السلام عليكم ورحمة الله وبركاته
مش هاطول عليكم
انا عملت البيتزا دى امبارح
طريقه جديده واول مره اجربها
لقيتها احلى عجينه بيتزا دقتها بحياتى
العجينه طريه جدا وهشه وبنفس الوقت قاعها رائع ومقرمش
بس اتبعو نفس الخطوات بالظبط
المقادير>>>عملت معايا صينيتين
3 كوب دقيق خبز المعجنات +كوب سميد ناعم
لو ماقيتى الدقيق الخاص بالمعجنات عادى خليه دقيق عادى بس ضيفى السميد لازم
ملعقه صغيره ملح
ثلاث ملاعق صغيرة خميرة فورية
ملعقة صغيره سكر
ملعقه صغيره زيت زيتون
كوب وربع ماى او على حسب ماالعجينه تحتاج معاك
الطريقه
الدقيق +الملح+السميد
تخمرى الخميره>>>(خميره +سكر+زيت الزيتون +نصف كوب ماى دافئ من كميه الماى المحدده فوق فى المقادير)
لما الخميره تلاقيها فارت تضيفيها على الدقيق
وتعجنى
ثم تضيفى باقى الماى عليها واذا احتاجت العجينه تضيفى تانى ماى
وتقلبى وتعجنى كويس جداااا يستحسن تعجنيها بالعجانه لان العجينه بتكون جامده شوى انها تتعجن باليد
تعجنى لمده حوالى 10 دقايق لين العجينه ماتلزق باليد
تقسمى العجينه نصفين وتكوريها
وتحطيها فى طيق بلاستيك مدهون بزيت وتغطيها بورق بلاستيك
تتركيها ساعه كلماه فى مكان دافئ
صحيح يابنات الاجواء عندنا وعند العرب عموما دافيه يعنى ممكن تركنيهافى اى مكان فى المطبخ لتخمر
المهم تتركيها ساعه تخمر
بعدها تطلعى العجينه تضغطى عليها بيدك شوى وبعدها تتركيها تكمل تخمر لمده تلت ساعه كمان
بعدها تجيبى صينيه وتدهنيها زيت ذره او اى زيت نباتى وترشيها بسميد ناعم
وتحطى العجينه عليها وتبطتيها كويس فى الصينيه
وتبدئى فى اضافه التزيين والحشوه
وتتركيها 3 او 5 دقايق تانى
بعدها تدخليها الفرن
طبعا الفرن بيكون متشغل على حراره 220 لمده ربع ساعه قبل ماتدخلى البيتزا ويكون ساخن جدااااااااا
تحطى البيتزا فى الفرن الساخن على حراره 220 لمده 10 دقايق
بعد 10 دقايق تدورى اليتزا شوى لتوزعى الحراره على كل الجوانب بالتساوى وفى نفس الوقت تقللى الحراره الى 200 او 195
وتتركيها 10 دقايق كمان
بعدها تخرجى البيتزا وتغطيها يصينيه بس بحيث ماتكتميها كلها راعى ضغط الهواء الساخن مجرد تغطيها بالغطاء او الصينيه التانيه بس تتركى جزء لخروج الساخن
تتركيها على الحال ده دقيقتين بس
بعدها تقطعيها
كل الى داقها استغرب من جمال العجينه:up:
جربوها وهاتدعولى:shy:
واى استفسار انا موجوده:smile:
حبـــــــــيبـــــــــــه 
