ساعدوني بنات الامارات

ع

علياء علي

عروس جديدة

08-01-2005 | 08:38 AM

السلام عليكم ورحمة الله وبركاته ..
خواتي انامقصرة وياكم لاني ما كنت ادش النت من فترة ، الحين لاني اعاني واتصكن كل البيبان في ويهي ارجو من الله ثم منكم انكم تساعدوني
مشكلتي اني متزوجة من سنة ونص وماصار حمل ماخليت عيادة ما رحتهاحد يقول تكيس وحديقول لازم تضعفين وحد يقول ضعف التبويض ، تعبت ونفسيتي تعبانه اكثر ، انا وريلي نمووووت في اليهال ، الحين قررت اتعالج في الوصل ، شو رايكم في هالمستشفى ومنوه احسن دكتورة هناك ، او اذا في مكان اروح له بس مضمون العلاج .. ساعدوني خواتي انا تعبانه
الله يرزق كل وحدة اللي في بالها

ا

الجمره اللطيفه

عروس مشرقة

08-01-2005 | 08:49 AM

الله يرزقج يارب قولي امين روحي عند الهند في دكتورة ووايد زينة ويمدحونها واايد

وبعد في علاج بالاعشاب والعسل في دبي عند خبير واللة ربعتي تمدح فية عالج حالات وايد

ع

علوجة يابسة

عروس متألقة

08-01-2005 | 09:05 AM

مرحبا الأخت علياء
انا متزوجة من 3 سنوات بس حملت واجهضت مرتين ولين الحين ما حملت بديت عند دكتور في دبي علاجة حلو ويطمنج على حالج هو اختصاصة عن الهرمون انا عندي تكيس المبايض ربيعتي دلتني على هال عيادة يمدحونه وايد وشفت بعيني عن الحالات اللي عالجهم وحملوا عنده تبيني اعطيج رقمه انا حاضرة ويراعيج في علاج ومصاريف بعد ودكتور واييييد طيب :smile:

م

مرموم

نائبة المشرفة العامة

08-01-2005 | 09:06 AM

السلام عليكم ورحمة الله وبركاته

لا تزعلي و لا تقلقي أختي...

الله كريم و قادر إنه يرزقك إن شاء الله...

إنتي الحين محتاجة دكتورة مويسة و ثقة...تتابعي معاها...

لو إنتي من أبوظبي كنت أفدتك بدكتورة كويسة كتير...

بس شوفي هذا الموضوع...في أسماء دكاترة...

من هنـــــــــا

و إن شاء الله بنات دبي يفيدوكي أكثر...

G

GIS

عروس رائعة

08-01-2005 | 09:34 AM

أنا عندي نفس مشكلتج بعد ...... بس أنا متزوجة من 3سنين و نص واتعالجت في مستشفى ولكير بس ما نفعوني و حاليا أعالج في الوصل عند الدكتورة عواطف و جربت العلاج بلأبر المنشطة بس مايابت فايدة و أفكر الحين أسوي تلقيح صناعي في مستشفى توام.

الله يرزقج و يرزقنا إن شاء الله.... بس ضروري اتابعين العلاج

و لو تسمح الأخت علوجة يابسة تعطيني اسم الدكتور و اسم عيادته:shy:

ا

احلى الجروح

عروس جديدة

08-01-2005 | 10:33 AM

السلام عليكم ورحمة الله وبركاته
أختي علياء في الدكتورة جوان مراد في الشارقة وهي دكتورة امراض نساء وولادة وعندها وحدة تخصيب أطفال أنابيب مكانها في بناية الكورنيش بلازا
وانا تعالجت عندها لاني كنت كل ما احمل واوصل لنص الثالث اجهض
وولدت عندها ثلاث مرات
أنا قبلها تعالجت في الوصل بس بصراحة معاملتهم مب شي
اللةان شاء يرزقك ويسر امرك

G

GIS

عروس رائعة

08-01-2005 | 10:39 AM

أنا بصراحه ما حبيت جوان مراد .........بس في ناس يرتاحولها

ل

لولو الصغيره231

عروس جديدة

08-01-2005 | 10:44 AM

اختي العزيزه روحي عند الدكتوره اوراس اللي في الشارجه اخت زوجي ماحملت بعد بنتها وكلما راحت عند دكتوره كل حد يقول لها شي اللي يقول عندها كيس على المبيض وللي يقول لازم تنظم الدوره واللي يقول لازم كي وبعدين راحت عند اوراس وهي عطتها دوا عشان تكبر البويضات وبعدين سوتلها تلقيح وبس وبعد ساعتين روحت البيت وتمت مريحه نفسها لمدت اسبوعين عشان يثبت الحمل والحمدلله بعد سبع سنوات يابت بنت ثانيه واسفه اني طولت عليج

س

سحيلة

عروس نشيطة

11-01-2005 | 02:31 PM

مرحبا اختي العزيزة

اذا عندج امكانيات روحي مستشفى راشد قسم الاخصاب

واذا ماعندج امكانيه روحي مستشفى توام اللي في العين

كل اللي يتعالجون ويعملون تلقيح تنجح عندهم وبعدين على حسب الحالات

انا صديقاتي الثنتين كل وحده حامل بتوم الحمدلله

الحين اهم على وشك ولاده الحمدلله

بس انتي توج سنه امعرسه

اصبري اذا مافيج صبر يالله سوي تلقيح اسرع طريقه للحمل وانا وحده منهم امجربه التلقيح وعندي ولد الحين الحمدلله

الله ينولج مرادج انشا الله

ر

رمز المحبة

عروس رائعة

11-01-2005 | 02:35 PM

الله يرزقج ويفرج كربج وهمج

انا ربيعتي كان عندها تكيس على المبيض اليمين وتعالجت عند الدكتوره

الهنديه ميري في مستشفى السلامة بوظبي ؟؟ بس هي زوجها سليم

والحمد لله الحينه عندها بيبي صارله شهرين :cool2:

اذا تبين رقم المستشفى من عيوني

واسمه مستشفى السلامة

ل

لب لفواد

عروس ماسية

11-01-2005 | 03:06 PM

الله يرزق كل محروووام أنشاء الله....................

ز

زوبعه

عروس مبدعة

11-01-2005 | 03:06 PM

الله يرزقج اختي واتمنى انج تحصلين طلبج

ع

علياء علي

عروس جديدة

16-01-2005 | 12:47 PM

اشحالج
الغاليه وين سويتي التلقيح واي دكتور ؟؟
اتريا ردج بفارغ الصبر

ش

شوق الكلام

عروس مشاركة

16-01-2005 | 01:30 PM

مركز انجاب الطفل في عجمان

عياده خاصة جدا روعة

اتمنى لج التوفيق

ح

حبيبة110

مشرفة سابقة

16-01-2005 | 06:20 PM

السلام عليكم ورحمة الله وبركاته

ان شاء الله البنات يفيدوك باسماء الدكاتره

وشوفى ها الرابط

ملف باسماء الاطباء

بس مادام الدكاتره قالو تكيس ووزنك ممتلئ

يبقى لازم ريجيم دى اول خطوه فى العلاج

لدرجه انك ممكن تحملى باذن الله من دون علاج فقط بتخفيف الوزن

والف سلامه عليك

:smile:

حبـــــــــيبـــــــــــه

م

مياثي

عروس رائعة

17-01-2005 | 11:40 PM

كاتب الرسالة الأصلية : شوق الكلام
مركز انجاب الطفل في عجمان

عياده خاصة جدا روعة

اتمنى لج التوفيق

ممكن اعرف وين في عيمان

وممكن اعرف التفاصيل

ع

علياء علي

عروس جديدة

24-01-2005 | 08:55 AM

السلام عليكم ورحمة الله وبركاته
خواتي الصراحة رفعتوا من معنوياتي بعد ما كنت مضاااااااااااااااااااايجه واااايد ، الله يرزقني وياكم يارب ويفرحنا كلنا دون استثناء
الغاليه اختي ( شـــــو ق الــكـــلام ) وين هاي العيادة في عيمان لاني من عيمان وما جد سمعت عنها ارجوج ردي علي وتنصحيني اسري لهم
وخواتي قولوا لي عن علاج الوصل وين افتح ملف واستمر لاني من 6 شهور مودرة العلاج وما اخذ اي شي

م

مياثي

عروس رائعة

24-01-2005 | 01:10 PM

الغاليه دام انج من عيمان ليش ما تعالجين في مستشفى الخليج الخاص الي فتح مكان سوق عيمان وايد يمدحونهم واعرف ربيعتي عالجت عندهم وسبحان الله من اول شهر حملت .

وحاليا وحده من اهلي تعالج في الوصل عند عواطف البحر ... وهذا اول شهر لها علاج وان شاء الله من تحمل بخبرج

بس دامج من عيمان جربي مستشفى الخليج لانه كلهم يمدحونه