحر الدافئ

عروس جديدة

20-01-2005 | 11:51 PM

افكار رهييييييييييييييييييييييييييييييييبة اختي

اختي و عجيبة بس اهم شي تقولين لنا شكانت ردة الفعل

اوكي:up:

s

sultam01

عروس متألقة

21-01-2005 | 08:08 PM

الله يهنيكم و يسعدكم دوم يا رب :smile:

د

دلوعة حبيبي

مشرفة سابقة

21-01-2005 | 10:12 PM

[CELL=filter: shadow(color=silver,direction=135);][ALIGN=center]الف مبروك حبيبتي عليكم هالسنه السعيده والله يجعلها دوم سعاده وهنا..

وتسلمين يا قمر على الافكار الرائعه وعجبني ترتيبك للموضوع..[/CELL]

b

business_girl

عروس ذهبية

21-01-2005 | 10:54 PM

الله يسعدج عزيزتي

لا تنسين تخبرينا عقب آخر التطورات

وشو ممكن يكون الأفضل؟ وشو اللي نقدر نستغنى عنه

r

remaas

عروس متألقة

21-01-2005 | 11:20 PM

very cool, tell us what dose happend then???:clap:

ج

جنون الكلمات

عروس جديدة

21-01-2005 | 11:22 PM

اختي العط(f)ا

مشكورة على ردج

وان شاء لله بغير كلمة عيد وبحط ذكرى بدالها ...
ويعطيج الف عافية

ج

جنون الكلمات

عروس جديدة

21-01-2005 | 11:28 PM

ورورة
وردة جدة
الظبيانية
البحر الدافئ
فيرونا
sultam01

شكرا على مروركن وردودكن الحلوة ...

والله يسعدكن ويوفقكن ...

وان شاء الله بخبركم بأي شي يديد في الموضوع ..

جنوون .. :shy:

أ

أشواق لا تنتهي

مشرفة سابقة

26-01-2005 | 02:55 AM

ماشاء الله والله يسعدكم

وانشاء الله تستفيدين من هالقسم لان فعلا فيه اشياء جنااان:smile:

ش

شجوووون

عروس متألقة

26-01-2005 | 11:21 PM

الصراحة عجبتني أفكارج وايد وعيد زواجي بيكون عالأسبوع الجاي وبيني وبينج ما جهزت شي لأني حامل في الشهر الثامن وتعباااااانه حدي :cry:

بس انشالله ناوية اعوضه بعد النفاس ...

والله يوفقج انشالله :smile:

ل

لولي نوني

عروس جديدة

21-05-2007 | 03:40 PM

ربنا يسعدكوا

j

jeje111

عروس جديدة

22-05-2007 | 07:44 AM

الله يوفقك ويتمملك فرحتك على خير وتكون ايامك كلها سعادة ولا يحرمك من زوجك :)

s

swan-1

عروس نشيطة

22-05-2007 | 09:14 AM

صباح الخير

هلا حبيبتي اولا كل سنه وانتِ بصحة وسلامه

عقبال السنه وكل سنه

وعجبتني مررررررررره حركه الشريط الكاسيت

الله يوفقك

تحيّة

م

مهذبة

عروس ذهبية

01-12-2008 | 04:27 PM

الله يسعدك ويوقفك
أفكار أكثر من رائعه

.

.: نبض قلبه :.

عروس ماسية

04-12-2008 | 03:34 AM

الله .. كشووخي .. الله يسعدكم انشالله ..
و عن المسرحيات .. ما ادري وااايد بس يعيبوني مسرحيات طارق العلي ..
يعني كوميديه من قلب ^_^
والله يوفقج انشالله ..