السلام عليكم ورحمة الله وبركاتة
طلال السعيد من اشهر الشعراء في الخليج العربي.....
ويعجبني في قصايده مقدار الشموخ والكبرياء الهائل الموجود بين حروفه....
وهذه احدى روائعه ...
[RAM]http://www.dwaihi.com/25sa15.ram[/RAM]
قالت بدو ...!!!
ا
10-01-2005 | 04:07 AM
ج
10-01-2005 | 04:52 AM
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
تعني صفر على الشمال
هذا على احسن احتمال
تصدر حكم ماتلتفت
تحكم ولا تترك
مجال
قالت بدو
متصورتني باستحي
واترك مكاني وانتحي
تفاجئت .. تغيرت .. تلعثمت
ماتدري اني ابفتخر
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا
يابنت هذا طبعنا
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
ولا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
حنا البداوة عيدنا
ماناكل الى صيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
حنا البدو
حنا البداوة عمرنا
محداً بيصبر صبرنا
لانها مصنع للرجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا
حنا بدو متماسكين
وهذي نتيجه وصلنا
يابنت يالي تضحكين
قلتي بدوي تستهزئين
غرك لباسك الاجنبي
المشكله ماتعرفين
ان البدو اصل العرب
تبغين هالكلمه طرب
صارت نشب
ياانسة .. ياعانسة .. ياضايعه ومستانسة
ياتارسه وجهك صبغ
ياتارسه عينك شدو
حنا البدو
ولو كان قلتيها بقرف
لنا الشرف
انا بدو
حنا البدو
حنا بداوتنا شيم
دين وقيم
طيب وظفر
معنى كبير ما اظن مثلك
يعرفه
لو تدعين المعرفه
شيء عسير
ما اظن مثلك ياصله
صعبه ولاهي حاصله
كلمه بدو
تعني التمسك بالجذور
ماهو التخلف والجهل
ولا بعد حب الظهور
ولا التنكر للاهل
كلمه بدو
تعني الشمم
فعل وكرم
مبدى حضارات الامم
حنا القمم
نار على راس العلم
يشهد لنا سيف وقلم
وان كان ماعندك خبر
لنا الفخر
لو عشنا ببيوت شعر
عيشت الم عيشت فقر
عيشه تعلمنا الصبر
مانقترض لاجل السفر
ونحسب ايام الشهر
مانفترض ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنه رمل
اهي الدواء واهي العلاج
عيشت رضى ماهي نكد
مافيها تعقيد ابد
ساعات مافيها ذرى
يكفي نتلحف بالنجوم
وفراشنا رمل الثرى
وسراجنا نور القمر
لامن ظهر
ونام من عقب العشاء
ونصحى قبل وقت الفجر
نؤمن بقضانا والقدر
ماهو كسل
ولا نعيش ابلا امل
نملك طموح علم وامل
ونرعى الابل ونرعى الغنم
ونعزف من الونه نغم
ونتابع اخبار المطر
وندور الروض الخضر
ونسرى ورى
برق سرى
ولا نتراجع للوراى
نبحث عن المرعى العشيب
ومن شعيب الى شعيب
مانستقر
عنوانا كل الديار
تجوالنا ليل ونهار
نعيش عيشه هاديه
وهذي حياة الباديه
سنه الربيع
سنه الدهر
ورغم الفقر
نخاف من قوله افا
ونتعب على قول نعم
ونعيش عالين الهمم
من فضل ربي مانخون
نرعى الذمم
ونركض ونتعب ما نمل
محنا مثلك لا شغل
ولا عمل
ماغير بس اكل ونوم
ومن الشحم ضاقت عباتك والهدوم
يااسمن انواع الحريم
ياعايشه على الرجيم
ياانسة .. ياعانسة .. ياضايعة ومستانسة
ياتارسه وجهك صبغ
ياتارسه عينك شدو
حنا البدو
يالي تقولين بدوي
انا بدوي ولي الفخر
اني بدوي
عزمي قوي
مااخون
ماابوق الخوي
يبدا نهاري بالصلاه
واصارع امواج الحياه
ماضاقت الدنيا ابد
ولاني من اصحاب الحسد
ارفع ايديني للسماء
واطلب من الله واستخير
ماقول يمكن ربما
ولا يصير ولا مايصير
محافظ على الخمس الفروض
واضح ولا احب الغموض
ولا اتلون والتوي
لاني بدوي
متمسك باصالتي
ولا اغير لهجتي
انا بدوي
في فزعتي
وفي قومتي
وبقعدتي
وفي مشيتي
وبجلستي
وفي كلمتي
وبنخوتي
حتى عقالي
ولبستي
ولو قلتي عني فوضوي
ما ضرني
بالحيل يابنت بدوي
ويسرني
اعرف من انتي .. ومن انا
والفرق واضح بيننا
تدرين وادري من اكون
ويكفينا نعرف بعضنا
انتي مثل عمر الزهور
ومالك عمر مالك سنين
شهرين ويجيك الجفاف
وتذبلين
وتصبح الوانك باهته
وانا جذوري ثابته
ماخذ من الصحراء الهدوء
وان كان هذا يسعدك
حطي على راسك يدك
هالمره لاقلتي بدو
ياتارسه وجهك صبغ
ياتارسه عينك شدو
صح لسان الشاعر و النعم بالبدو
الف شكر على الاختيار الرائع
جــويــل
ا
10-01-2005 | 04:58 AM
ما عليج زود جويل
انا سعيدة انها عجبتج
شاكرة مرورج العطر
انا سعيدة انها عجبتج
شاكرة مرورج العطر
ز
10-01-2005 | 04:59 AM
وووووووووواوووووووووووو
هاذي القصيدة دائما اسمعها
من جد قمة في الروعة
هاذي القصيدة دائما اسمعها
من جد قمة في الروعة
ا
10-01-2005 | 05:01 AM
حياج الله اخت ملكه
م
10-01-2005 | 05:37 AM
الجادل ألف شكر
حنا بدو عمى عين العدو
ولنا الفخر
حنا بدو عمى عين العدو
ولنا الفخر
ا
10-01-2005 | 05:50 AM
اي والله لنا الفخر
شكرا لج عزيزتي مصباح
شكرا لج عزيزتي مصباح
ا
10-01-2005 | 06:29 AM
قصيدة قوية ورائعة
واختيار موفق وجميل
أشكرك وننتظر جديدك
ش
10-01-2005 | 06:40 AM
غاليتي الجادل
تسلم الايادي على هذا الاختيار
الرائع ...
قصيدة رائعة لشاعر اروع ...
لك اطيب التحايا
ا
10-01-2005 | 06:45 AM
حياك الله يا بو داحم
ا
10-01-2005 | 01:26 PM
قصيده قمه في الروعه
غنيه بمعاني الفخر والقوه
تحيه لك على هالاختيار الموفق
و
10-01-2005 | 03:10 PM
قصيدة رائعه جدا جدا
ونعم والله البدو:up:
ونة
ونعم والله البدو:up:
ونة
ا
10-01-2005 | 09:07 PM
شجونة الحلوة
الرشيقه
ونةألم
شاكره مروركم العطر:up:
الرشيقه
ونةألم
شاكره مروركم العطر:up:
أ
11-01-2005 | 12:28 PM
غاليتي الجادل...
تسلمين يالغالية على هالاختيار...
قصيدة رااااائعة بحق...
تسلمين يالغالية على هالاختيار...
قصيدة رااااائعة بحق...
ا
11-01-2005 | 09:26 PM
أحزان شاعرية
شكرا على المرور عزيزتي:shy:
شكرا على المرور عزيزتي:shy:
b
31-05-2005 | 11:07 PM
روووعة
تعجبني القصيده وايد
تسلمين الجادل
وتسلمين جويل عالكلمات
تعجبني القصيده وايد
تسلمين الجادل
وتسلمين جويل عالكلمات
ش
01-06-2005 | 05:37 PM
فاخر يابن عمي ترى المجد يزهاك
للمجد معكم من قديم عوايد
الجادل مشكوره على القصيدة رائعه فعلاً
c
02-06-2005 | 12:21 PM
قصيدة قمة في الروعة مشكورة عزيزتي على القصيدة الرائعة
تحياتي ..
تحياتي ..
أ
02-06-2005 | 09:27 PM
ياااسلاااااااااااام
صح لسانه الشاعر
ولاهان على هالقصييدة الرائعة
حنا بدو حنا عمى عين العدو
صح لسانه الشاعر
ولاهان على هالقصييدة الرائعة
حنا بدو حنا عمى عين العدو
س
03-06-2005 | 09:56 AM
شكراً لك الجادل على هذه القصيدة الرائعة ..
ويحق للبدو أن يفخروا .. وهذه صفاتهم ..
ولا يهم إن قالوا بدو ..
وهذه إضافة من قصيدة للشاعر بدر بن عبدالمحسن .. " أنا بدوي "
يا بنت أنا للشمس في جلدي حروق
وعلى سموم القيظ تزهر حياتي
أطرد سراب اللال في مرتع النوق
ومن الظما يجرح لساني لهاتي
عاري جسد والليل هتّان وبروق
دفاي أنا والبرد سمل العباتي
إن عذربوني بعض خلانك .. صدوق
يا بنت أنا عشق الخلا من صفاتي
وشمٍ على رمال( المتاييه) مدقوق
لاشك من منهم يسوي سواتي
أنا بدوي .. ثوبي علىالمتن مشقوق
ومثل الجبال السمر صبري ثباتي
ومثل النخيل خلقت أنا و هامتي فوق
ما عتدت أنا احني قامتي إلا فصلاتي
وإلىإفتخر بأفعال يمناه مخلوق
يا بنت انا فعلي شهوده اعداتي
الله خلقني وكلمة الحق بوفوق
وملكت الأرض .. ( وراس مالي .. عصاتي )