لشعــــر أسووود بدون الصبغات والكيماويات والنتيجه من أول مره..؟!

أ

أوراق الخريف

مشرفة سابقة

15-01-2005 | 11:23 AM

السلام عليكم ورحمة الله وبركاته..

مثل ما وعدتكم اني بحط لكم موضوع خاص عن الحنى السوداء..
يعني بدون الخلطات وتعب الخلطات وبدون الكيماويات وبدون ليتقصف الشعر وبدون لتنهكين الشعر وبدون لتحصلين على نتايج الشينه مثل تساقط الشعر..
والكثير والكثير..

المهم جهزو ورقه وقلم واكتبو اسم هالحنه الهنديه الرائعه..
لحظه لحظه بخبركم القصه وبعدين بعطيكم اسمه افضل لكم..

أول شي مره زرت امي اعتقد كان قبل العيد الفطر على ايام الرمضان يعني كان باقي على العيد كم من يوم.. وانصعقت لما شفت شعر امي صاير أسوووووووووووووووووود سوااااااااااد الليل وايجنن وروعه.. استغربت لاني تعودت اشوف شعرها أحمر أو بني أو كستنائي..
فسالتها شو السر يا امااااااااه!؟
قالت لي والله ما سويت شي غير الحنى!؟
قلتلها اذكر مره اشترت الحنى السوداء من القريه العالميه وقص عليي الريال الي يبيع مدحه ومدحه ويوم استخدمته ما كان فيه ذره من النتيجه الحسنه!؟؟! هل هو مع اي خلطه والا ضفتي فيه شي خبريني يا اماااه؟!
قالت لي لا!؟ بس الحنى بمفردها!؟؟!؟!؟!
استغربت معقوله!؟ قلتلها راويني الباكيت مالته.. وعطتني اياه قلتلها عيل باخذ العينه وبجربها قبل العيد لان شعري لونه اشقر غامج وبخليه اسود.. وعقب تذكرت ان ما يصير احني وشعري مصبوغ بعدم الشعر هيكااا :down:
المهم يوم شفته شفت انه صنعه من الهند..

--------------------------

المهم خذو المعلومات بالضبط:

- اسم الحنى: جولد بلاك Gold Black
- مكتوب باللون الذهبي..
- وعلى الباكيت صورة حرمه هنديه شعرها اسود وحاطه دقمه حمرى على يبهتها..
- ولون الباكيت اسود والصوره في النصف الباكيت..
- باكيت صغير الحجم..
- بتحصلونه في البقالات الهنديه أو سوبرماركتات الي اصحباها هنووود..
- سعره جيد جدا مش غالي..

-------------------------

طريقة الاستخدام:

- تاخذين الحنى وتخلطينه مع الماء لين ما يصير متوسط الغلظ مش سائل ولا مكثف..
- تحطين نص حبة ليمون اذا كان فيج قشره روعه واذا لا لا تضيفين اي شي..
- وتتركينه ليوم الثاني.. يمر 24 ساعه عليه..
- واستخدميه.. واتركيه على الشعر لمدة ساعتين فقط..
- واغسلي شعرج عادي..

ملاحظه الشعر يكون نظيف وما في اي اضافات من المغذيات ولا كريمات..

وردو عليي خبر :up:

م

مرموم

نائبة المشرفة العامة

15-01-2005 | 11:47 AM

السلام عليكم ورحمة الله وبركاته

تسلمي أختي أم سعيدة...

تصدقي كنت منتظراكي تنزلي موضوعك...لأني نفسي أعطي الحل للوالدة الله يخلّيها...

إن شاء الله بس أقدر ألاقي نوع الحنا هذا...

تسلمي مرة ثانية :smile:

أ

أوراق الخريف

مشرفة سابقة

15-01-2005 | 11:54 AM

السلام عليكم ورحمة الله وبركاته..

مرموم الله يقومج بالسلامه ان شاء الله يا ربي ويرزقج بولاده سهله حبيبتي..

ومشكوره على الرد عزيزتي وخبري الوالده تدعيلي بالخير..:shy:

ل

لب لفواد

عروس ماسية

15-01-2005 | 11:56 AM

هلا وغلا باالغالية أم سعيده تبين الصدق أنا أعاني من الشعر البيض بشعريه وكنت أب أحنيه بس خفت لا يطلع لونه برتقالي بس الحمدلله على ايدج ياني الحل ان شاء الله بحاول أحصل هالحنا وبستخدمه واذا ياب نتيجه أتأكدي أني بدعيلج من كل قلبي................

أ

أوراق الخريف

مشرفة سابقة

15-01-2005 | 01:09 PM

السلام عليكم ورحمة الله وبركاته..

ان شاء الله بتحصلين على نتيجه مرضيه يا ربي.. وادعيلي بكل خير..

ز

زكاتي

عروس جديدة

15-01-2005 | 02:05 PM

هلاوالله

لون شعري يميل للون الكستنائي
والشكولاته فمااعتقدحلويصير شعري لون اسودليل :down:صحيح ولاشنو

أ

أوراق الخريف

مشرفة سابقة

15-01-2005 | 02:09 PM

السلام عليكم ورحمة الله وبركاته..

أخت زكاتي ما فهمت عليج ممكن توضحين اكثر..

اذا ما عاجبنج مب مجبوره تستخدمينه..

انا كاتبه الحنى السوداء.. حق الي ما صبغت شعرها.. وتطمع انه شعرها يكون اسود.. مب اللي ما تباه اتجربه!؟

ام اللي صابغتنه فما تستخدمه..
ام اذا كان شعرج طبيعي لونه كستنائي فعادي تقدرين تستخدمينه وانا اقول انه يسووووووود حيل حتى يبين انه اسود اسود وانا اكتبه عن شي شفته ومجرب مب اي كلام..

G

Girl

عروس مبدعة

15-01-2005 | 09:30 PM

تسلمين والله :clap:

بغيت اسألج اختي يستوي نخلط وياه روب وزيوت يعني اخليه مثل الماسك حق شعري؟؟ولا هو بس ينفع حق صبغ الشعر؟

:smile:

أ

أوراق الخريف

مشرفة سابقة

16-01-2005 | 06:23 AM

السلام عليكم ورحمة الله وبركاته..

عزيزتيGirl الحنى لصبغة الشعر وعلاجه من اي خلل..
اذا بتضيفين اشياء انتي ترتاحين له فخذي حنى عاديه احسن لج..

ا

العطا

عروس مبدعة

16-01-2005 | 07:44 AM

مشكوره اختي وماتقصري

ر

رمز المحبة

عروس رائعة

16-01-2005 | 07:52 AM

ام سعيدة فديتج هاذي معها صبغة

وانا جربتها مرة على مرة بعد كم سبوح ايطير لونهااااا

وعلى فكرة تخشن الشعر وتخليه مثل القرطاس النيلون

واسفه بس اسال مجرب ولا طييب

وانا استخدمه مراااااااااااااااااااااات عشان اخوز لون الصبغه

بس تراهاا تسبب الشيب

والسمووووووووووحه منكم:shy:

أ

أوراق الخريف

مشرفة سابقة

16-01-2005 | 07:57 AM

السلام عليكم ورحمة الله وبركاته..

عزيزتي رمز المحبه تراج تقولين بغيتي اتغيرين لون الصبغه!؟ علشان جيه اخترب شعرج انا كاتبه فوق لا تحطونه وانتو صابغين شعركم بيعدمه..

وعن اللي شفته.. امي ما شاء الله شعرها طويل وناعم وحاطتنه من فتره ولين الحين شعرها اسووووووود؟! ولا بعد مثل ما هو نعيم ما تغير شي فيه لا تقصف ولا تساقط؟! هذا يعني انج صابغه شعرج وعقب حطيتي الحنى علشان جيه اخترب شعرج :smile:

وهذي حنى مب صبغه والا شي كيماوي علشانها تسبب شيب حبيبتي وتسلمين على الرد..

-----------------

ومشكورين عزيزاتي على الرد..

ا

الجمال الحزين

عروس جديدة

17-01-2005 | 06:57 PM

أخواتي العزيزات ماشفت الموضوع الا ألحين ... وأقول لكم أنا أستعمل هذه الحنة من سنين وشعري طويل للركبة وماخشنة ولا سوى في شي بس المهم مثل ماقالت اختي أم سعيده لا تحطونها وشعركم مصبوغ ... وبعد الغسل حطو دهان شعر خفيف لمدة يومين وشوفو الفرق في اللمعان وفي كثافة الشعر ... وادعولى.

أ

أوراق الخريف

مشرفة سابقة

18-01-2005 | 05:57 AM

السلام عليكم ورحمة الله وبركاته..

تسلمين الجمال على الرد.. وان شاء الله البنات يستفيدون من خبرتج.. وردج الطيب..

ع

عروس الغبيراء

عروس ذهبية

19-01-2005 | 04:33 AM

[CELL=filter: dropshadow(color=deeppink,offx=8,offy=4) shadow(color=red,direction=135) glow(color=purple,strength=5);][ALIGN=center] السلام عليكم ورحمة الله وبركاته

يعطيك العافيه[/CELL]

أ

أوراق الخريف

مشرفة سابقة

19-01-2005 | 08:57 AM

السلام عليكم ورحمة الله وبركاته..

تسلمين ام رسووود علرد حبيبتي..

ا

الشيخة

مشرفة سابقة

19-01-2005 | 04:11 PM

السلام عليكم ورحمة الله وبركاته
عزيزتي أم سعيده منورة الركن
بمواضيعك الرائعة
يا غاليتنا

تقبلي تحياتي
الشيخة

أ

أوراق الخريف

مشرفة سابقة

24-01-2005 | 06:29 AM

السلام عليكم ورحمة الله وبركاته..

تسلمين الشيخه علرد الطيب حبيبتي

b

bardana

عروس مبدعة

01-03-2005 | 01:03 PM

شعري مصبوغ اقدر احط حنه صارله مصبوغ 5شهوووووور ؟؟؟ ومن شهر حطيت حنه حمره؟؟يعني الحين اقدر احط حنه سوده وراح يصبغ شعري

أ

أوراق الخريف

مشرفة سابقة

02-03-2005 | 06:29 AM

السلام عليكم ورحمة الله وبركاته..

عزيزتي Bardana لا.. بعد مرور 6 اشهر بالضبط وكلما اكثر يكون احسن لج طبعا.. 6 اشهر على الصبغه ريحي شعرج سويله حمام زيت وغيره وبعده استخدمي الحنى عادي..

يسعدني بان تشاركي بالرد على مواضيعي