كحل ازرق واخضر

توني شاريه أمس من ميك أب فور ايفر .. الزيتي والازرق يجننووووووووووووون .. اخذت الازرق وبرجع أخذ الزيتي .. بس لما حطه على إيده غير عن العين .. على إيده اللون بكثير أوضح وأحلى .. يمكن عشان الإضاءه :(

[CELL=filter: glow(color=black,strength=16);][ALIGN=center]انا بعد ابي اعرف
بس يمدحون ماركه جيرلان او كلارنس
[/CELL]

[CELL=filter: glow(color=limegreen,strength=5);][ALIGN=center]انا بعد ابي اعرف

بخصوص اللون الاخضر العشبي انا عندي من البودي شوب واااايد حلو خصوصا لما امرر عليه الولاعه لثواني يطلع فضيع مع الشدو الوردي[/CELL]

BN اللون الأزرق والاخضر اللي عندهم رووعه واللي احلى واحلى التركواز :up:

حبيبتي جربي ماركة

ORLANE

الأزرق و الأخضر روعة

و اذا دمجتي اللونين يطلع لون عجيب

:cool2:

ليل الهجير..ملاذ الحب...ميمي بيبي...تسلمون خواتي بسير اجربهم

كوكو شانيل..وين اقدر احصل هالماركه؟

فوانيس .. وين يبيعون هالماركه؟؟


انا سمعت بعد اذا مررت الولاعه على الكحل يبين اللون بجرب هالشي



:smile:

:clap:

شنو قصدكم بتمرير الولاعه ع الكحل

:rolleyes:

حيا الله Girl :smile:


أنا هوايتي الكحل بالالوان و بقولج الماركات اللي جربتهم للحين


* Lancome - كل الوانهم حلوة ، و ميزة لانكوم ان لونه قوي و من النوع اللي مافيه لمعة ملمسه مخملي يعني ينفع أكثر لداخل العين أو اذا تبين الكحل matt لبرع العين أو ويا المكياج هم ينفع ، يطلع روعة


* MAC - اغلب اللي شريته روعة بالذات اللون التركوازي مع لمعة عالية - حطي منه خط عريض حول عينج بكبرها و داخل كحل ابيض يطلع واااو


* Rimmel - عيبني وايد كحل هالماركة ، بتحصلينه في دبنهامز و أسعاره زينة و ألوانه حلوة. الكحل تحسين به زيتي يثبت فترة طويلة ما ينزل و لونه واضح. أنا جربت نوع معين منه بكتب لج اسمه و وصفة تحت.

* Elegance - هالماركة اشتريها من الصيدليات ! بس وايد حلوة و خفيفة و رخيصة و بالذات أستعمل منها الكحل الابيض لداخل العين - احس به اخف على عيني من باقي الماركات ما ادمع يوم اتكحل به - أعتقد شارتنها من صيدلية ابن سينا في الستي حذا ستاربكس


* Lord & Berry - من مكياجي ، عندهم الكحل الـ Flat بالذات ، يجنن. شريت منه الاسود و الأخضر الزيتي الغامج. الحلو فيه انه يثبت و لونه قوي سواء داخل العين أو برع.


* Max Factor - جربت منه مرة و ضيعت الكحل :pain: بس عيبني بعد



هاللي اذكره حاليا ً :cool2:


** الحين الأرقام ، مب كل اللي جربتهم بس هاللي حصلته وسط الفوضى :pain:



* Lancome

كلهم Le Crayon Kohl

أخضر Vert Malachite
أزرق نيلي Bleu Electrique
أزرق كحلي Bleu Marine


* Mac

هالاثنين من مجموعة Power Point Eye Pencil
- تركوازي So There Jade - بتحسين به too much لونه قوي فعلا ً بس يجنن عالعين أنا أدمنت عليه
- أخضر Forever Green - وايد كريمي بس لونه يجنن

و هالاثنين eye pencil كحل عادي
كحلي Indigo
ذهبي PowerSurge - فظيع ويا الشدو


* Rimmel

أخضر زيتي Exaggerate Full Colour Eye Definer - 231 Pine
هو كحل بقلم بلاستيك تدورينه و يطلع - ما يحتاي براية


* Elegance

اخضر Green
رمادي 2018
أبيض


* Lord & Berry - Flat

الاخضر الزيتي الغامق - 2604 Smokey Eye
روعة لما توزعينه حق الميك أب السموكي



--


أتمنى أكون أفدتج :up:


طبعا ً لا تنسين ان أحلى طريقة تطلعين فيها لون الكحل


انج تمررينه عالسريع مرة وحدة عالولاعة - الكحل بيسيح شوي انفخي عليه نفخة وحدة يمكن يكون حار


و بعدين استعمليه و شوفي اللون ! :up:


تحياتي لج يالغالية


:flower:

هلا حبيبتي

ماركة أورلان في أريج أو باريس غاليري

أما الولاعة أنا ما استخدمها

تدرون شسوي:D2

أشغل السشوار على الحكل شوي و يسيح:cool2:

انا قبل كنت مثلكم مو واضح الكحل الازرق علي
بس اختي علمتني طريقه وصار روعه
اول شي اتكحل بكحل ابيض بعدها اتكحل بالازرق وشوفي شلون راح يصير
وانا استخدم ماركه رفلون :cool2:

هلا حبيبتي
وش رايج تجربين الكحل الازرق والاخضر والبني والذهبي والاسود الفاحم مرره حلو والابيض والرمادي من ماركة اوريفليم السويديه تراهم وايد حلويين يجننون ومب غاليين وهي طبيعيه مثل البودي شوب
لمزيد من المعلومات راسليني على الخاص يمكن ما ادش الموضوع مره ثانيه :cool2:

كاتب الرسالة الأصلية : Girl
كوكو شانيل..وين اقدر احصل هالماركه؟


:smile:

يبعونها عندكم في الأمارات في مركز بخيت اللي في شارع ابو بكر الصديق :) :)

السلام عليكم ...

انا عندي كحل من ماركة BeYu وهذي تلاقينها في مكياجي انا جربت ثلاث الوان من عندهم الاخضر الفستقي والبنفسجي والفضي ...الاخضر والبنفسجي روووعه:up: والفضي لين الحين ماستعملته ..

واسمه soft liner 671 وهو كريمي بس والله روووعه جربيه وماراح تندمين :clap:

السلام عليكم ورحمة الله وبركاته
بصراحة ماك جناااااااااااااااااااااااااااااان وحلووووووو
:up:

انا عندي كحلي من نينا ريتشي









وتمامـ ــــ :up:

بنات غلط تمررون الكحل على ولاعه لان السواد يكون كربون مضر للعين هو الي يعمل السواد ... حاولوا تدفون الكحل باي شي بس لا تعرضونه للنار أبدا

:eek2:

بنوتة قطرية

ماركة BeYu موجودة في مكياجي ؟!

يزاج الله خير اختي أنا أدورهااااااا

هاي ماركة ألمانية نوعيتها ممتازة و أسعارها رخيصة

و عندهم أحلىىىىىىىى كحل جربته

بس ما كتبت عنه لأني اتحراه مب موجود اهني ، أنا شارتنه من برع

اذكر جربت واحد و يوم عيبني رجعت خميت المحل :D2 شريت لعمري 13 لون !

اللي شجعني ان سعره رخيص الواحد بـ 5 يورو يعني تقريبا ً 20 درهم على هاييج الايام

و نوعيته ممتاااااازة

و الله بدون مبالغة أحطه يوميا ً من الصبح لين المسا و لا يسيح

لونه وااااااااضح و حلو و فيه لمعة خفيفة روعة تبرز العين

يبت منه لرباعتي و هلي و الكل يمدح فيه ، دوم اشوفهم حاطين منه و استانس

أوني أفكر اييب وكالة هالماركة :pain:

راحت عليّ :D2

الحمدلله كل شي موجود في بلادنا :up:



Girl الغالية

اتركي كل الماركات و جربي هالكحل :cool2: ما بتندمين

و هاي الأرقام اللي عندي

أسود Soft Liner 610
أبيض Soft Liner 660
رصاصي Soft Liner 665
ذهبي Soft Liner 675
بني مطفي Soft Liner 527
بني بلمعة Soft Liner 680 - وايد ناعم استعمله كل يوم
أخضر جيشي Soft Liner 674
أخضر زيتي Soft Liner 673
أخضر عشبي غامق Soft Liner 670
أخضر فستقي Soft Liner 672
أزرق سماوي Soft Liner 665
تركوازي غامق Soft Liner 668
تركوازي فاتح Soft Liner 667 - هاللون يجنن حول العين

و بجرب البنفسجي اللي قالت عنه البنوتة الحلوة

:up:

موفقة

:flower:

طالبة الجنان.. استخدمي السشوار احسن من الولاعه :smile:

علايـــــه...مشكووووووووره حبيبتي والله ماقصرتي :smile:

فوانيس..تسلمين والغاليه..صح كلامك السشوار احسن من الولاعه مايت على بالي :up:

Queen of Love ... مشكوره حبوبه على المعلومه انشالله اجربها :smile:

sarona10 .... هالماركه موجوده في باريس غاليري او اريج؟


كوكو شانيل.. مشكوره الغاليه :smile:


بنوتة قطرية... شكلي بتخبل على الالوان احس انهم واايد حلويين :up: