صالتي شكلها معقدني..لا تتعقدون معي بس حاولوا

شدعووووه يابنات اول مره اطلبكم تسوون معي كذا

كلمه ولو جبر خاطر

قولي ماعندي فكره

مااعرف

ماحااساعدك بس مو تطنيشبالطريقه هذيي

من جد علتوني بقووووووووه:confused::confused:

هلا اختي الغالية

شقتك مابها الا غرفتين؟ علشان كذا تبين تحطين الكمبيوتر بالصالة؟

اولا كم مساحة الصالة؟ يعني كم متر

ثانيا ضعي في ذهنك الاساسيات الي راح تحتاجينها

يعني طقم كنب مع طاولات شاي

مكتبة تلفزيون

اما اللي محجوز بحاجز وهمي فهو مكان مناسب جدا للكمبيوتر او مكتبة كتب:up:

الله يجبر بخاطرك حبيبتي غزال البراري

زي ماقلتي الشقه فيها غرفتين ومجلس

والصاله ضايعه مساحتها مع انها مهيب صغيره مرره انا حاطه القياسات

على الصوره ومحتاره كيف الاثاث فيها يعني مو شرط اني احط الكمبيوتر

في الصاله ممكن احطه في المجلس لانه واسع مرررررره

مشكوره حبيبة البي على الرد:shy:

شوفي يالغاليه راح احاول اساعدج واتمنى تعجبج اقتراحاتي بالنسبه للصاله تقدرين تخلين الارضيه خشب علشان يوسع المكان وعندج الكنب اللي بهوم سنتر بوزاويه واااايد حلو وتقدرين تحطين التلفزيون بالكبت اللي يتبطل وهذا بتلاقينه بعد بهوم سنتر وعندهم اشكال رهيبه اما بالنسبه لطاولة الكمبيوتر احسن شي انج تخلينه بزاويه يعني بتكون بشكل مثلث علشان ماتاخذ مساحه كبيره وتشوه المكان وتحطينها بالزاويه اللي مجابله رقم 10 بالصوره اما الكنب والتلفزيون يكون في المنطقه اللي فيها النافذه
وبس ياريت تعجبج الافكار وما كون سندرتج بالكلام :o

يا بعدي والله ياشعاع القلوب

كان في بالي فكرة طاولة التلفزيون انها تكون بالطريقه ذي

والكمبيوتر راح احطه بالناحيه هذي بس لانه في الصاله ابي انسقه بحيث يجمل المكان

يعني مو عارفه وش احط ديكوريشن

بس انا مفكره اني احط مكتبة كتب كمان بتعطي خصوصيه للمكان ولا اشرايك

مشكوره حبيبة ألبي على ردك واقتراحاتك:shy:

السلام عليكم ورحمة الله وبركاته
لاتحتارين اختي fa2m99 المشكله بسيطه وانشالله اقدر افيدج بهذي الخارطه اللي رسمتها بناءً على المقاسات اللي انتي حاطتها بس مقاساتج مو دقيقيه و مو كامله بس قدرت اخمن الباقي وانشالله تستفيدين
اول شي راح اقترح عليج كم شغله للديكور:
فتحة المدخل لاتحطين فيها ستاره شيفون لأنها حركه قديمه ومافيها إبداع أقترح انج تسوين Frame أو برواز حوالين الفتحه يكون خشب منحوت او اي شكل حلو يتهيألي احلى من فكرة الستاره أو ممكن بعد تحطين فريم من الجبس المنحوت بالالوان بنقوش اسلاميه اذا كنتي تحبين هالستايل وموضح الجبس في الصوره او ممكن في المدخل من الجانبين تسوين عواميد وهميه مغطيه بالموزيك تايل على ما اعتقد يسمونه بالعربي حجر الفسيفساء او الحجر المغربي الملون و موضح في الصوره اللي بعدها ومكان الكمبيوتر مناسب جداً قريب من المدخل لانه مو حلوه تكون الجلسه قريبه من المدخل وبهالطريقه تتشكل نوع من الخصوصيه واتمنى اكون فهمت قصدج من الحاجز الوهمي هل هو برفان؟ او شغل حديد مثل درابزين الدرج او جدار صغير بس بكل الحالات مكانه جدا مناسب لانه فصل بين قسم المكتب والصاله وبالنسبه للتلفزيون يستحسن تختارين تلفزيون متوسط الحجم وطاوله مو كبيره لان المساحه عندج صغير واذا كبرتي الطاوله راح تعيق الحركه او المرور للمطبخ وحاولي تختارين الطاولات باحجام صغير عشان تتسع المساحه وبالنسبه لصبغ الصاله بما ان ماعندج الا نافذه وحده معناته الاضاءه الطبيعيه جداً ضعيفه ولازم يكون اختيار لون الصبغ من الالوان الفاتحه الهاديه عشان يبن المكان اكبر حجماً واكثر اناره وارضيه الصاله اذا ليما الحين مااخترتيها يفضل الخشب الفاتح او السيراميك فاتح بس مايون ابيض مثلاُ يكون بيج مثل لون الشاي بالحليب وكثري من اللوح بأحجام مختلفه في كل مكان فاضي وللمخدات بعد تأثير كبير في تغير المكان وخصوصاً اذا كانت الوانها مميزه اما تحطين منها عالارض بشكل عشوائي او على السوفا واختيارج للابجورات بعد لازم يكون مميز وغريب . (a)

وهذي صورة الجبس المنحوت وصورة المدخل اللي بحجر الفسيفساء

مدخل الفسيفساء

ممكن تحطين مكان الكرسي المنفرد اللي جمب النافذه هالنوع من الكراسي وراح يكون ركن هادي اما للاستمتاع بالموسيقى او للقراءه وشكله حلو في الزاويه وانيق.(a)

وبعد تقدرين تزينين الجدار في قسم المكتب برفوف خشب وممكن تحطين عليهم كتب او تحف كديكور.

اتمنى اني ساعدتج ولو شويه حبوبه والله يهنيج انشالله ويكون بيت عامر بأهله وانشالله نسمع الاخبار الزينه قريب بعد ماتخلصين من الديكورات والفرش واتمنى تصورين لنا المكان عشان نشاركج الفرحه (a)

GerBera

معقوووول فيه ناس بهالذوق:eek2:

وشكلك ذويييقه الف:up:

فعلا افكار رائعه

فكرة الارفف في قسم الكمبيوتر مررره حلوه

وترتيب الصاله فعلا جاي صح

الكرسي اللي انتي عارضته شفته من فتره في محل للاثاث من الخوص ولان السراميك بيج بيكون تمام والكنب بفصله بيج مع تدخيل لون غامق في الخداديات


مسشكووووووووره حبيبة ألبي ياذووووووق

وانشاء الله احط الصور اول مااخلص الشقه:cool2:

أحيي في الجميع روح التعاون


والحمدلله يا fa2m99

أنك لقيتي الترتيب إللي يعجبك

ومقتنعه فيه

ربي يوفقك إن شاء الله ويجعله منزل مبروك


وأشكر أختي GerBera

على إجابتها الواضحة

وبالأسلوب الجميل

والطريقة المحترفه في توزيع الأثاث


تحياتي لكن جميعاً

انا كمان بدى مساعدتكم عندى حائط عريض يمثل مدخل للشقة و لكنه امام الباب مباشرة عرضه حوالى 3متر بس ما ينفع فيه ركن كنبه ضغيلاة او كرسى لانه امام البا مباشرة و لا اعرف ايش اسو فيه و كذلك لدى حائط بنفس المساحة او اقل قليلا ولكن امتداده يتصل مباشرة بممر ضيق و طويل لغرف المنزل ابغى خبرتكم شو اسوى فيهم و يا حبذا لو شئ مبتكر و لكم جزيل الشكر