ماتوقعتها منك...ياعمري كله

بسم الله الرحمن الرحيم
السلام عليكم ورحمة الله وبركاته
أختى الحبيبة : انتى قلتى : بس لاتقولون الي سويته غلط ( يعنى انتى حاسة انه غلط )

بس الصراحة انا مش مرتاحة لتصرفاتك دى أحس بتفتحى على روحك باب جهنم والعياذ بالله من الشك والغيرة والقلق والحيرة وتدخلى فى دوامة لا تنتهى من مشاعر سلبية لانهاية لها تنغص عليك حياتك وبس

حبيبتى ممكن تكون أحلامك هذه مجرد قلق وخوف لا أكثر وزى ماقلتى الشيطان يوسوس لك عشان يخرب عليك
ممكن يكون داخلك قلق من كتر حبك له وهذا القلق ترجم الى صورة احلام وكوابيس

ووحسن النية متوفر عنده كما ن والاا ماقالك انها اتصلت

نصيحتى لك حبيبتى اتركى هذا الاسلوب معه ولاتفتحى له هذا المجال ولا تكونى مدخلا له لمثل هذه الاتصالات

وبعدين بقولك شئ : لنفترض مثلا مثلا لا سمح الله أنه علم انك وراء هذه الاتصالات ماذا سيكون رد فعله ؟ لا أظنه سيكون سعيدا ابدا

استعيذى بالله من الشيطان الرجيم واتركى عنك هذه الوساوس و صلى صلاة استخارة وسيظهر لك الله الحق إن شاء الله إن كان في هذا الموضوع خير لك فسيتمه الله لك بإذنه تعالى
معليش طولت عليك وسامحينى اذا كانت افكارى مش مرتبة

الله يوفقك يارب

تسلمين عزيزتي

تَنْثُرُ الكَونَ عِطرا

على نصيحتج وابداء رايج

انا كنت بسكر الموضوع لانه خبرني السالفة
بس انا مثل ماقلت لج ابي اعرف منو هالبنت الي ياب طاريها وهو يرمس ربيعتي ...يعني اكيد يرمسها

وطبعا هالشي انا ماتوقعته منه ...بس الواحد ياخذ الحيطة
واذا مااكتشفته الحين وماعرفت شو يسوي من وراي اكيد بعد الزواج راح انضر من تصرفاته

ياعيوني انا مع اختي اللي ردت عليك
انت تفتحي على نفسك باب
بعدين صدقيني بتخربين على نفسك
حبيبتي فيه مثل بس مااذكره الامهم معناه انو من كثر ماتحنين وتصرين على الشي بيصير
يعني صدقيني بتدخلينها بباله
هالحركات مو لكم الله يحفظك للصغار وانتوا انشالله تفكيركم اكبر وهو اكبر انشالله
الله يخليكم لبعض

السلام عليكم ورحمة الله وبركاته

فديت روحك

حبيبتى بالاول

انتى تقولين مانقول عن اللى سويتيه غلط

احنا مش هانقول غير كده

اللى عملتيه ده فعلا غلط

تعرفى انتى بتحطى البنزين جنب النار<<مثل مصرى

ليه تعرضى خطيبك لموقف مثل ده

الحمد لله هو قالك عن اللى حصل

كان ممكن مايقلك وممكن يقول ان تلفونه مشغول فى شئ تانى

لكن هو قالك الحقيقه

وكمان هو المفروض الواحده تاخد بالها من تصرفات خطيبها وزوجها لكن مش لدرجه الشك الزايد والاختبارات

وبالنسبه للبنت اللى قال عنها لصاحبتك

ماتشغلى بالك

لو انتى شاكه انه بيكلم البنت دى

اقولك شئ >>

اللى بيكلم واحده بيكلم غيرها

يعنى كان هايكلم صاحبتك برضه

لكن هو ماكلمها

وكمان اكيد الواحده قبل ماتتخطب لواحد بيسألو عنه كتير وعن سلوكه وتصرفاته

ليه انتى تشكى فيه من البدايه وهو ماعمل شئ

يعنى انا للان مافهمت ايه اللى خلى كل الحاجات دى تحصل:pain:

حلم !!!!!!!!

الاحلام ماتاخدى بيها وحتى لو متكرره

دى كوابيس من الشيطان

وكل ماتفكرى كل ما الوساوس تزيد وممكن الحلم يتكرر لان الفكره اصبحت متركزه فى عقلك الباطن


ياحبيبتى ريحى بالك شوى:smile:


وكمان ماتقولى لخطيبك انك عملتى كل الحاجات دى لان ده شئ يدايق جدااااااا

وبالتوفيق وركزى فى امتحاناتك ياسكره:smile:

واسفه اذا طولت عليك:o


حبـــــــــيبـــــــــــه

السلام عليكم ورحمة الله وبركاته

ليش أختي ؟

ليش أختي تبني علاقتك مع زوجك من البداية على أحلام تحلميها ؟

هل هكذا يكون الزواج المتين...؟ كل ما تحلمي حلم تطبقيه على زوجك ؟

و بعدين اللي عملتيه أكبر غلط في الدنيا...يعني لو حتى زوجك ما بيعرف بنات و لا بيعرف هذه الألعاب...راح تفتحي عيونه عليها...و تخلّيه يحبها و يبدأ في هذا الطريق...

ترضي خطيبك يبعث لك واحد من أصدقاؤه يكلمك علشان يختبرك ؟؟؟؟؟؟

و صديقتك اللي إستأمنتيها على هذا الشيء...هل تعلمي ما ستحمل لك الأيام ؟ إفرضي إنقلبت الموازين...و لم تعد صديقتك...تصيري وقتها رهن لها لأنها تعرف سر كبير عنّك...و لو زوجك عرف راح تكوني في موقف لا تحسدي عليه...

إرجعي لعقلك مرة أخرى أختي...و بلاش الحركات المتهوّرة اللي ممكن تضيع زوجك من إيدك...

الله يوفقك يا رب...

السلام عليكم ورحمة الله وبركاته

شوفي أختي هذه المشكلة...مشابهة جدا لمشكلتك...

من هنــــــا

تصدقين بالله

قهرتيني

طول ما أنا أقرأ موضوعك وأنا محروقة أعصابي

بالله حد يسوي سواتج

أنا بكل أمانة اللي تسوي هالشكل ما تعجبني

شلون تسمحين لصديقتك تدخل بينك وبين خطيبك وزوج المستقبل

ما أقواكي يا شيخة .. كيف ترتاحي وإنتي تسمعين من صديقتك كلمة قاللي وقاللي

ترى عزيزتي اللي بيلعب بالنار أول شي أصابيعه اللي بتروح فيها

نصيحة لوجه الله إنهي كل هالموضوع من جذوره

ليكون صديقتك تنقلب عليك يوما ما وتحبه

يا مقلب القلوب

وممكن هو يحبها ويتعلق فيها وإنتي مع السلامة

وفي النهاية بتقولين الخاين الكذاب المخادع .. واسمحيلي ما ينلام .. وكل اللوم عليج

يكفيج فخرا إنه قال لك في واحدة ملوعة جبده على الموبايل

والرجال ما تختبرينه بهالشي

الرجال في رجال العيلة يعرفوا أدق تفاصيل حياته وإن كان راعي كلام مع البنات ولا لا

ولهم أساليبهم في ذلك

أما إنك تعملي مصيبة من "شك"؟؟

هذا هو عين الغلط

وتريدينا نقول لك إنتي مش غلطانة واللي سويتيه صح؟؟

ايش رايك نصفق لك بعد؟؟

وتقولين خلني أتلاحق على عمري

من شو يا عزيزتي .. من رجال إنتي دزيتيله مرة في طريقه؟؟

لا يا بنت الناس .. هاللي عملتيه مليون في المية غلط

وقفي صديقتك عن هالمهزلة واللي تسوينه حرام

اليوم تقول لك وش طرش لها بكرة تخش عنج وتسرقه منج

وإنتي السبب

ديري بالك ترانا نحب لك الخير وما يرضينا تمشي بطريق معروف أوله من تاليه وما ننصحك

وبالنهاية هي حياتك وأنت اللي تخليها حلوة أو كلها شكوك

وطمنينا عنك عزيزتي

أختي العزيزة :

اللي سويتيه غلط × غلط × غلط × غلط :angry: :angry:


معليش أختي ماتزعلي من صراحتنا وملاحظاتنا على تصرفك ...
بس لازم تعرفي من خوفنا عليكي ... :eek2:


نصيحة مني : أوقفي هذه اللعبة اللي راح توديكي في داهية ... قبل مايعرف خطيبك بالموضوع ، وينقلب السحر على الساحر ...


الصراحة .. لازم تحافظي على خطيبك وتحميه وتحرسيه ... مو تحاولي انك تشكي فيه وتوقعيه في لعبة انتي مخططة لها ...

احمدي ربك ان خطيبك طلع رجل محترم ، بدليل انه ماعطى وجه للفتاة ، وماكان يرد عليها ... وقام واعترف لك بالموضوع ... حتى لو ماقال لك التفاصيل ... المهم انه اعترف وقال لك ...
وانتي عارفة هالأيام الرجال مايقولون أي شيء لزوجاتهم ...


اهدأي عزيزتي ... وثقي بالله وبخطيبك ... وماتخلي الأفكار السودة توديكي في داهية ...

نصيحتي لك من قلب صاااااااااااادق تعوذي من الشيطان وتركي عنك هالوساوس واشغلي نفسك شلون تكونين زوجه صالحه له تسعدينه ويسعدك

واعي ربك ليل نهار يساعدك على هالشي

وتركي هالافكار الي مالها دااااااعي والي مبنيه على اوهام مالها اي صحه وحلوم من الشيطان



اوعدينا انج بتسوين كذا:up::up:

:up: البنات ما قصروا

تعوذي من ابليس :smile:

[ردالسلام] وعليكم السلام ورحمة الله وبركاته[/ردالسلام]

هلا الغاليه..


أول شيء.. انتي تقولين انج مخطوبه.. يعني خطوبه وبس.. والا عقد قران؟؟

يا جماعه حطوا في بالكم دايما... اننا احنا عندنا عدو.. يحاول بأي طريقه انه يبعدنا عن الصح.. عدونا يا جماعه.. هو مستر شيطان.. بليز الشيء هذا لا تنسونه..


الحين.. كيف بيبعدنا عن الصح ويطيحنا في الغلط؟؟؟ وهالكلام للكل.. أختي لا تتوقعين انه بيجي يقعد عندك ويقولج.. يا فلانه ترا انا الشيطان.. وما احب اشوف حد ماشي صح... احس انتي الحينه من هذيل اللي ماشيين صح.. وانا جاي يا حبوبه ابعدج عن هالدرب.. اريدج يا غاليه تسوين كذا وكذا عشان ارضى !!!!!!!!!!!!

لا لا أختي.. هو يوسوس لك من غير ما تحسين.. يخليكي تحسين ان اللي تسوينه صح.. مع انه هو الغلط بعينه..


أختي انا ما انكر ان ممكن الانسان يحلم بشيء ويستوي هالشيء.. او انه مثلا يكون علامه او تحذير او شيء.. بس الغاليه مش كل الاحلام نقول عنها جذي.. بعضها تكون من الشيطان.. والا ليش يقولج اذا الحلم مب زين.. لا تقولينه لحد.. واذا قمتي منه استعيذي من الشيطان وجي..

اذا بنفكر نفسج خلاص ما بنعيش.. روحي اسألي اللي حوالينج كم مرة حلموا ف أشياء وما استوت..

بعدين اختي.. انتي تقولين حلمتي ف وقت العصر.. مادري بس ماعتقد الاحلام اللي ف هالوقت ممكن نعتمد عليها..

يمكن تقولين لا .. بس الحلم هذا كان غير.. واحساسي بعد غير.. حسيت انه فعلا في شيء.. كأنه حد جاني وقالي بطلي عيونك ولحقي على عمرج.. بقولج. الشيطان.. الشيطان .. : )

المهم انا كنت عند ربيعتي وقلت لها دقيله وشوفيه بيرمسج

عاد شكثر استانس عليج الشيطان.. بالله تشوفين كيف قص عليكن.. الحين خلاج تشكين في ريلج.. اوكي؟؟ الشك ==> الظن.. يعني اكيد اذا شكيتي فيه.. بتسيئن الظن.. صح؟؟ وسوء الظن؟؟

الايه يا أختي... في سورة الحجرات شو تقول؟؟؟؟؟؟


الشيء الثاني يا أختي.. انك خليتي ربيعتج تتصل به.. عشان تكلمه.. طيب يا أختي.. الشيء هذا مسموح به في الدين؟؟ انزين انتي تقولين البنيه مخطوبه.. وشو يعني لو مخطوبه؟؟ انتي بعد مخطوبه.. شوفي شو يالسه تسوين.. لا تعتقدين ان المخطوبه ما تغلط يا الغاليه.. وهي مثل أختج.. اوكي شو يعني؟؟؟ الاخوات بعد ممكن يغلطون..

بتقولين هذه شو تخرف.. شو غلط ما غلط..

بقولج اختي.. تخيلي اتصلت ربيعتج بريلج.. ولعب الشيطان براسها.. وبراس ريلج..

تخيلي مثلا عيبها صوت ريلج او العكس.. تخيلي قعدوا يفكرون ف بعض.. انا ما بكمل.. بس انتي حطي في بالك شطارة الشيطان.. وارسميلك سيناريو..

اذا الشيء هذا ما صار.. محد عجبه صوت الثاني... خلينا نشوف شو ممكن يصير..

ممكن في يوم من الايام مثلا.. ريلج يعرف باللي سويتيه.. او من غير ما يعرف.. ممكن مثلا يضايق منج لسبب.. تخيلي هو مضايق الحينه.. والبنيه ربيعتج قاعده تدق عليه ( بطلب منك ) .. تخيلي.. خاطره يكلم حد... خاطره يشكي لحد.. وهذه فرصه صح؟؟ البنيه تتصل.. وهو ما يعرفها.. ولا يعرف انها من صوبج.. ممكن يقول يلا هي مرة وحده.. برمسها.. وبشوف شو تبي.. وبعدين ممكن.. انتي كملي..


او ممكن يجي يوم وعلاقتج مع ربيعتج هذه تتغير.. الله لا يقول.. بس هالشيء ممكن يصير صح؟؟ انزين تخيلي شو ممكن يصير.. اذا لعب الشيطان براسها وقررت انها تخرب بينج وبين ريلج..

< لا تفهميني غلط.. ما اقصد ان ربيعتج جي بتسوي.. بس هذا احتمال.. صح؟؟ >

قلت لربيعتي تتصل فيه ،،واتصلت بس هو مارد عليها ...وطرشت له مسج وقالت له ليش ماترد علي واذا مشغول اتصل فيه عقب انا اترياك بس هو مارد عليه..وردت اتصلت مرتين وثلاث بعد مارد عليها وطرشت له مسج بأذيك لين ماترد وتتصل ومايرد عليها...طبعا المسجات انا الي اكتبها واطرشها من تليفونها
الهم هو اتصل فيني وقعد يرمسني وغقبها قلت له بسير دقايق عندي شغله وبرد قالي اوكي...في هالفترة خليت ربيعتي ادق عليه ومارد عليه

اتقي الله يا اختي.. حراااام عليج.. الحين شوفي كم مرة دقت عليه وهو ما رد عليها..

بس انتي مصره.. لا خلاص انتي حاطه في بالج انه خاين معناته خاين .. وانا متأكده انه اذا تمت تتصل فيه.. واخر شيء رد عليها.. بتقولين شفتوا انا صح.. رد عليها شفتوا..


أختي انزين اول مرة هو كان مستغرب من الاتصال.. واذا رد بمسج والا شل التيلفون.. يمكن بس عشان يعرف منو هي وشو تبي.. يمكن تحراه حد من الربع ويبي يسوي مقلب.. ويمكن وايد أشياء. بس احنا الله يهدينا دايما تفكيرنا تروح للاشياء السلبيه..

،،قالي انه في وحدة مأذيته وانه طرشت له مسج يقصد المسج الاولي الي يقول انها تبي ترمسه بس ماقالي عن سالفت المسجات الثانيه الي طرشتها وماقالي انه اتصل فيها ،،،رديت عليه انت مارديت عليها اب مسج عصب علي وقالي شو انتي غبيه شلون ارد عليها بمسج عقب بتقول هذا عادي عنده يرمسني

شو تبين اكثر عن جذي.. قالج عن السالفه.. وشو يعني ما قالج عن المسجات الثانيه.. انتي من غير شيء في البدايه قلتي انك بعد الحلم خليتيه يحلفلج انه ما يعرف خد ومادري شو.. يعني بينتي انك شاكه.. وهذا من غير شيء.. والحين تبين يقولج عن المسجات.. اختي الريال يعرف انج بتعصبين حتى لو هو بريء.. وما قالج.. عادي..

وبعدين اذا هو غلط يوم ما قالج عن المكالمه والمسجات.. بعد انا اشوفه عادي.. لأن الغلط اساسا بدأ منج انتي.. انتي غلطي.. وهو غلط.. عادي.......... وبصراحه ومن غير زعل.. انا اشوف غلطتج انتي أكبر..


اخر شيء.. البنت اللي قال اسمها..

اوكي اذا مصرين على سوء الظن.. بقول هذه وحده كان يعرفها ويرمسها قبل...

اوكي؟؟

الحينه الاخ مودر هالسوالف.. خلاص.. تاب.. وودرها.. والحين خاطب...

وبيعرس .. اذا يباهل جان ما يا خطبج انتي..

أختي.. اذا الله يسامحنا على أغلاطنا ويغفر لنا.. منو نحن عشان ما نسامح الناس؟؟؟؟؟؟؟؟؟؟


حطي في بالج انه ما فيه انسان ما يغلط...

وربيعتي ماصدقت لان خطيبي مب من ها النوع الي ممكن انه يرمس بنات

ها كلامج انتي.. بس بعدج مصره ع رايج..

اتعوذي من الشيطان يا الغاليه.....



احم.. خلاص انا خلصت.. بس باقي اقول انا افترضت انك مالكه... يعني مش خطوبه وبس..




اذا خطوبه.. بقولج.. اساسا غلط تكلمينه يا أختي...

استخيري الله والله ييسر لج اللي فيه الخير...


السموحه اذا ضايقت حد بكلامي..

والله ما اقول كلامي الا لأني احب الخير لكم..


واسمحولي عالاطاله..


تقديري واحترامي لكم

ا لـ عـ نـ يـ ـ ـ ـ ـ د ة ™

اختى فديت روحك


تعرفى من اول ما انتهيت من قرأة رسالتك لم اصبر حتى اقرأء الردود واذ ربما تكرر الرد ولكنى تعبت من كلامك جدا
اسمعينى يا اختى




العابد التقى لو تربص بة الشيطان لا ينحرف الا بأرادة اللة طبعا وان انحرف فهو فية الضعف البشري الذى نعانى منة جميعا
ومن هنا اتسائل مخطوبة وبينكما حياة يتم بناؤها ولم تتعرفى على شخصيتة بعد او تعرفتى وغيرة حواء تملكتك كيف تضعين صديقتك في طريقة؟؟؟؟؟؟؟؟؟؟؟؟ مهما وثقت بها



مهما وثقت فهو رجل والرجل بفطرتة قابل للميل للهوى وان كان يحب خافى من ان تنقلب القصة على راسك وتصبح الكذبة صدقا


الخلاصة عشان محدش يزفهمنى غلط انتى غلطانة وصديقتك هتتسبب في كارثة لان الرجل مهما كان بيحب لة هوى يضل مهما كان مرتبط ومتبقيش شاكة فية وتجيبيلو واحدة تولع نارك وكمان تفتشي في ماضية يا اختى اعقلى وفكرى فبكرة وانتى واحتة وان دار او لف او راح او جة


ورجعى صديقتك عن محاولة استمالتة للخطاء لكى تتاكدى من اوهامك عشان مجرد حلم ربنا يثبتك



الغيرة بلا بينة نار تكوى الضلوع عافانا اللة واياكم

والله انه ارتاح بالي لما قريت ردودكم

كل الشكر لكم جميعا

وانا بالعكس مازعلت من حد


بس بقول لكم على شي انا سويته قبل ماادخل النت واقرا الردود


اليوم انا كنت مخططة اني ادقله من رقم ثاني وقلت لكم من البداية اني ابي اعرف منو هذي البنت الي ياب طاريها

المهم طرشت له مسج وقلت له انا فلانه دقلي ابيك ضروري

وعطيت الموبايل لربيعتي

اتصل وقال الها خير شو بغيتي وقالت له انا فلانه الي امس اتصل لك

وتدرون انه عادي قام يكلمها ويقولها انتوا شو اسمج ومن وين ومن هالقبيل

عاد انا هني لبقت...مع انه قال لي بيرقد اتريه يلعب من وراي

واتصلت له وكان يكلمها ومارد علي...لانه عنده خطين...عقب طرشت له مسج وقلته بترقد ومن هناك انت شاغل التليفون...
صدقوني ماقدرت امسك عمري

وادق عليه بعد مايرد عليه

عقب يوم سألته قالي انه اخوه ماخذ التليفون ويرمس فيه

شوف الجذب

وانا كنت اسمعه وهو يضحك معاااها ومقهورة


الله يسامحك

المهم انا بعدها قلت بكلمه وبقوله عن الي صار واني انا طرشتها وكشفت حقيقتك
اعوذ بالله من الشيطان

بس الحين بعد ماقريت ردودكم قلت بسكر الموضوع مع اني والله العظيم اني مقهورة وابي اعرف كل شي وابي اسمع منه كل شي

عادي اني اتهور واعصب واقوله عن السالفة...

الله يستر

بسم الله الرحمن الرحيم

السلام عليكم ورحمة الله وبركاته

حبيبتى لاتزعلى منه انتى اللى أعطيتيه اللعبة اللى يلعب بيها :pain:

الله يهدى سرك يارب . حبيبتى استهدى بالله واتركى هذه الألعاب التى تكون مدخلا للشيطان لك وله

يعني شلون الحين انا فيني حرة وابي افاتحه في الموضوع
ف ماادري انا مترددة

وانا اعرف عمري اذا ماقلت له دايما راح افكر في السالفة وماراح يهنالي بال...الين مااخبره

بس مااعرف شلون افاتحة...
وشوالكلام الي ابدا فيه

بليييييييييز ساعدوني

والله اني مقهوووووووووووورة

بسم الله الرحمن الرحيم

والله حبيبتى ما أريدك تخربين على نفسك فيه مثل مصرى يقول ( دبور وزن على خراب عشه ) الله يحفظك يارب ويسعدك

كل الآراء بالإجماع قالت لك اللى تسويه غلط X غلط خدى برأيهم ولاتستمرين بالغلط الكل يحبك ويريد مصلحتك ياقلبى


وسكرى الموضوع ولاتفاتحييييه .

هو أصلا مش هيعجبه ان يكتشف انه كان تحت الاختبار وكمان هذا الاختبار كان أمام صاحبتك و أكيد أكيد رد فعله مش هيكون لطيف ابدااااا

أرجو أن تتقبلى آراء الجميع بصدر رحب وتأخدى بنصيحتهم لحد هنا ويكفى حبيبتى متكبريش الموضوع ف راسه أكتر من كدااا

كاتب الرسالة الأصلية : تَنْثُرُ الكَونَ عِطرا
بسم الله الرحمن الرحيم

السلام عليكم ورحمة الله وبركاته

حبيبتى لاتزعلى منه انتى اللى أعطيتيه اللعبة اللى يلعب بيها :pain:

الله يهدى سرك يارب . حبيبتى استهدى بالله واتركى هذه الألعاب التى تكون مدخلا للشيطان لك وله

عزيزتي :


اهدأي ولاتكبري الموضوع ....


ولاتحكمي على خطيبك حكم غير عادل ، لاتظلميه ...


هل انتي تحبي ان أحد يظلمك في يوم من الأيام ، وخصوصاً لو خطيبك ظلمك وشك فيكي واتهمك اتهام باطل ؟؟؟ وانتي عارفة انك بريئة ؟؟؟

أكيد لأ ...


عزيزتي : اللي أقصده من كلامي ... انك انتي اللي خططتي لهذه اللعبة ، وقررتي تطبيقها على خطيبك ، بسبب حلم انتي حلمتيه ..

ولازم تعرفي ان الرجل مايعيبه أي شيء .. ولاتنسي بأنك كنت تخلين صديقتك تلح على الاتصال وتستمر في الاتصال وارسال المسجات ، يعني كانت تزن فوق رأسه عشان يرد على التلفون ... مع العلم وبوجودك بأن خطيبك في البداية حاول ان يتجاهلها ، وانتي قلتي واعترفتي انه ماكان يرد على الاتصالات والمسجات ... ولكن بسبب الحاحك انت وصديقتك قام ورد على التلفون عشان ينهي الموضوع ، وأكيد صار عنده حب فضول عشان يعرف مين هذه المرأة اللي تحاول تتصل فيه ...
يعني انتي رميتي له الطعم ...
وليس عيباً لو ان خطيبك سأل عنها لكي يعرف معلومات عنها ... لأن أي انسان طبيعي لديه حب فضول لمعرفة الموضوع ...
ولو قال اسم فلانه ... فهل تعتقدي بأنك مسكتي عليه ممسك ؟؟؟
اعرفي بان خطيبك ليس بجاهل .. وليس من المعقول بأنه لايعرف اسم فتاة أخرى في حياته ... أكيد هناك : زميلات له بالجامعة سابقاً ، أو زميلات له بالعمل أو أو أو .... يعني مش بالضرورة بأن الاسم اللي قاله تكون عشيقة له (لاسمح الله )
فهل تتهمينه بظلم ...

حبيبتي : انتي بس تبين تمسكي عليه ممسك .. عشان تحققي حلمك ..


استعيذي بالله ... ولاتقولي أي شيء لخطيبك .. لأنه لو عرف بالحقيقة وعرف بأنك وضعتيه تحت اختبار فلن يغفر لك أبداً ...

السلام عليكم ورحمة الله وبركاته

حبيبتي انا مستعجلة فما قدرت اقراء باقي الردود فعذرا لو كان ردي مكرر

حبيبتي ليش كل ها الهم وليش تعورين قلبك

لو كل وحده بغت تختبر زوجها او خطيبها زي ما تقولين وجابت له صاحباتها عشان تختبره كان الكل تعب

يعني الله يهديك الناس يبعدوا البنات عن ازواجهم وانتي تقومي تطرشينهم لحد عنده

هو مسكين باول مره قالك الموضوع باختصار عشان يكون واضح معاك وما يبغى يزيد بالمشاكل وانتي الله يهديهك تحاولي تعبثي بالماضي

انتي اشعرفك شو حكاية ها البنت الي طراها بالمكالمة يمكن ما يكون يعرفها أو يمكن حتى يعرفها وكان يكلمها .... بس بالاخير

خطب مين ,,,,,,, خطبك انتي واختارك انتي من بين كل البنات عشان يتزوجك

تقومين انتي الله يهديك كل يوم والثاني تطرشين له وحده

طيب واخرتها .... انتي أكيد نفسيتك تعبانه كثير من ها الموضوع وبكذا اكيد معاملتك له بتكون كثير كريهه

تخيلي انتي عاد

صاحباتك يعاملونه كويس وهم يختبرونه ولما يجي يتصل فيك انتي تكوني اساسا مش طايقة تكلمينه

بيقول انا شو الي غاصبني أكلمها وهي تعالمني زفت

وعندي الباقي يكلموني بطريقة حلوة

يعني تبعديه عنك

حبيبتي انسي كل شي صار وهذا ولد وبالاغلب اكيد بتكون له حكاية

خلاص ماضيه راح والحاضر معك انتي فليش تخربين على روحك

ارجعي لعقلك وانسي كل الي عملتيه وكل ها الاختبارات والخرابيط ترى ما وراها الا الهم وعوار القلب

وأنا بصراحة ابدا ما الومه على رده فعله .... انتي توقعتي بتكون رده فعله زي الافلام ... بس هو تصرف زي أي شاب تتصل فيه بنت

هذا الي عندي واسفة لاني قلتلك ان الي سويتيه غلط لاني بصراحة اشوف انه كثير غلط

وطمنينا عليك على طول

اختك

malaak