زوج صديقتك!!!!!!!!!!!

اختي عبير الوفا انا مر معي هالموقف مع زوج اعز صديقاتي... و رحت واجهتها و سواها مره ثانيه وواجهتها مره ثانيه و الحين ريلها اصطلب و يحترمها وايد...فانصحج انج اتكلمين صديقتج الحيييييييين... و ما اتأجلين ,ترى موب من صالحج...:down:
الله وياج....

مرحبا اختي عبير الوفا ...

المفروض ريل صديقتج ما يشوفج وما يسمع حتى صوتج ....

اختي عبير الوفا لا تسكتين خبري صديقتج وخليه ريلها يتأدب ...
:eek2:

ووووووجع ياشين هالنووووعيه من الرجال



لازم تعلمينها بس الاهم فكري لييييييييييه هو عاكسك ؟.؟.؟.؟.


لاتزززعلين مني ؛ ؛ بس ماطرحت هالموضووع اكيدالا من خوفكـ عليها وحبكـ لها


صح :rolleyes:

السلام عليكم ورحمة الله وبركاته

أختي هذا يعتمد على نوع علاقتك بصديقتك...

يعني في صداقات تكون قوية...و ممكن الواحدة تتكلم مع صديقتها و تقول لها..و في صداقات لأ...

أول شيء...حاولي تخففّي من زياراتك لصديقتك...و ما في داعي للقعدة المختلطة...

يعني ليش أصلا يكون في إحتكاك بينك و بين زوج صديقتك ؟

حاولي زياراتها تكون لك في بيتك...و إبتعدي عن أي موقف يسبب إحتكاك بزوجها...حتى لو كلام بالتيليفون...

لكن أحسها صعبة إنك تصارحيها بحقيقة زوجها...لأنها راح تكون صدمة لها في زوجها...و ممكن ما تصدقك...

الله يهديه إن شاء الله...

لا لاتصارحينه بزوجها
بس لاتكثرين زيارتك وإن زرتيها لاتطولين
ذحين أنتي تكشفين لزوجها ؟؟

السلام عليكم ورحمة الله وبركاته

صلى الله عليه وسلم

هلا اختي..

الحل يتمثل في أربع خطوات وهي:

1. حذاري من أن تقولي لزوجك عما حصل.

2. لا تخبري صديقتك أبداً ولكن انصحيها لو رأيتها مقصرة في ناحية من النواحي اتجاه زوجها.

3. لا تذهبي أبداً لزيارتها في منزلها، بل قولي تعالي أنت في بيتي.. لما لا نذهب لمطعم.. أو منتزه..

4. تقربي من زوجك أكثر.. ولاا تدعي أبليس يقترب منكما..

بصراحه مابقدر اتحمل وبقطع علاقتي بها

مااقدر اكون سبب ف مشاكل البنت ف غنا عنها

لا تخبري صديقتك ولكن قللي من الزيارات خاصة عند وجوده بالمنزل .
اما اذا كانت صديقة غير مقربة فلا تخبريها ايضا لانها لن تصدقك وسوف تسمعك كلام لا يرضيك

عفوا عزيزتي

بالفعل .. ما السبب أن الزوج يعاكسك بأسلوب جرئ

وما نوع الحوار الذي يستدعي أن تتكلمي أصلا مع الزوج

عزيزتي قبل أن نتكلم عن أي شيء نقول لك اتق الله فقد تكونين سببا لفساد العلاقة بينهم

ابتعدي .. وعندما تريدين الكلام مع صديقتك رنيلها على الموبايل وتتصل هي بك

لا تحتكِ بزوجها من قريب أو بعيد

واسمحيلي ولا حتى شلونك يا بو فلان؟؟

ولو كان ما عندها موبايل لو اتصلتي بها ورد الزوج قوليله لو سمحت فلانة لو زاد حرف واحد اغلقي السماعة في وجهه ومرة على مرة راح يفهم إنك لن تكوني صيدة سهله له وسيحترم نفسه

وسامحيني لو شددت عليكي لكن أحيانا الواحد يكون على عيونه غمامة ويحتاج لشيء ينبهه لخطأ معين ما كان منتبه له

أتمنى للجميع الهداية وصلاح الحال

يمه:eek2:

لالا بعدين ترى تتهمج لازم تقولين لها

هالمشكله اشوفها واجد
انا مره سمعتها من وحده كان يضايقها رجل اختها
ولما تكلمت وصارحت اختها صارت القطيعه بين الاختين
مو لازم انك تقولين لصديقتك لانها يمكن تنجرح او تنحرج منك
انتي حاولي انك ما تحتكين بزوجها قد ما تقدرين
وخلي بالك على نفسك

انسحبي انتي من حياتها شوي شوي يعني ماله داعي تزورينها في بيتها خليها اهي تزورج او زوريها في بيت اهلها ، لا تتصلين على تلفون بيتها احتمال يرد زوجها عليج .. ولا تصارحينها يمكن توصل السالفة لي الطلاق وتكونين انتي السبب صيري انتي الزينه وما تخربين العلاقة لا بينج وبين صديقتج ولا بين صديقتج وبين زوجها والله يهدي ويصلحه ...

انا مع مرموم


وكمان البنات ماقصروا قالوا لك النصايح اللي توقفة عند حدة


واذا زودها يعني مررررررة زودها اقطعي علاقتك فيها عشان مايجي يوم وتقول انك خطافة الرجال لاانها بتقول انتي السبب

انا بقولج صار معاي انا شخصيا

كنت زايره صديقتي بشقتهم وشافني زوجها وطلع بس لما نزلت لقيته ينطرني تحت قال لي ابيج بموضوع مهم

المهم بعد ما ابتعدنا عن العماره قال لي انا معجب فيج من زمان وما اقدر اتكلم ومن هالكلام قلت له مع السلامهههههه ولا كثرت حجي معاه صار يدق على تلفوني واطنش فيه

الحين لا تقولون لي ليش اهو قال لج هالكلام ترى انا مالي علاقه فيه ابد بس سلام

وبعدين قلت حق صديقتي الثانيه السالفه قالت لي لازم تقولين لها بس قلت بدل السالفه انتهت ولا عاد يتصل بسكر الموضوع وماني متصله فيها الا اذا ابيها بشي ضروري او تكون في بيت اهلها

بعد فتره اتصلت صديقتي واهي معصبه قالت لي صج انتي على علاقه مع زوجي انا انصدمت اثاري زوجها قايل لها انا اكلم شوق ومن هالكلام وعاكس كل الكلام

اول شي انكرت وبعدين قالت لي انتي يوم كنتي عندي شافكم الحارس مع بعض تسولفون وبعدين رحتوا

قلت لها السالفه بالتفصيل

وبعدين قالت لي انا مصدقتج بكل كلمه اصلا زوجي مسوي هالحركه مع اكثر من بنت اعرفهم واللي قراب عندي

وعرفت بالاخير ان زوجها على علاقه مع مرت اخوها الله يهديهم

والهدف من هذا كله يبي يتجسس على مرته وين تروح مع منو تتكلم وشنو تسوي اذا كانت بعيده عنه

انصحج تبتعدين عنهم لا من قريب ولا من بعيد واذا اهي تبيج تتصل عليج واذا قالت لي لج ليش ما تتصلين تعذري لها باي شي

سلامي

شووووق

طبعاً البنات ماقصروا ... ماشاء الله عليهم ... :shy:

عيني عليكم باردة يابنات :cool2:(r) :cool2: (r)


ورأيي يتوافق مع رأي الأخت مرموم .. اللي أحس أفكاري متقاربة مع أفكارها :shy:


بس حابة اني استفسر من بعض الأمور ..
هل انتي متزوجة؟؟؟
هل حاول يغازلك مرة وحدة ؟؟ أم انه يكرر مغازلاته لك ؟؟
( لأنك قلتي : لو حاول زوج صديقتك معاكستك باسلوب جريئ جدا
وصديته بالطبع )


لأني الصراحة مو عارفة ... لأنه لو حاول يغازلك مرة وحدة وانتي صديتيه وتوقف عن مغازلتك ... فهنا مافي داعي انك تخبري صديقتك أبداً أبداً ..
بس اللي تعمليه انك تاخذي حذرك منه ...




ولكن عزيزتي خذي نصيحة مني :

1. لاتفتحي الموضوع مع صديقتك أبداً ... لأنها أول شيء راح تنصدم :eek2: وراح تبدأ علاقتها مع زوجها تتدهور وراح تكوني انت السبب وراح يأنبك ضميرك .. لما تشوفي المشاكل بينهم بدأت ..

2. حاولي انك تستخدمي اسلوب الاستعباط ... يعني : حاولي تبيني لزوج صديقتك انك موفاهمة حركاته (هذه في حالة لو ان زوج صديقتك يغازلك من تحت لتحت ) ..

3. وراح أكرر اللي قالوه الأخوات : خففي زياراتك لها ..



والله يوفقك يارب ، ويبعد عنك المشاكل ...

لمفروض اصلا لاتسلمين عليه لامن بعيد ولا من قريب

ولاتعلمينها خليها اهي الي اتزورج ابيتج ودقي على رقمها الخاص فيها

ترا بتتهمج انج تبين اطيحين بينها وبين زوجها

وزوجهايمكن بيقولها انج حاولتي تتقربين منه

وبتوصل السالفه لزوجج وبيخترب بيتج:down:

فالبداية اشكر الجميع على المشاركة واسفه على التاخر بس بظروفي

الشي الثاني بجاوب على اسئلتكم

انا مو متزوجه
وعلاقتي بصديقتي مو قويه لدرجة الزياره ابدا مجرد زماله بالاصح يعني علاقتنا محدوده بالمدرسة حتى جوالي مو عندها وزوج صديقتي ما يشوفني بس لما اكون طالعه من المدرسه بس وانا الحمدلله عبايتي على الراس ومن حالي بشاني بس هو عينه يبيلها فقع وانا الحين ماعرف كيف وصل لرقمي بس كل الي ظاهر صاير ان زوجته تتكلم عن رفيقتها بالمدرسة هذا يمكن وانا الي الحين ماعلمتها وفعلن اخاف اخرب حياتها بسبي
بغيت اوضح اني حتى مكالمات ما اكلمها

ولكم جزيل الشكر

عيل حبيبتي ليش متعبه نفسج لا تقولين لها ولا شي دامكم بس بالمدرسه بس لا اتصالات ولا شي

وانتي ما وضحتي هالشي من الاول

خليج بحالج وحاولي انج ما تطلعين معاها بنهاية الدوام او نطريها اهي تروح وبعدين انتي طلعي من المدرسه

اذا قلتي لها راح ينقلب هالشي ضدج

سلامي

اختي تعرضت لهذي المشكله
صارحيها اول شيء
بعدين لا تكلميها وريلها عندها
ونفس الشيء لاتزورينها في بيتها
وان شاء الله راح تفهمج