9سنوات مع الشغاله

عزيزتي طبعا اكيد كل شغالة او كل عامل بيرد لبلاده ولازم الكل يعرف هالشي

لكن بالنسبة لك وعن سالفة الكسل حاولي ان انتي في البداية ما تخلي الاشياء تتراكم عليج يعني التنظيف اول بأول غسل الصحون مثلا كل ما صار عندج صحن يحتاج لغسيل بساعتها وانتي رايحة المطبخ اغسليه لا تقولي بعدين وبعدين بجمعهم وبغسل لا هالشكل بتتعبي

اما عن الملابس طبعا حددي عندج نص ساعة كل يوم تكفي لغسل الملابس لو كنتم عائلة صغيرة او الغسالة كبيرة جمعي الملابس الداخلية مرة وحدة واغسليه بس تحملي لا تزحمي الغسالة وتخربيها
جمعي الملابس كل نوع لوحدة وغسلي صدقيني بتخلصي وطبعا الغسالة تغسل وانتي سوي شي غير مثل تنظيف الصالة مثلا يعني باختصار لو حددتي باليوم ساعة واحدة تكفي لتنظيف البيت


تعرفي انا يوم ما تكون عندي شغالة اول شي اسويه احط الملابس بالغسالة وبعدين اخليها تشتغل واروح المطبخ اذا فيه شي للغسيل اغسل وانظف المطبخ تكون الغسالة وقفت اروح اطلع الغسيل واخلصه واشطفه وطبعا اكون حطيت الملابس الثانية بالغسالة بعد ما انشفها اروح انظف لو الصالة او البيت محتاج تنظيف من توقف الغسالة ارد لها وهكذا خلال ساعتين او ساعة ونصف اكون مخلصة تنظيف البيت والغسيل والبيت يلمع


واذا سويتي هالشي الصبح بيكون احسن قولي ليش لان الصبح مرة وحدة هي تنظيف وهي غسيل وهي تجهزي للغدا وبعدين تقعدي مرتاحة طول اليوم


بس بعد شو نسيت سى البات يعطونج افكار افضل مني

وتعرفي مرة بعد مرة بتحسي بمتعة وانتي تسوي هالشي

واعذريني على الاطالة

تسلمين يا قلوب والله انتي عطتيني اشياء هامه والله انشاء الله لدعيلك
عند الفطور لاني صايمه العشر ولية يا بنات الي قرو الموضوع ماردو
وبعدين انا ابغى اعرف طريقة لغسيل الاواني لاني ماعندي مهارة صح اعف
وماهو اختراع لاكن ان بطيئه مرة وابغى وحدة تساعدني في مسأله الكسل ساعدوني تكفون ولي يرحم امهاتكم ساعدوني ولاتستتفهون بالموضوع

[CELL=filter: glow(color=sandybrown,strength=16);][ALIGN=center]انا خدامتي شهر6 بتسافر ومفكره اجيب غيرها شهر4 عشان اتعلمها كل الي علمته مابي تعبي يروح على الفاضي[/CELL]

حبيبتي حاولي تقسمين يومك وحددي الأوقات عشان تضرين تسوين الشغل..
وافضل شي شغل الصبح لأن تأكدي لو عدى الوقت وصار الظهر بتكسلين وما رح تشتغلين .. ومو لا زم تخلصين كل البيت بيوم واحد قسميه اريح لك..
وتبين نصيحتي خذي جنزانا اللي هي حبوب الجنزنج فظيعه تنشط..

الغالية بالنسبة للصحون علشان يكون سهل لازم تغسليها اول بأول لان لو خليتيها فترة ممكن بقايا الطعام تنشف عليها
المهم لو كان عندج صحون كثيرة شو اتسوي كبي عليها الماء وبعدين حطي شوية من سائل الغسيل في طاسة او اي شي خاص للصابون وشوية ماء واول شي قومي بغسل كل الموجود بالصابون كلهم مرة وحدة وبعد من تخلصي الغسل بالصابون اغسليهم كلهم بالماء يعني ما تغسلي الواحد بالصابون وبعدين ماء
والثاني صابن وبعدين ماء هالشكل ما بتخلصي لان بتاخذي وقت تفتحي الحنفية وتسكري وتسلي الصابون
لكن مرة وحدة كلهم صابون ومرة وحدة كلهم ماء احسن لج

ومرة بعد مرة بتشوفي الامر سهل جدا وايديك بتاخذ على الغسل وبتخلصي بسرعة

لكن اهم شي الارادة عندج ان انتي اتسوي شي


ومثل ما قلت في السابق النظافة اول بأول ما بتتعبي ابدا

الشكر والله لدلوعه حبيبي وقلي يالله انك تتمين في الدلع اكثر واكثر
والف شكر لميمي بيبي وماقدر اقول الا الله يوفقكم وشكر خاص لقلوب
والله احرجتيني باخلاقك يا قمر قولي ياالله في هذي الساعة المباركة
ان الله يحققلك كل احلامك