سؤال مهم لكل متزوجة

مرحبا ..

بصراحة الحمد لله إني أحب حماتي واحترمها وايد ...

بس كلامك صحيح .. اعرف وايد يتضايقوا من حمواتهم يمكن أعتقد عشان الفكرة الي في بالنا عن الحماة بأنها تدور أي عيب في زوجة الولد وأنها تحب تنتقد وايد .. وما يعجبها أي شيء ..

لطبيعة البشرية هي التي تخلق هذا الاحساس للمراة , مع انها لو حطت في بالها انة ام الزوج مثل امها ما بيخطر في بالها هالتفكير.
وعموما كل وحدة اذا اللة اراد بتكون ام زوج في يوم من الايام

السلام عليكم ورحمة الله وبركاته،والصلاة والسلام على سيد الخلق محمد عليه الصلاة والسلام
فعلاً موضوع حساس قبل كنت اقول ليش البنات يتدلعون ويتظايقون من حماتهم ، لكن بعد ماجربت فعلاً تتحسسين ليش ماتعرفين بس آي شيء تقوله الحماه تعملي له ألف حساب
بس أهم شيئ الوحده تحتسب أمره لله وحده وتحترم عمتها من حب زوجها وعشان خاطره وتعتبرها في مقام الوالده لأنها بتكون جدة أولادها وهذا شيء لابد منه، ومثل ماقالت الأخت ( dunia ) في يوم من الأيام إذا اراد ربنا ورزق كل وحده فينا بأولاد لازم بتكون حماه ، والسلام عليكم ورحمة الله وبركاته ...
:shy:

على فكرة انا احب حماتي واعتبرها امنا كلنا:shy:, ودايما اقول لبنتي حظك عندج امهات اكثر مني...:D2:D2:D2

بس زميلتي الحين تقولي انة هالايام الخوف مب من الام , الخوف من الزوجة و اخوات الزوج اذا كانوا من النوع الي ما يتحمل كلمة :eek2:

انا الحمدلله احب ام زوجي وهي تحبني بس خواته ما احبهم وايد

موضوع حلو وحساس وصحيح ان دايما الوحده ما تتحمل كلمه من حماتها لانها تحس انها انتقاد لاذع ومو حلو في حقها بس هذا يعتمد على نوع الحماه فيه طيبه وفيه الي تدور المشاكل
بالتوفيق للجميع

[CELL=filter: dropshadow(color=gray,offx=4,offy=4) glow(color=red,strength=5);][ALIGN=center] السلام عليكم ورحمة الله وبركاته


والله يااختي انا الحمدلله ماعندي مشكله مع عمتي ابدددددداا بالعكس احبه واعامله كئنها امي ودائما انبه زوجي لبرهاوصدقيني تزرعي خيراكيد باتحصدي خير واليوم انتي زوجه ابن باكر انشالله عمه[/CELL]

alareej - dunia - سومه - sarona10 - munia


:smile::smile::smile::smile::smile::smile:

أشكركم على مشاركتكم معي للموضوع ، لأنه فعلاً حساس ومهم في حياتنا ، ولازم نتفهم الموضوع عشان تكون أيامنا كلها حلوة ومليئة بالحب ويكون وفيها نوع من الاستقرار والهدوء ...


ماشاء الله عليكم .... عقلكم وايد رزين ... في إن اعتقادكم بأن الحماة في مثابة الأم ... ولازم نحترمها ونحطها في العين ..


بس سبحان الله ، ما أدري ليش الوحدة تصير تتحسس من كل كلمة تقولها حماتها ، أو أي تعمله :eek2:

ما أدري ليش ؟؟



أنا عن نفسي أحب حماتي وايد وحماتي تحبني أكثر ، بس أحياناً أتضايق من أشياء تصير ، مع اني أحاول اني ماأتضايق ... بس ماأقدر ... غصبن عني ، أشعر بالحساسية والضيق من أي تصرف تتصرفه أو أي كلمة تقولها ..


حتى صديقتي عندها نفس احساسي ، مع انها تحب حماتها وساكنة مع زوجها عند أهله .. بس طبعاً الجو مايخلو من التوتر والقلق بين صديقتي وحماتها ..

انا حماتي "الله يرحمها"

بس عندي أخت زوجي :pain: والله شالت برج كامل من دماغي :confused:

بس صابره علشان بعدعمري زوجي "الله يحفظه" .

اعملوا موضوع عن طفش الحموات وانا أول وحده بأشارك :down::down:.

صباحي

السلام عليكم

بالنسبة لي حماتي اطيب منها مافي في الدنيا ، وآنا وزوجي أمهاتنا نفس الشي غاية في الطيبة ، مسكينه طيبة أبعد الحدود على نياتها وآنا احبها وأحترمها ولله الحمد وزوجي بعد يحب امي ويحترمها ومافي اي مشاكل عندنا من هالناحية....

تحياتي

صباحي :

الله يكون في عونك على أخت زوجك ... :s :s
والتعامل مع أخت الزوج أعتقد انه أصعب من التعامل مع الحماة ..
وخصوصاً لو كان عمر الأخت قريب من عمر زوجة الأخ ...
وطبعاً انتي عارفة الأسباب (wink)


الغدير :

حتى زوجي يحب أمي وااااااااااايد وهي تحبه أكثر ...
انشاءالله تدوم المحبة بينهم يارب

وأنا بعد أحب حماتي ... بس أحب أمي أكثر :cool2: وكل كلمة تقولها لي على قلبي مثل العسل :shy:

السلام عليكم ورحمة الله وبركاته

أعتقد أختي omboz أن هذا يعود للطبيعة البشرية...

يعني والدتك أنتي تعرفي أنها لا دخل لها بزوجك...

و لكن حماتك...ستظل طول عمرها أم زوجك...و هي أقرب له منك...

يمكن هذا يولّد في النفس نوع من أنواع الغيرة...

لكن أعتقد بالمعاملة الحسنة...و إنك تتخيّلي والدتك مع زوجة أخوكي كيف يجب تكون علاقتهم...راح تحسي بالفرق..

:smile:

هلا والله بالأخت مرموم :smile:


أنا كنت أنتظر منك رد ، لأني أحب أفكارك وتعليقاتك على المواضيع :smile:



فعلاً مثل ماقلتي هذه طبيعة بشرية في كل انسان ...





طيب اذا قلنا ان لحل هذه الظاهرة : ان كل وحدة تعتبر حماتها مثل امها وتحبها وتحترمها وماتتحسس من كل كلمة تقولها حماتها ..

مع ان هذا الحل سهل كثييييييييييييييير وممكن تطبقه كل زوجه ..


طيب ليش نلاقي الى الآن مشاااااااااااااكل كثيرة بين الزوجة وحماتها ؟؟؟


يعني الى الان نشوف ونسمع عن هذه الظاهرة .. ونشوف الكثير من الزوجات تشكين من أم زوجها ، والعكس صحيح .. نشوف الأم تشكي من زوجة أبنها ...:eek2:

حتى لاحظي يامرموم : ان الام لو كان عندها بنت وتصرفت بنتها تصرف معين ممكن تتقبله وتمشي الموضوع أو انها ماتنتبه لتصرف بنتها ، ولكن لو تصرفت زوجة ابنها نفس تصرف بنتها تلاقي الحماة منرفزة ومتضايقة وتروح وتشكي لإبنها ، وتقعد حاملة في قلبها ...:mad: :mad:



تبين الصراحة : هذا الموضوع وااايد كبير وحساس ، وأعتقد ان ماله حل .

:think: :think:

الناس اطباع..يعني احيانا تلقين صديقات سمن على عسل واحيانا تقلين وحده ماترتاحينلها لانها مثلا تقط كلام او تتصرف تصرفات انتي مو متعوده عليها +++++ زائد مثل ماقالوا الاخوات..الفكره السائده ان الحماه تحط بالها على شي ولازم تتنتبهين وتودين هدايا عشان ترضى ...الخ في حين ان امج تحبج سواء وديتي هدايا او ماوديتي...يعني اشيا كثيره... اهم شي تكون الوحده متصالحه مع نفسها وترضي ضميرها وتعاملهم بالحسنى وحتى حتى لو في يوم من الايام تزاعلوا او قطت ام الزوج عليها كلمه المفروض تتغاضى وحتى لو خلته في قلبها..عادي اهم شي تسوين اللي عليج..........

شي ثاني.............لاحظت في بعض الحالات ان البنت قبل ماتتزوج..اهلها وصديقاتها يووصونها سوي جذي ولاتسوين جذي عشان اهل زوجج مايتكلمون عليج..ومن هالكلام..فالبنت مسكينه تدخل على هالعايله الجديده وهي متخوفه وتحاول ترضي اهله ويتوافقون اذا كانوا اهله مسالمين لكن احيانا ام الزوج نفسها حتى لو قالت ان زوجه ابنها مثل بنتها الا انها ماتحس بهالاحساس ..بالعكس تدور عليها اي غلط وان ماقالته جدامها بتقوله من وراها....فعلا مشكله عوييييييييييييييصه..ومااظن لها حل..لان لو لقيتوا الحل حق الزوجات فشلون بتلقون حل حق امهات الزوج اللي مايعرفون هالكلام واللي اصلا عاشت 40-50 سنه وهي مقتنعه بهالافكار؟!!! طبعا مو كلهم..:)

انا عن نفسي..دخلت بيتهم واتصرف بطبيعتي اللي كل اهلي متعودين عليها..انا طبيعتي مسالمه وفي حالي يعني مستحيل اكون غلطت عليهم وحتى لو هم غلطوا علي بكلمه احطها في خاطري بس مااطلعها... واعاملهم بالحسنى وهاي اهم شي...ويوم لك ويوم عليك:)

وردة جورية :


مشكورة حبيبتي على مشاركتك :smile:


وفعلاً مثل ماقلتي :

فعلا مشكله عوييييييييييييييصه..ومااظن لها حل..لان لو لقيتوا الحل حق الزوجات فشلون بتلقون حل حق امهات الزوج اللي مايعرفون هالكلام واللي اصلا عاشت 40-50 سنه وهي مقتنعه بهالافكار؟!!! طبعا مو كلهم..


يعني مانقدر نلاقي حل مشترك بينهم ... :eek2: