معاناتي مع زوجي العزيز

ممكن اتكون عاده او مرض نفسي:pain:

والله مشكله
بس جربي الدوا اللي قالت عنه الاخت يمكن ينفع
وانشاء الله يفكم من هالبلا

الخوات ماقصروا
وانتي عليج بالتنفيذ
:up:

في دوا طعمه مر يبيعونه في الصيدليه
تحطينه عالظفر يوم بياكل الظفر بيتركه بعد مايطعم الدوا
والله يكون في عونج:eek2:

في حل ثاني حطي له مكسرات خليه يتسلى فيه بدل مايكل اظافيره:rolleyes: او كل ماتشوفيه ياكل اظافره امسكي يده وسولفي معاه

صرررررررررراحه الله يكون في عونكم

السلام عليكم


أولاً أخواتي أكتبوا ( إن شاء الله )<<< هذا اللفظ الصحيح .

ونفسي أعرف ::: كيف يعني القضم يجيب لكم الفقر ؟؟!! مافهمت!!



ثانياً : أتبعوا الخطوات التالية :

* أفهمي زوجك أن هذه العادة منفرة ومقززة ولأبد أن يكون شخص متفهم

ويرضخ للعلاج , ولاتحاولي تكرري عليه مرة وحدة بس ... ومن ثم سمي


الله وأبدي معه لمدة شهر على الأقل .

* أبدي العلاج بوضع المرهم المر المذكور أعلاه أو ماء نبات ( الصبرة )

هو مُر جداً .. وخاصة عند النوم .

* حاولي إنك ماتكرري على زوجك قضية الاظافر الاظافر بل كل مارأيتي

يديه في فمه أسرعي بجلب أنواع المكسرات والشاي وأمور يستمتع

بقضمها كالخيار والجزر والمكسرات الصينية وكل شيء قاسي ويقضم ..

من غير ماتحاولي تلفتي إنتباهه , وتأكدي تماماً كلما شعر إنك تسوين هذا

من أجل الاظافر حالته راح تزيد ... لاتشعريه بشيء ومارسي أنواع طرق

العلاج بخفة وصمت .


* تأكدي إن أفضل حل هو إيجاد البديل للقضم .


* أعتقد والله أعلم أن الحالة نفسية .. والمسألة مسألة تعود وأستمتاع

فلذلك ...إنت حافظي على نفسيته في العلاج ... لايشعر إنك مشفقة عليه

أو متضايقة منه ... شوي شوي ومع الدعاء في الاوقات التى يستجيب الله

فيها الدعاء بينصلح الحال إن شاء الله .

والله يوفقكم ويحفظكم ويسعدكم بحياتكم الزوجية .

مشغوله ..

ولي رجعه إن شاءالله

الله يعينك

هلا عزيزتـــي ..

أنا بقولك طريقه وإن شاء الله تنفع ..

أنا كنت كذا مثل زوجك أقضم لحم اللي حول أظافري بس ..

مره زارتنا جارتنا وقالت لي وع وع تاكلين لحم أظافرك ..؟!!

قلت لها شسوي هذي عاده عندي قالت فكري فيها كأنك تاكلين لحم إنسان

وأذا مانفعتك بأنك بس تفكرين فيها .. قالت لي كل ماجيتي تاكلين لحم أظافرك روحي عند المرايه وشوفي شكلك وأنتي تاكلينها ..

تقول أذا سويتي كذا بتتركين هالعاده عالطول ..

قلت لها بجرب قالت لي أنها كانت كذا مثلي ومن يوم ماسويت هالطريقه أفتكت منها ..

وأنا أقولك قولي له وسوي له مثل ماسوت معي جارتي ..

قولي وع وع وع كأنك تاكل لحم أحد من الناس ..

وبالتوفيق وإن شاءالله تنجح معك الطريقه مثل مانجحت معي ومعا جارتنا ..

:cool2::cool2::cool2:



صراحه صار شكل أظافري حلو ويهبل مب نفس أول مقطعه ..

ههههههههههههههههههههههههههههه


:D2:D2:D2

هههههههههههههههههههههه لها الدرجة اتعانيين ...

تدرين شي .. هالعادة فيني انا مب في ريلي ... والله نفس الحال وحاولت جاهدة لكن ابد ما قدرت والله وهو دايما يهاوشني وينصحني لكن انا قمت اتنرفز عليه واقوله مادام اني بديت في الظفر لازم اخلصه ما اقدر اوقف ولا تحشرني ...

وهالشي فيني من الصغر .. يعني اختي هالشي لا ارادي وانا اقوله عن تجربة مني ما صعب توقيف هالشي ... ممكن يكون سبب نفسي بس غالبا لا لاني انا جي لا سبب نفسي ولا شي الحمدلله هيه عادة وصعب توقيفها ..

كاتب الرسالة الأصلية : حــــــواء


ونفسي أعرف ::: كيف يعني القضم يجيب لكم الفقر ؟؟!! مافهمت!!

أنا أقولك كيف؟
لأنه لما يقضم أظافره بأسنانه يرميه من فمه في كل مكان في البيت واللي أعرفه أن رمي الأظافر على الأرض يجيب الفقر.



وأبشركم يأحلى بنات أن معاناتي تقريبا" أنحلت (عقبال ما تتلاشى يااااااااارب)
خلاص ماصرت أشوف زوجى ينقر في أظافره وشوفهم طولوا قليل (فطررررررت من الفرحه):smile:
وكمان وعدني أنه راح يستمر كذا (ان شاء الله )



تبون تعرفون السبب؟؟؟
أستخدم داء طعمه مر يوضع على الأظافر no: لا لا لا لا لا


السبب هو!!!!
أن زوجي العزيز قرأ الموضوع اللي كتبته عنه وقرأ مشاركتكم فقرر أنه يبطل ها العاده السيئه (كله عشان خاطر عيوني)(wink):shy:

ألف حمد وشكر لك يارب


وتحياتي الى كل من رد على موضوعي
مشكورين من كل قلبي(u) ماقصرتوا

مبروووووووووووووووووووووووووووووك يا اختي ؟؟؟؟؟؟؟:D2

على حد علمي انه نفسي

حاولي كل ما شفتيه يسوي هالشغله انك تكلمينه عن اي موضوع


لان حركته هذي معناه في باله شي فغيري انتي من تفكيرة وانتهزي الفرصه وتحاوري معه عن اي شيء

الله يبارك في حياتك:smile: أختي ايوت

السلام عليكم ورحمة الله وبركاته

أختي العزيزة إنت تشتكين من قضم زوجك لأظافره ، بالنسبة لي كان لي معاناه إكتشفته بعد الزواج ، يوم إلي خطبني أنذهلت بجماله حتى يوم العقد ، لكن يوم الزفاف أنصدامت لما شال الطرحة كنت أقول في نفسي معقول هذا ريلي ، والسبب إنه ما كان عنده لحية وشارب تقول هتلر ، وكان مشكلة زوجي إذا كان مهموم ويفكر كثير في المشاكل ما ألقيه إلا ينتف لحيته ولما يخلص وما نحلت المشكلة يروح لشارب ، وما أقولك إنه ماكان يضايقني بالعكس كنت أنفر منه وكنت دايما أقوله بالنسبة لي أحب زوجي يكون بشارب ولحية ، ولي يشيله ما أعتبره ريال ، وكنت أستفزه ولما أشوفه مهموم على طول ما أخليه أبدا أتكلم معاه واسليه واحيانا احل مشاكله والحمدلله وين كنا وين صرنا ، لكن عمري مابينت لحد اني مشمئز منه ولي يسألني كنت أرد إنه موضة وانا عاجبني ،وهذه الطبع بتاخذ وقت وانت وشطارتك تخلينه يترك هذة العادة .

عقبال زوجي ان شاء الله

انا بعد زوجي يقضم اظافره بس لما يكون يفكر وباله مشغول لاشعوري
وحاولت بس صراحه بدون مااعاتبه لكن فشلت لأنه حتى هو متضايق بس مايقدر

و الله مادر ي شقول لك أختي asma18o
حسيت أن معاناتي تافه جذام معاناتك أظافر ولا شعر
بس زي ماقلتي الحمدلله وين كنا وين صرنا

والله معرف شقولج غير الله يصلح حالهم

حاله نفسيه اغلب اللي يسوونها محتاجين رعايه من الطفوله فاقدينها ناقشيه بالموضوع ولا تتنرفزين اذا اقتنع كان بها مااقتنع خلاص انسي الموضوع الرياييل فيهم طبايع كثيره وحتى الحريم بعد غلط في عاده بايخه اسمها هز الرجل تلقين وايد يسوونها لدرجة انج تكرهين لمن تقعدين يم احد يسوويها فمابالج اذا كان احد يتهزهز بالسرير او القنفعه وانتي قاعده على السرير او القنفه من جد شي بيط الجبد مافيها راحه ولا التحكك او مسح الانف من بره ولمس اي شي خصوصا الاكل يا ربي شي يقهر

بنات في عاده نادر مااسويها واهي علك اللسان اذا اندمجت لا اراديا ومره صادتني المدرسه اسويها قلت تاكلين علك حلفت بالله مااكل قالت لا تحلفين بالله انقهرت صراحه قالت فتحي حلقك ومالقت شي يعني شوفوا شلون حتى بعدين الشكل غير مستحب لاتقولون شلون تسوينها ماادري من صغري من غير وعي ومو دايما اسويها اذا ركزت حيل لا اراديااسويها وارتاح نفسيا اذا سويتها ليش ماادري