تعالوا كل واحدة تقول جابت ايه في جهازها

السلام عليكم ورحمة الله وبركاته

ازيكم يا بنات عروس

عاملين ايه :smile: انا الحقيقة كنت مع عروس من الخطوبة لحد ما تزوجت والحمد لله بصراحة ساعدتوني في حاجات كثيرة في الديكور والجهاز

خطر على بالي ان لو كل واحدة تزوجت او على وشك الزواج تقول هى جابت ايه في جهازها هتساعد اخواتها اللي محتاسين في التجهيز وانا عارفة انها حوسةوطبعا كل واحدة تقول غلطت في ايه علشان الباقيات يتجنبوا الغلط

علشان كده انا هابتدي

اولا لغرفة النوم

1 - 13 ملاية سرير الوان مختلفة (هو العدد كان كبير شوية لأني مجنونة مفروشات)
3- 3 بطانيات + مفرش شتوي صوف
4- 3 مفرش ساتان (غلط طبعا لأني كان واحد كفاية لكن اعمل ايه في جناني وفراغة عيني :D2)
5- لحاف فيبر (وده ما ستعملتوش لحد دلوقت - الحقيقة البطانيات كفاية اثنين حلوين قوي لكن عملت حساب لو ضيوف جت اغطيها منين :cool2:)
6- 2 كوفرتة (يعني مش مضرين قوي خصوصا انهم سعرهم رخيص)
7- مفارش للدولاب علشان الهدوم تتحط عليهم (وغلطت لأنهم قماش كان لازم اجيب بلاستيك لأن القماش بيمسك في الملابس)
8- 2 مفرش للكومودينو وواحد للتسريحة


الدولاب (الملابس يعني)

3 فستان ابري ميدي (يعني ينفعوا لبعد الظهر او لو معزومة على خطوبة، او عيد ميلاد ...)

2 سواريه

في الصيفي جبت 3 بدل و5 اطقم كاجوال ينفعوا للعمل وطبعا كل طقم او بدلة معه شتنطته وايشاربه والصندل او السابو بتاعه (حكاية مكلفة قوي :pain: لكن بصراحة ثبت لي اهميتها علشان الخروجات عند اهل زوجي لازم يشوفوني دايما في احسن صورة )

اشتريت طبعا في الشتوي 3 بدل و5 اطقم للعمل ونفس الحال مع الصيفي (طبعا في حاجات بتليق على حاجات كثيرة زى الأبيض والأسود والبنيات) عاوزة اقوللكم اني شريت الشتوي بعد زواجي لأني بصراحة تزوجت في الصيف وقلت اكيد الموديلات هتختلف (وده اللي حصل فعلا)

ملابس نوم جبت منها كثير جدااااااااااااااااااااا وبالذات في الصيفي يعني كل دقيقة حاجة (لكن بصراحة مش مبسوطة لأن في موديلات جديدة بتطلع)

العبايات

2 واحدة سوري وواحدة هندي للضيوف

البارفانات والماكياجات

اشتريت علبة شادو كبيرة فيها كل الألوان ، ماسكرا واىلاينر بألوان الأسود والأزرق والموف
الوان الروج جبتها كلها تقريبا (ولازم طبعا الأحمر)
احمر الخدود جبت البني والروز والأحمر شوية

طبعا توك شعر بكل الألوان والأشكال

بارفانات كثيرة من كل نوع (واستعملت التركيب في حاجات كثيرة وطبعا سعرها أرخص)

مش هأكمل باقي الغرف لحد ما تقولوا لي رأيكم في الموضوع