السلام عليكم ورحمة الله وبركاته
اه لو تدري حبيبي
كان والله ما قسيت
من غرامك كم سهرت
في الليالي ما أنام
لا هنى زادي وشربي
لا ولا بيومي اهتنيت
تايهه مضيعه دروبي
وسط عتمات الظلام
لا خوي ولا مخاوي
ولا لقيت اللي اهتويت
بين يأسي وبين همي
غارقه في بحر الغرام
يا حبيبي أرؤف وارحم
طالبتك وأنا رجيت
حالتي ماهي بخير
في الحشى عوق وسقام
في هواك القلب هايم
ومن غرامك ابتليت
والله يعلم كيف حالي
بين آلاف الأنام
ميته بحبك وزينك
وأنت يالغالي دريت
بس ما أدري وش علامك
قاطع وتنوي الخصام
لا خبر منك لفاني
آه يا عمري جفيت
لا توافيني بوصلك
لا ولا حتى السلام
في النهاية يا وليفي
لك غلا دامي حييت
وحبك تاج على راسي
وعلى الصدر دايم وسام