حـــــــل للعوانـــــــس أكيـــــــــــــــــــــــد

تسلمين اختي الغاليه أم جريوة على هالنصيحه الحلوه ..

فعلا الانسان لا يتوقف حلمه او هدفه عند نقطة معينة فقط ..

ولا تجعلي الزواج هو هدفك الوحيد فالحياة ..

الله سبحانه وتعالى قسم الارزاق كيفما شاء .. فتوكلي عليه ..

اصبري واحتسبي الاجر من الله تعالى .. فهو اكيد .. إختبار لمدى صبرك وعبوديتك ..

واعلمي اختي الحبيبة بأن هناك فجرا .. وبأن بعد العسر يسرا ..

" فصبر جميل والله المستعان "

تستطعين اختي الحبيبه .. أن تحولي نظرة الناس المشفقه ..

إلى نظرة إعجاب وتقدير ... بطموحك .. بعملك ... بدراستك .. بشخصيتك

ولا تأيسي أبدا .. فإنه لا ييأس من روح الله إلا القوم الظالمون لأنفسهم ..



والله يوفق الجميع لما يحبه ويرضاه ..

أم جريوة مشكورة حبيبتي على هالنصيحة لكن اقولج شغله

انا عمري 21 يعني توني ما افكر بالعنوسة لكني بنفس الوقت ملهووووفه على الزواج تدرين ليش ؟؟ لان الوحده صعبة خصوصا ان خواتي تزوجوا و تركوا البيت و ظليت طول الوقت بروحي

حتى لو قلت بتمتع بحياتي .. صح انا الحمدلله ماخذه حريتي و مو ناقصني شي و كل اللي ابيه اسويه لكن لكل شي حدود و بتوقفين عنده .. هذا غير الملل و الروتين و الززززهق

كلامج صح يا أم جريوة لكن ما تدرين كل بنت شنو ظروفها :smile:

:smile:

:up:


:clap::clap:

صح كلامك ويعطيك العافيه .. :smile:

السلام عليكم ورحمة الله وبركاته

كلامك يا ختي صح لبنت عمرها 20 او 25

لكن اترك النظريات

وخلينا نناقش الموضوع عملي

الرجل لو ما تزوج وعمرة 20 او 25 وإن شاء الله يوصل 100 سنه

متى ما بغى يتزوج بيلقى لو مو من اداخل البلد من برى

وبعدين حتى لو توفى ابو وتوفت امه يقدر يدبر نفسه

لكن البنت

تحتاج الى رجل في حياتها

تخيلي منو بيتزوجها لو وصلت 40

لو توفى أبوها وامها

وين بتعيش؟؟

في بيت بروحها >>>هذا شئ مستحيل لا الدين ولاالعرف ولا التقاليد يرضونه

عند حد من اهلها دايما بتحس انها ثقيله عليهم خصوصا على زوجاتهم

وبيزيد الامر لو كانت عاطله عن العمل

يومها 24 ساعة شنو تسوي فيها

قامت بعبادتها صلت وذكرت

شنو تسوي؟؟

تريد تسولف مع منو تسولف >>>الكل لاهي عنها بالزوج والاولاد ولا حتى بالدنيا

تريد تطلع مكان معين منو بيوديها

حاجاتها النفسية والجسدية منو يشبعها؟؟

فطرت الامومة شلون تطفيها >>>هذي فطرة ما تقدر تتحكم فيها

أنا صحيح ما كملت العشرين

لكني شفت في الحياه نماذج

واتمنى ان ربي يساعدهم

ولا احد يذوق اللي ذاقوه

اسمحولي على المداخله ..

حبيباتي .. الظاهر انتوا ما فهمتوا قصد أم جريوة ..

هي قصدها .. ان لو الوحده تمت عانس وماتزوجت .. لا تكدر حياتها

ولا تيأس .. ولا تحبط مشاعرها .. ولا تخلي هالشي يأثر على نفسيتها ..

ترا الزواج قسمه ونصيب !!

صح انا معاكم .. ان حلم كل إمرأه الزواج .. وتكوين أسره .. بس لو تأخر هالشي !!

شو بيدها تسوي ؟؟؟ تفكر ليل ونهار ؟؟؟ تصيح وتذرف دموعها عالفاضي ؟؟

تشتكي وتنوح للغير ؟؟؟؟ طبعا لا .. !!

صح الزواج هو هدف البنت في الاول والاخير .... بس المطلوب منها ..

تحاااااااااول متابعة حياتها بشكل طبيعي .. بدون جروح ولا آلام يمكن تخليها تنهار نفسيا !!

بالصبر .... والدعاء .. والاستغفار .... صدقوني راح تنال مرادها ..

الله سبحانه مايرد دعاء العبد اذا كان صادق فيه ونابع من قلبه ..


و الله الله بالدعاء والاستغفار ......

والله يرزق كل محرومه ان شاااء الله ..

أختي العزيزة أم جريوة

جزاك الله خيرا على هذه النصائح

لكن الراحة النفسية والاستقرار يأتي من البداية وليس من أجل الزواج

يعني تدخل عوامل أخرى هي اللي تبعث الطمأنينة بالنفس أو تجعلها أكثر قلقا

أولها الإيمان والثقة بالله

هل تم زرعها بالنفس بصدق

ثم طريقة تفكير الأهل وعلاقتهم ببعض وترابطهم

هل البيت فيه ترابط ومحبة ووئام ولا متنافرين وكل واحد لاهي بنفسه وحاله والغير مش مهم

لو كانوا متحابين راح تكون البنت اكثر شعورا بالثقة والهدوء والراحة مما لو كانوا غير ذلك

التربية مؤثرة جدا في هذا الجانب

وربنا ما يحرم ولا واحدة من الزواج والأطفال والاستقرار .. آمين

كاتب الرسالة الأصلية : bent_palestine
أختي العزيزة أم جريوة

جزاك الله خيرا على هذه النصائح

لكن الراحة النفسية والاستقرار يأتي من البداية وليس من أجل الزواج

يعني تدخل عوامل أخرى هي اللي تبعث الطمأنينة بالنفس أو تجعلها أكثر قلقا

أولها الإيمان والثقة بالله

هل تم زرعها بالنفس بصدق

ثم طريقة تفكير الأهل وعلاقتهم ببعض وترابطهم

هل البيت فيه ترابط ومحبة ووئام ولا متنافرين وكل واحد لاهي بنفسه وحاله والغير مش مهم

لو كانوا متحابين راح تكون البنت اكثر شعورا بالثقة والهدوء والراحة مما لو كانوا غير ذلك

التربية مؤثرة جدا في هذا الجانب

وربنا ما يحرم ولا واحدة من الزواج والأطفال والاستقرار .. آمين

السلام عليكم ورحمة الله وبركاته

كلام أختي bent_palestine صحيح...

عادة الدنيا ما تعطي الإنسان كل اللي يتمنّاه...

لكن كمان الإنسان ما يقدر يمنع نفسه من التفكير و الحلم بالشيء اللي يفتقده...و يتمنى يكون عنده...

لذلك...لو الواحد آمن إنه الزواج قسمة و نصيب...و ما ممكن أي شخص يغيّر قسمة الإنسان و نصيبه...راح تطمئن نفسه...و يقوّي ثقته بربّه...

و ياما بنات خلاص إعتقدوا إنهم عوانس...لكن الله رزقهم بالزوج الصالح اللي أضاء حياتهم من جديد...

أم جريوة

صدقتي والله إنج صدقتي


(( ومهما صار ترى الزواج قسمة ونصيب))!!

متى ما رب العالمين يكتب للإنسان قسمة ... يكتبها ويقدرها في وقتها لا يجدمه ولا يأخره شي...


والرزق بيد الله سبحانه وتعالى.....


والحمدلله على كل حال

موضوعج حلوو ومفيد في نفس الوقت

وأمي تردد هل الكلام دايما .....

كانت حرمه دايما تشتكي لامي ان بنتها عمرها 28 سنه وما تزوجت وامي تردد نصيبها راح يجيها وراح تتزوج في خلال شهر او شهرين فلا تحاتين..
والحرمه مو مقتنعه ... لين فلا حاها النصيب وتقدم لها شاب وتزوجت في اقل من شهرين ...


سبحان الله ..

هذا نصيب يعني لو مهما جلستي تفكري وتحاتي ما راح توصلين لشي

اقضي وقتك بالقراءه كوووني صداقات وعلاقات اجتماعيه .. حتي لو كانت

في حدوود العيله .. مارسي هوايات متنوووعه .. اعتقد في وايد اشياء

تملى الفراغ..... وطبعا هذا كله يرجع لشخصيه البنت

اعرف اختين وحده تزوجت وهي صغيره وماشاء الله جابت اطفال وكملت دراستها وهي منزوجه وتشتغل ...

والثانيه ما تزوجت يعني خطبها واحد وجلست تنتظر الزواج سنتين وبعدين ما صار نصيب و وظلت تبكي على الاطلال وتنتظر النصيب الثاني..
مع انها موظفه لكن ما حاولت تكمل دراستها او تبحث عن وظيفه احسن او انها ترتقي بعملها ...

النتيجه الاولي صارت لها مكانتها في الجتمع جامعيه وموظفه على مستوى

والاخرى تزوجت صحيح لكن بنفس الوظيف ونفس راتب الثانووويه ونظره زوجها لها انها فاشله ..


علشان كذا احنا البنات اللي مو متزوجات لازم نستغل هل وقت الفراغ عندنا قدر الامكان حتي اذا قالت وحده انها ما تفكر انها تعمل في المستقبل لكن العلم او تعلم حرفه يفيد المرأه ...


طبعا لاتنسي ان يرزقك بالزوج الصالح عقب كل صلاه..

والله الموفق

:clap: :clap:

كلامك صحيح والوحدة مو لازم تقضى حياتها وهى تفكر متى راح تزوج هذا نصيب

بس البنت غصب عنها تفكر خاصة اذا دخلت الثلاثين وما تزوجت تكون تفكر اكثر عشان تبى الامومة تبى الامان تبى حد يحس فيها يواسيها يطبطب عليها ترى كل لاهى بحياته سواء اخوان او خوات
تبدى تحس بالوحدة اكثر واكثر حتى طلعة مثل الناس ما تقدر تطلع

انا اايد كلام الاخت توفى سويت صح كلامها وكثير بنات عايشين نفس الوضع مثل ما وصفته

بس نرجع ونقول بالنهاية الله كريم والزواج نصيب بيد الله سبحانه وتعالى ويا رب ترزقنا بالازواج الصالحين يا رب

بسم الله الرحمن الرحيم
حبيباتي أنتو ما فهمتو قصدي انا مااقصد ان الوحدة ماتتزوج انا اقصد ان الوحدة إذا ماجالها نصيب لاتفكر تنسى موضوع الزواج وتعيش حياتها وتفكر
في هدف تعيش علشلنة
لا تقول الوحدة أنا ماني موضفة أنازهقانة وماعندي حد يخرجني وش تسوين تخرجين الشارع تصرخين أبغا زوج:confused:ولا تغرقين المخدة دموع هذا كلة ماراح ينفعك في شيئ
الحل:
إجعلي لك هدف يعني أنتي تميلين إلى علم النفس أو الرسم أو الطبخ أو حفظ القراّن أو أي هواية تميلين لها الهدف من الهوايات إعطائك ثقة في النفس وإشغالك ويجعلك أكثر قوة في مواجهة نظرات الشفقة
وانظري للي اقل منك ولا تنظري للي ااعلى منك يعني انظري للاتي لا يستطعون المشي ما يقدرون يتزوجون ولا يقدرون على الي انتي تقدرين تسوينة
ولي فهمني صدق الاخت ريامي وانا يا توفي سويت ما اعارض العرف والدين ولاكن انا اقصد الي ما جالها نصيب ابد اش تسوي الافضل انها تعيش حياتها وتنسى الزواج

كاتب الرسالة الأصلية : مرموم

السلام عليكم ورحمة الله وبركاته

كلام أختي bent_palestine صحيح...

عادة الدنيا ما تعطي الإنسان كل اللي يتمنّاه...

لكن كمان الإنسان ما يقدر يمنع نفسه من التفكير و الحلم بالشيء اللي يفتقده...و يتمنى يكون عنده...

لذلك...لو الواحد آمن إنه الزواج قسمة و نصيب...و ما ممكن أي شخص يغيّر قسمة الإنسان و نصيبه...راح تطمئن نفسه...و يقوّي ثقته بربّه...

و ياما بنات خلاص إعتقدوا إنهم عوانس...لكن الله رزقهم بالزوج الصالح اللي أضاء حياتهم من جديد...

مع هذا الراي تماماا

هم شي اليقين بأن كله رزق ومكتوب
والثقة بالله بأن ما أصابني لم يكن ليخطأني
وما أخطأني لم يكن ليصيبني
:smile:

وحسن الظن بالله أساس كل شئ

السلام عليكم .
اشكر الأخت أم جربوة مقدما .
أنا وحدة من البنات الي فاتهم القطار وحابة انقل لكم وجهة نظري في الموضوع ...
يمكن الأخوات كلامهم صح لكن مهما كان محد يقدر يعوض المرأة
عن الحب والزواج والأستقرار الله خلق فينه فطرة الحب الي ماتتعوض
لا بعلم ولا دراسة ولاعمل ولاشخصيات , المرأة انسانه عاطفية تحتاج
الى شريك في حياتها يمنحها الحب والأحترام ويستر عليها .

احنا للأسف صرنا مطامع لأصحاب القلوب الضعيفة لو لا ايمانة القوي بالله
بالحفاظ على انفسنه منهم وحفظ الله لنا كان الله اعلم شنو ممكن يصير فينا من هالناس الي مايخافون ربهم .
يعني الوحده منه تتحمل شنو وال شنو استغلال الناس وال شفقتهم
وال عيابهم علينا وال حالتنا النفسية السيئة :confused:.

اغلب تفكيرنا بالمستقبل وين نروح من بكون لنا عون في هالدنيا
اذا الحين واحنا بعز الشباب محنا لاقين احد يهتم فينا بكرة وين نلاقي
كل واحد لاهي بحياته ومحد يدري عن احد بهالزمن .

صعب علينا نتخلى عن حلمنا او عن التفكير بالموضوع الكل يبحث
لنفسة عن مصادر السعادة وسعادة البنت مع شريك حياتها ومع
اولاادها الي يعوضونها ويملون عليها حياتها .

ونتمنى بالأخير الله يوفقنا ويرزقنا الأزواج الصالحين .

سلااااام
الكلااام دايما سهل
لكن في الحقيقه الفعل صعب
الواحد ما يقدر يتحكم في تفكيره انا راح افكر في هالشي واترك هالشي عني
حتى لو غصب حاله
انا اعرف بنات واجد للحين ما تزوجو مع انهم تعدوا سن ال25 دايما يفكرون ويحاتون
خصوصا انهم خلصو دراسه ولا حصلت لهم وضائف
يعني 24 ساعه بالبيت
وبعضهم ضروفهم صعبه واملهم الوحيد الزواج
بالله هذول كيف تقولين لهم تركو عنكم التفكير بالزواج
وعيشي حياتك
هم اساسا ما عندهم شي يسووونه غير جلستهم بالبيت
على العموم ندعي لكل البنات انهم يلاقون ولد الحلال اللي يسعدهم ويهنيهم ويعيشو حياته معاهم
ومشكوووووره اختي على هالموضوع الجرئ