..)( مهم الى كـل الاقتـصادين )(..

{ هََِِدوء 11-01-2005 24 رد 2,100 مشاهدة
{
السلام عليكم ورحمة الله وبركاته :smile:
أخبـاركم .. أن شـاءالله الجميع بخير ..
بمـاااا أني فكررت أقتصد .. وأبدي المشوار من اللحين .. أقتصد ..
لأنه الأسراف والمبـالغه ذبحتني .. الفلووس تجي وتروح وأنا أحس انها
ضاعت على الفـاااضي ولاحسيت بقيمتهـا ..
أبي اعرف كيف أقتصد .. أبي أحـاااول أجمع للمواقف لاسمح الله أحتاج فيهـا
:cool2: اتمنى أني وضحت .. وياليت اللي تحس نفسهـا مدبرهـ أمورهـا
وتعرف تقتصد .. بالفلوس .. تعلمني .. :shy:



ولكم مني يـاأحلى عرايس .. هالكلمه ..



















.. (( أحبكم في الله )) .. :up:
ش
وعليكم السلام ورحمة الله وبركاته

هلا وغلا حبيبتي ريما
وانا بعد اعاني من هالمشكله ماراح افيدج
ياليت الاخوة والاخوات يساعدونا :smile:
{
:smile: بأنتظـار الاقتصـاديين
ز
والله انا نفس الحاله الحين دشيت

قلت بتعلم كيف اقتصد
يلا نتمنى الي عنده خبره يعلمنا
ن
[ALIGN=JUSTIFY] السلام عليكم ورحمة الله وبركاته

صلى الله عليه وسلم


هلا اختي..


أنا مو اقتصادية ولاشي .. بس رزيت روحي :cool2:..

بادرة طيبة إن أحد يفكر يدخر لوقت الحاجة ولأوقات الطوارئ..

اولاً : خطوات الميزانية.

1. خصصي لك كراسة (دفتر ) تحسبي فيه.

2. احسبي كل مبلغ يدخل عليك.. يعني راتب زوجك + راتبك + عندكم عقار مأجرينه او أي مصدر للدخل.

3. اكتبي كل مصروفاتك الثابتة اللي كل شهر تدفعينها.

4. اطرحي المصروفات من الدخل.

5. المبلغ اللي ظل لك افتحي حساب بالبنك وحطيه فيه.

6. وهكذا وحاولي تنسين إن عندك حساب أو مبلغ أو اي فلوس.. انتي اعتبري نفسك مفلسة. :D2

ثانياً: إذا ودك تحسين بقيمة كل شي شريته وإن كل فلس في مكانه.

1. لمن تجين تشترين لك قطعة ثياب .. راعي انها تناسب ثيابك القديمة.

2. راعي الجودة بس بحدود يعني مو كل شي غالي تفكرين إنه خلاص ما يخترب ولا ينتهي أو ينكسر.

3. البساطة هي الحل لكل شي.. يعني في اناقتك وسهراتك وهداياك وحفلاتك خليك بسيطة وناعمة و مو فخر إن ثيابك غالية ومو حلوة.. الفخر لمن تكونيني انيقة و بأقل الاسعار.

4. في بعض الأشياء كماليات ما لها ضرورة ابداً استغني عنها..

5. لمن بتشترين هدية لزوجك .. أو أحد ثاني شوفي هو ايش محتاج وش اللي قاصره واشتريه له وراح تفرحي لمن تشوفين هديتك عليه .. مثلاً شرتي له (جوتي، حذاء)..

6. خففي من عزايمك وولائمك.. ترى لو ذبحتي نفسك و وقدمتيها للناس بعد ما رح يعجبهم.


7. كلما تصدقت الله يعوضك أضعاف مضاعفة .. حاولي ما يمر اسبوع الا تصدقتي..

ثالثاً: عشان تعم البركة رزقك..

1. سمي باسم الله في كل شي..

2. لا تسمعين أغاني لأنها تسبب الفقر والنفاق في القلب.

3. الصدقة.

4. لو الله رزقك ولد سميه محمد لأن الفقر لايدخل في بيت يذكر فيه اسم محمد..


في النهاية خلنا نتفق على شرط :up:وهو إن المبلغ اللي تدخرينه نصف لك ونص لي..
{
:shy:

في النهاية خلنا نتفق على شرط وهو إن المبلغ اللي تدخرينه نصف لك ونص لي..


:D2 اللحين خليني اجمع لو فلس واحد بس .. وأعطيه لك ..

يعطيك العـافيه هذا كل اللي قلتيه صحيح 100% لكن انا توووني بنوته .. ولسه للحين مـاأستلم راتب .. لكن أخذ مكـافأه تخيلي وش تطير عليه ياعلى كرت نت ولاجوال .. :pain: وربي مصيبه .. أبي أجمع منهـا مـاااني قـادره ..




:cool2: شوكرن لك ياعســل
م


السلام عليكم ورحمة الله وبركاتة

أنا أكثر وحده في العيله مسرفه وجدااا :down:

حاولت مره أعمل لي جدول للميزانيه لكن مافلحت يعني مثلاً لما أحدد أني ما أطلع عن 1000 ريال أصرفه على شئ معين بالشهر القى نفسي زدت الضعف :pain:

حتى أني فكرت أن أهلي يحددون لي مصروف معين ما أطلع عنه لكن الوالد الله يهداه عسى ماقوله طلبتك قال تم :D2

( أن المبذرين كانو أخوان الشياطين )

وأنا بجد ماريد أكون منهم :pain:

هو الأمر يتطلب أرادة قويه وخطه ممتازه

وجزاها الله خير الي تفيدنا


مملكة القلوب
{
:shy: بس حلو .. أنه نتعلم ..
{
نفس الحـاله .. وربي يامملكة القلوووب ..
ووأنشـاااءالله بأنتظـااار خواتنـا الاقتصاديـات هههههه



يفيدونـاااااااااااااااااااااااااااااااا
{
:pain: يؤ .. معقـوله .. محد رد ؟!
ش
الا معقوله كلنا يالبنات
مسرفات :D2
وربي مصيبه ..
م


السلام عليكم ورحمة الله وبركاتة

مافي غير كل وحده تحط أقتراح

نقترح فيها حلول ممتازه ننسقها ونطبقها

أيش رأيكم:cool2:


مملكة القلوب
{
:cool2: مسرفــااات وبس ..


الله يكون بالعــــوووون ..





:up: ياعيني ووووالله خوش فكرهـ ..

يلله .. نبتدي بالحلوول .. :shy:
{

:shy: انا جربت أحط بالبنك .. مـاقدرت ..


جربت أحصل بالحصـاله كسرتهـا من ثاني يوم .. :cool2:









:pain: شفتم المصيبه ..

(( لحظه وأنا أكتب الررررد كانت عندي اختي الصغيره وشافت ردي وزادت من عندهـا تعلق علي تقول وانت تـاكلين الفلوس اكل :D2 ))


{
مشكورين .. ؟
ت
السلام عليكم ..... بعطيكم شوي درووووس من عنـدي ..... :smile:


أحنا البنات لو رحنا السوق نكون نبي نشتري كل شئ في وجهينا ولو مش محتاجينه ....

لذا أنتي ناوية تروحين السوق ::.

1- جهزي ورقة وقلم .
2 - أكتبي الأشياء اللي محتاجتها بالضبط .
3- حاولي معرفة سعرها الأصلي أو التقريبي .
4- شوفي كم الحســاب طلع وروحي السوق وأنتي معاش هالمبلغ بدون زيادة ريال ... ورح تضطري تلتزمي بالقايمة اللي عندك .


السعر الأغلى مش معناه دايما الشئ الأفضل ....

يعني في أشياء رخيصة و تكون في مستوى أو أفضل حتى من الأشياء الغالية .. بس يبيلك خبــــرة يعني تسألي من حولك .... وعندك النت بحر واسع وتقدري تستفيدي منه ...

يعني انا كنت أبي أشتري كاميرا وسألت قبل ما أشتريها عشان لا اندم وقالولي أسماء ماركات معروفة وكانت غالية ... بس فيه شخص أقترح لي نوع معيـن وما كان غالي أبدا كان سعره معقول ... ورحت المحل وجربت النوعين وحسيت أنهم نفس الشئ فأشتريت الأرخص وانا رحت اشتري كاميرا بس ورجعت ومعاي جهاز فيديو وكاميرا ....... :D2

وعلى فكرة صوري الفوتوغرافية زي صور صديقتي اللي معاها الكميرا اللي سعرها عالي ويمكن صوري أفضل ....

يعني ما تحطي ببالك هالشئ .. الزين سعره فيه .. هي صح مقولة صحيحة بس ما تضبط دايما .. :down:


وشكــــــــرا ...... :cool2:
{
:shy: ايه والله انك صـااادقه ياتوووته ..

/
/
/
مشكوووورهـ يالغلا
/
/
/
م


السلام عليكم ورحمة الله وبركاتة

وأنتِ الصادقه ياقلبي توته الصغيرونه

أنا كمان جربت الي قلتي عليه كتبت كل طلباتي بورقه بس ماقدر أحدد مبلغ معي أنا دايم باخذ للحالات الأضطراريه يعني يمكن يكون شئ ناسيته بتذكره لما أنزل السوق

ومرات تخلص الفلوس الي عندي وأطلب من امي أو أبوي :pain:

يعني مافي فايده

تدرين أنا لما أدخل المكتبه مثلاً بشتري دفتر للجامعه يعني مايعدي 25 ريال ؟؟؟؟ ما أشوف حالي غير شايله المكتبه كلها من أقلام وستكر وبطاقات ... وش له مادري :down:

والسوق نفس الحال

والله لو نتبرع بهذي الفلوس الي تروح في شغلات مالها داعي يكون أفضل وأثوب لنا ولا أيش رأيكم ؟؟؟


مملكة القلوب
ت
ريماااااا العفووووووو يا عسووووووله ... :smile:


مملكة القلوب :D2 ... هلااا يا سكره ... والله ضحكتيني ... ههههههههههههههه ... شوفي هالمبلغ الأحتياطي لا تاخذينه خير شر .. هو اصلا راس البلاء .. يعني أكيد رح تشتري فيه شئ مش محتاجته ... جربي تروحي السوق بدون هالمبلغ الأحتياطي وقولي لأهلش ما يعطوش الا اذا اصبحتي عالحــديـدة ومحتاجة أشياء ضرورية ومسألة حياة أو موت .. وما رح تخلص الأشياء اللي نبيها كل يوم يطلع بالسوق شئ جديد .... جوالات ومكياجات وملابس .. وبصراحة لو جرينا نظل وراء كل جديد بنكون سطحيات :s2 .... يعني لازم يصير فيه أولويه للشئ ... وممكن لو فضل معنا مبلغ ما اشترينا بيه شئ بدل ما نشتري بودرة او رووج او تنوورة .. نروح المكتبة نشتري كتب وقصص أفضل ولا أنتو ايش رايكم :smile:

بصراحة لو اشتريت المكتبة كلها ما رح أحس اني أسرررررفت :D2


وفعلا صح لسانش مملكة القلوب لو تبرعنا بالفلوس او ساهمنا في شئ مشروع تطوووعي ...... يكون أفضل بكثيرررررررر

والله يهديناااااا جمييعاااااا


مع السلامة :shy:
أ
بسم الله الرحمن الرحيم

السلام عليكم ورحمة الله وبركاته


اهم شي قررت ابدا اسوويييه هو :

بدل ما اشتري كل شهر او شهرين اشياء كثيرة و رخيصة

على اساس بوفر يعني :D2

اني اجمع اجمع و اشتري شي غالي بس قيمته فيه

فهمتو؟

ان شاء الله تكونون فهمتوا:D2:D2:D2
X