منو تقولي عن بخور

حتى انا مثلك غاليتي
بالعيد اللي مضى هههههههههههه رحت اجمل وما كان عندي خلفية عن البخور

اوكي اشوف الكل اهنيه في المنتدى يمدحون العود المبخر من اجمل


وشريته تعرفون ريحته لما تشميه كذيه حلوووووووووووه بس لما تحطيه ع الجمر ريحته حريق
والله
وفي البيت تموو يتطنزون علي حتى صديقاتي هههههههههههههههه
بس كان عندي عطر عود كمبودي كبيته عليه ومشى الحال تميت ابخر فيه العبايه والغرفه ليما خلص وافتكيت منه لووووووووووووول


بس اهني البنات يمدحون بخور الراقيه من الرصاصي ونويت اجربه واشتريه ان شالله


ويالله همتكم بنات افيدونا بخبراتكم

عزيزتي نوره

نحن في الغالب نشتري البخور والعود اللي يكون مخلط على يد حريم ماهرات فيكون افضل واحلى من اللي يخلط في الشركات. لانهم هالحريم يعرفون اذواقنا اكثر حتى لو يكون احيانا غالي لانهم يستخدمون عطورات اصلية ومركزة....

عود اصلي ودامج من الكويت تلقينه عند اطياب المرشود


وبعد عندج شيخ العطور بسوق الفحيحيل



اما بالنسبة للمعمول القرشي لا يعلا عليه



الراقيه شميته مو شي صرعني :down::down:



واذا بتروحين عمرة روحي حق اروع في مركز مكة واشتري منة العود المسقى عجييييييييييييييييييب

السلام عليكم ورحمة الله وبركاته
مرحبا اختى
اذا تبين بخور روعه ورخيص عندج بخور اسمه المسنى ريحته روعه ورخيص بعد انا اشتريه ب10 ريال بس صغير
وفيه عود روعه بمعنى الكلمه بس غالى وانا اشتريه باستمرار واضمن لج انه بيعجبج تلغينه عند محل القرشى اسمه عود معطر ملكى جربيه وشوفى اللى يشمونه عندى يسالون من وين جايبته
واى خدمه انا حاضره:cool2:

الله يعافيكم على الردود الحلوه اختى الجادل فى اى مكان بالفحيحيل محل شيخ العطور انا نازله بكره الفحيحيل ياريت تقولين لي واطياب المرشود لهم فرع بالفحيحل

اختى جنود المسني من وين احصله هم من القرشي


وتسلمون الله لا يحرمنا من خبراتكم الطيبه

بالنسبة لي استخدم دخون اسمه :

معجون الشيوخ,,

سعره 250 درهم في الامارات

وهذي صورة لعلبته تراه

واااايد كبير:down:

بخور الحرمين روووووووعه

جربي عندهم اشكال كثير حلوه

وهذا الي داخل علبة

معجون الشيوخ :down:

ينفع هذا الصندوق للمجوهرات بعد :D2

الله يسلمج شيخ العطور عند سوق جمال المجمع قبال بنك الكويت الوطني مجمع اسمة الدبوس للذهب راح تلقين فيه محلات صرافيين وراح تشوفين لافتة شيخ العطور


اطياب المرشود في بالصالحية وما لهم فرع بالفحيحيل

وعندج اذا ماني غلطانة لاني مو متاكدة بالفنار


بس انا اشتري من الصالحية

هلا اختى
بخور المسنى انا صراحه اشتريه من محلات سوق واقف عندنا دوريه بمحلات الهنود بتحصلينه او المحلات الشعبيه
ماظنيت بتحصلينه عند القرشى بس هو صناعته اماراتيه ومتوفر بالدوحه بكل مكان

و أنا بعد انصحج اختي بالعود المعطر الملكي من القرشي

ريحته مميزة وايد وقطعة صغيرة منه تسد ولا تعطيج ريحة الحراق

نادرا ً ما اشتري عود معطر من المحلات بس هذا ياب راسي

واذا عندكم في الكويت محلات ادم و حواء ،

أو اذا عندج حد نازل دبي في المهرجان خلي اييبون لج من فرعهم في شارع الرقة

دخون ام الشيوخ ، ريحته مميزة جدا ً

عندهم أنواع كثيرة ، كل نوع في منه الدخون و العود

أنا جربت دخون ام الشيوخ و أتوقع العود ماله يكون روعة بشتريه في المهرجان ان شاء الله لأن الاسعار ارخص

و عجبني بعد دخون و عود وصال

رومانسية للابد الغالية من وين تشترين معجون الشيوخ ؟

تحياتي

:smile:

السلام عليكم
انا كمان جربت المسني صراااحه روعه
وفيه كمان بحور يجيكي في كي
س صغير
اسمه اتصل بي رووووووعه مررره اعتقد تلاقيه في الاماكن الشعبيه
انتي ماعليكي من الاسماء
بس ريحتها بخور على عطر وتمسك ريحتها في البيت ولا
اذا تبخرتي فيها


وشكرا