ما ادري وش اقول ؟؟؟؟بس.......

f

flower_night

عروس جديدة

15-01-2005 | 06:37 AM

السلام عليكم ورحمة الله وبركاته

انا بصراحه متزوجه من 4 شهور

زوجي الحمدلله طيب وحنون

بس المشكله فيني انا يعني الى الان ما تقبلته ممكن اتقبل بعض الاشياء بس مو كل شي

هوشغله عسكري يعني يكون فيه ايام ينام بالشغل وانا انام عند اهلي بس والله يابنات اني ماودي ارجع معه ودي اقعد بيت اهلي ما ودي اروح معه

بالبدايه هو كان يجيبني لاهلي مرتين بالاسبوع وحنا بنفس المدينه الحين لا مره بالاسبوع وحتى هذي يحسها كثيره

وشقتنا جنب اهله واهله لازم نروح لهم اكثر من مرتين بالاسبوع؟

ما ادري وش تقولون عني بس بجد والله احس اني مخنوقه ابي ارجع بيت اهلي ودي ترجع حياتي الاولى

اتمنى منكم يا خواتي تنصحونني فانا محتاجه لكم؟

م

مرموم

نائبة المشرفة العامة

15-01-2005 | 08:43 AM

السلام عليكم ورحمة الله وبركاته

هلا بيكي أختي...

أختي...الحين إنتي صرتي سيدة متزوجة...و المرأة المتزوجة تمشي على طبع زوجها...و تشوف اللي يريحه و تعمله...

أنا كمان زوجي يشتغل شيفتات...و ساعات كتير أنام لوحدي أو عند بيت أهلي...

لكن أكون مشتاقة أرجع بيتي...و أقعد أكلّم زوجي و هو في الشغل و أقول له متى ترجع...

حكاية أهلك و أهله...هذا موضوع أزلي...ما راح تقدري تغيريه...لأنه طبعا يشوف نفسه وسط أهله...و يستحي وسط أهلك...لذلك يفضل يروح لأهله...و راح تلاقي نفس الشعور ينتابك...

مفروض أختي تحاولي تتأقلمي شوية على العلاقة الزوجية...إعطي زوجك من حنانك و حبّك...لأنه محتاجه كتير...ما تخلّي أشياء صغيرة تحدث في كل بيت تكبّر راسك و تعمل لك مشكلة...بالذات إنك في بداية حياتك الزوجية...و ممكن تشكليها على كيفك الحين...

بالتوفيق إن شاء الله...

b

bent_palestine

مشرفة سابقة

16-01-2005 | 02:12 PM

أنا مع مرموم العسل

نعم في البداية كل واحد يكون متعود على حياة معينة

لكن تحتاجون لفترة لكي تتأقلموا على الوضع الجديد

أقول لك كلمة حبايب

عن الدلع واستوي مرة :D2

وربنا يوفقكم

ب

بنت البلد

عروس نشيطة

16-01-2005 | 02:24 PM

ههههههههههه

اعذريني لازم اضحك
لان انا كنت مثلك بس كنت توني متزوجه ولم اتعود على حياه المتزوجه فيكون انتماء احاسيسي كلها الى اهلي واريد الرجوع لهم لاي سبب

ولكن يجب ان ترضي زوجك....وعشان يحبج اكثر دايما قوليله ابي اجلس عند اهلك وابي اجلس بشقتي,,,,

كذا يحس انه كلامه مشى وانج تحبين حياته وطباعه

وانتي وقتها طلباتج اوامر
مع مرور الزمن بتشوفين ان من كيفه يقولج حبيبتي تبين تقعدين بيت اهلج روحي :cool2:

أ

أشواق لا تنتهي

مشرفة سابقة

17-01-2005 | 02:00 AM

حبيبتي هذا شي طبيعي الي اتحسين فيه

((الحنين الى بيت اهاج ومكانج)))

بس معا الشهور بتتعودين على بيت زوجج وبترتاحين فيه اكثر من بيت اهلج

ل

لين وديم

عروس مبدعة

17-01-2005 | 02:15 AM

اللى اقدر اقوله ان الحب مايجي على طووول يعنى مولازم يكون حب قبل الزوااج !!بعدين بتحبينه من تصرفاته (وانتى تقولين طيب وحنون) وتعامله معاك.زين..:up:
وانا اشووف هذه مشكله كل عروس تروح لبيت زوجها لازم تحس بالحنين لبيت اهلها وغرفتها خصوصا (مثل مايحصل معي)لكن مع مرو ر الايام تحس انها تعودت على بيتها وعلى زوجها...

ومسالة بيت اهله هذا شي لابد منه..يعنى وشو المشكله اذا رحتى لهم مرتيين بلاسبووع (تدرين انا لازم اروح لهم يوميا واذا مارحت بدت المشاكل!! خلاص اسوي اللي يبيه زوجي اذا كان هذا الشي يرضيهم!!بس مااشوفه كذا متضايق مني وعلى سبب ماله داعي!!)

اتمنى انك تاخذين رايي بصدر رحب وتتقبليين كلالامي...

واتمنى انى افدتك!!

ن

نورس الوجود

عروس رائعة

17-01-2005 | 02:47 AM

السلام عليكم ورحمة الله وبركاته
سوي الي يرضي زوجك ويسعده

ع

علايـــــه

عروس نشيطة

17-01-2005 | 02:48 AM

مرحبا اختي

كلام البنات قبلي صحيح

أنا مب متزوجة بس اشوف انج حرام تتسرعين و تحكمين على زواجكم بهالسرعة

انتي توج متزوجة 4 شهور ما صار لج ، حاولي تتأقلمين

و لا تنتظرين ان الظروف تكون مثالية 100%

انتي حاولي تغيرينها و تخلقين لنفسج جو أفضل

و اهتمي بزوجج و حببيه فيج ، ما دام انه طيب و حنون ماعتقد هالشغلة صعبة

حاولي تتحملين

و عشان ما تتضايقين

فكري في الوضع الحالي كتغيير و مش كشيء مفروض عليج و مجبورة فيه

لا تخلين أي شغلة تكبر في راسج ، دايما ً كبري عقلج

و حاولي تفكرين في الإيجابيات أكثر من السلبيات

قارني نفسج باللي ظروفهم أسوأ منج و عندهم مشاكل اكبر

حزتها بتقولين الحمدلله على كل حال

الله يوفقج و يسعدج و يرزقكم الذرية الصالحة

:flower:

f

flower_night

عروس جديدة

18-01-2005 | 01:33 AM

:o السلام عليكم ورحمة الله وبركاته

مشكوريييييييييييييييييييييييييييييين اخواتي

والله ماقصرتوا بجد الله يهينيكم ويعطيكم كل خير

ويسخر لكم انشاءالله

~

~"مناير الكويت"~

عروس رائعة

18-01-2005 | 05:22 PM

:up: الله يوفقج حبيبتي