حملت بعد حرمان..ولكنها أجهظت

[CELL=filter: shadow(color=red,direction=135) glow(color=red,strength=5);][ALIGN=center]السلام عليكم ورحمة الله وبركاته
أخواتي...
أسأل الله تعالى بأن يرزق كل محروم من الولد..وأن يقر الله عينه بصالح الذريات
آميييين...
مدري اذا كان لموضوعي هذا داعي والله لااااا!!
بس انا والله ضايق صدري حيييييل وابي حد يسمعني...
وجايتكم ألتمس دعواتكم الصالحة...
انا يا ناس عندي ثلاثة أخوال محرومين...الكبير والي صار له 17 سنة
والثاني 13 سنة..والثالث 7 سنين
وكلهم محرومين..وانا عارفه ان الله ما يبتلي غير المؤمن..وكلنا صابرين ومحتسبين
بس ياناس الانسان جزووع..
تخيّلوا يا اخواتي ان الكبير بعد كل هالحرمان وبعد عناااء طويل في العلاج واللي غااالبا ما ينجح هالعلاج..وأخيرا سطعت أنوار الفرج وعمت الفرحة وكأنه عيد وأي عيد....بس ربي ما تمم هالفرحة وما صار لها- مرت خالي(اللي هي عمتي بعد)أسبووع الا وبدت تنزف وأجهظت ذاك الجنين اللي الأرض ما شالتنا من فرحة وصوله حتى اننا بدينا نوفّي النذور الكثييييرة اللي علينا..وبعدين صار عندنا مثل الجنازة ومع ذلك كنا صابرين ومحتسبين
وبعد فترة حملت الثانية -مرت خالي الثاني..وهم الفرحة غمرتنا
والحمدلله كان حملها موفّق وميسّر وصار لها خمسة أشهر..
الا وبعدين تنزف وتنزف...........تخيلوا
ودوها المستشفى وقالوا حالتها خطيرة وتحتاج عملية بأسرع وقت...
وسووا لها عملية شق ونزل الجنين ومو بس كذه
الا حالتها للحين ما استقرت وما زال النزيف مستمر تصوروا انهم حطوا لها عشرة أكياس دم ويبون المزيد...وأهل الخير ما قصروا كاهم يتبرعون لها
وهي للحين مخدّرة....!
لا إله الا الله..ياربي انا لا أسألك رد القضاء ولكني أسألك اللطف فيه..
وآسفة لأني طولت عليكم بس ضايق صدري حيل
وكل اللي أبيه منكم دعواتكم..والله يجزاكم خير.[/CELL]