][

بسم الله الرحمن الرحيم
السلام عليكم ورحمة الله وبركاته


ابي منكم تشجيع لأنه اول موضوع اكتبه في ركن قضايا وحلول قسم المشرفة المتجددة الرائعة مــــــرمـــــوم


طبعاً موضوعي اليوم عن علاقات ماقبل الزواج ومدى تأثيرها على الحياة الزوجية مع شخص آخر


يعني البنت اذا كان لها علاقة بشاب وانتهت علاقتها مع هذا الشاب والله رزقها وتزوجت غيره..والولد نفس الشي
يعني انا ودي نتناقش بهالقضية لأنه منتشرة من زمن طويل وللأسف مستمررة
القضية : خراب البيوت من اصحاب العلاقات السابقة .. يعني يكون الخراب على اشكال منها الإنتقام ,,
يعني لما الله ماوفق بينهم وماصار نصيب
ليـــــــــه يكون نذل او البنت تكون نذله ويخربوا بيوت بعض
طيب هو او هي اش راح يستفيدوا من خراب بيت وهدم حياة زوجية ...؟؟؟؟
مثلاً البنت تروح تخرب بيت اللي كانت لها علاقة معاه ..
دايماً نسمع انها ترجع له .. تكلمه .. تتصل عليه .. تضايقه في بيته وعند زوجته واهله .. وتشكك الناس فيه .. ممكن تجي لزوجته وتقولها عن كل ماضيها معاااه وانه له سوابق وممكن تكذب وتفتري وتقول للآن هو محتفظ بعلاقته فيها .. ويحبها ومهتم فيها .. وانتي مجرد زوجـــــــــه وبس !


توافقوني الرأي ولا لأ ؟؟
يعني يصير هذا الشي في واقعنا ولا مايصير ؟؟


اناماكتبت الموضوع إلا لأني شفت ناس كثييير انهدمت بيوتهم بسبب نـــــذالة من شاب كانت لها علاقة فيه وماصار بينهم نصيب لأنه على سبيل المثال لا الحصر .. ماقبل يبيع اهله عشانها فباعها للأسف وبعد ماباعها ..
راح في طريقه وخطبوا له اهله بنت الحلال واتزوج
وهي راحت في طريقها واتزوجت


يجي بكل نذالة يفضحها .. يجيب لها المشاكل .. يلاحقها من مكان لمكان .. وبكل وسائل الإتصال عشان يوصل لها ويفضحها
يعني الله امر بالستر بين عباده وهو الستار سبحانه .. ليش هو او هي مايستروا على ماضي بعض ويدفنوه !!


ليــــــــــــه الإنتقام ودمار حياة سعيدة ؟؟
خلاص هم غلطوا زمان والله يغفرلهم ان شاءالله .. ليه مايصححوا غلطهم .. يعني انا مو فاهمه ليه يبون يرتكبون غلط اكبر وجريمه اكبر






بسألكم سؤال هو لو كان يحبها فعلاً وصادق في حبه لها
ولو كان مافيه ذرة نذالة مـــو المفروض يحافظ على( الحب اللي كان ) ويستر عليها ويخاف عليها؟؟ (جاوبوني)
صدقوني هو لو كان صادق في حبه المفروض يخاف عليها ويخاف انه يهدم سعادتها ولا يخرب بيتهاويبعد عنها وينسى امررررها للأبد
<<لأنه تهمه سعادتها "هذا اذا كان فعلاً يحبها">>

وعشان هي تحترمه وتحترم علاقتهم السابقه والله يغفر لهم هالغلطة السابقة
ونفس اللي قلته قبل شوي ينطيق عالبنت .. لو كانت تحبه الواجب تحافظ وتستر وماتنتقم ولا تفضح
صدقوني مايسوي كذا الا واحد ماعمره حبك ولا كنتي في يوم شي من اهتماماته ولا تصدقيه لو جا وقال لك : مو قادر اعيش بدونك .. او غصباً عني ارجع لك واكلمك ومن هالكلام .. صدقيني والله مايحبك مايحبك مايحبك
لو يحبك يسكت ويستر ولا يدور عليك من الأساس
ونفس الشي ماتسوي كذا إلا بنت ماعمرها حبت ولا اهتمت ولا صدقت في مشاعرها بيوم.

آآآه تعبت من الكتابة بس اتمنى ان الموضوع يصحـــــــــــــــــي ضمـــــــــــــــــير كل من حاول يهدم بيت .. ويغير تفكيرهم سواء كان بنت او ولد .. واللهم يارب انك تجعل في هالموضوع صلاح لهم .. ويغيروا نظرة الإنتقام هذي وتتبدل بالمحافظة على الماضي بدون اي خدوش في الحاضر او المستقبل


والله يستر على الكل ويهدي الجميع
محبتكم : الحضن الحنووون