تــــوك تجي
توك يعني تجي ! توك بس تحس !
وينك يوم كانت دمعتي على خدي تسيل ؟
وينك يوم تنزف جروحي من قلبي العليل ؟
معقوله ما حسيت ! معقوله ما دريت !
آه بس لو تدري وش صار لي في غيابك
كل يوم اجي اهل دمعي عند طرف بابك
وانت ولا دريت ... انادي ولا تسمع
والحين جاي يمي تشتكي !
لو اقول لك على اشياء صارت لي ما تصدق !!
تذكر منديلك اللي عطيتني ؟
والورود اللي اهديتني ؟
منديلك مسحت به آخر دمعه نزلت مني
وورودك جفت يوم خان الوقت بك ظني
ما عاد بقى شي يذكرني فيك
ولا راح القى شي يجبرني عليك
روح مثل ما رحت قبلك أنا .. ابك ِ مثل ما بكيت
ذوق مرارة طعم العنا .. قول مثل ما قلت انتهيت
لا حكايه ولا قصة .. خرافه دامت سنين
روايه طلعت منغصه .. أبيات قتلها الحنين
تعال نسيت اسألك .. انت الحين وش تبي ؟؟
ليش يعني توك تجي ؟
أو خانك مثل ما خانني الزمان
وصرت حطام من بقايا انسان
بس أنا ادري ليش جيت ..
ايه جيت يوم سمعت اني هملتك ونسيت
وصرت امرأة قوية بعد ما انهزيت
لكن ارجع غلطان مو أنا اللي تبيها
مو أنا (( ف )) اللي تذكرها
ايه انا تغيرت صرت مغرورة على قولتك
سبب غروري شعور عكسي لفعلتك
ليش ساكت ! ليش ما تتكلم !
أو خجلان من كل اللي سويته
تذكر أول مره شفتك فيها !!
تذكر بسمتك لي وكلامك وهمسك .. حتى حنينك
ودي أعرف بس ليش تغيرت !!
وين الوفا اللي عنه كتبت
مثل البحر للاسف صرت .. ما لك أمان ولا لك أي حنين
ليش !! ليش !!
معقوله انت تبكي !!!
وين شموخك وين كبريائك وين صمودك وين جبروتك
وين غرورك يومك من قدام عيني تمشي
أرجوك خلاص كل شي بالنسبه لي انتهى
لا حب ولا عشق ولا سهر بالليل لين الضحى
يالله قوم وش تنتظر !! معقوله للحين ما تحس !!
تبي أقولها لك بالعربي ؟؟
ايه ما بيك .. وريني وش بتسوي !!
تبي تشتمني !! اشتم وبعد .. اشكيني للناس
لكن صدقني راح تتعب
من يصدق واحد ما به احساس !!
تبي ادلك بطريقك او تدله !!
تبي كل شي لك فيني تاخذه !!
بس مابقى لك شي عندي وش تبي تاخذ !!
ايه تبي منديلك وورودك خذهم ما بيهم
اصلا ما عادو ينفعون
منديل جاف وورود ذبلانه وش تبي تستفيد !!
على فكره انا كتبت عنك كلام وش رايك تسمعه ؟؟
قلت انك لي مجرد غرام مات واندفن في رجاوي سنينه
وقلت لهم انك حلو ومزيون
بس نسيت أقول انك غبي وما تفهم
تصدق يا كثر اللي يبون يعرفونك
يقولون (( ف )) بالله عليج منهو مظنونج
وانا ساكتة ما قلت لهم شي
مو خجل بس اخاف من كلامي يفهمونك
الله ... انا اليوم فرحانة
اول مره اكتشف اني فرحانة
احس اني كسبت الشوط .. معقوله هزمتك وانا الخسرانة !!
جرب لو مره طعم الهزيمة .. ذوق طعم العذاب ألوان
لحظه .. اشوفك قمت لا يكون تبي ترجع ؟؟
للحين عندي كلام تو الناس وين بتروح ؟؟
لحظه ارفع راسك ..
ايه شفيك .. ارفعه لا تخاف ما راح امسح دمعك
بس ابي اتلذذ وانا اشوفك تصيح
تشوف ان الدنيا دواره .. وانها ما راح تدوم لأحد
ومهما كانت الامواج غداره
يكفي بين الاحباب كلمة عهد
والحين الله معاك روح .. الظاهر احبابك يبونك
بس تذكر ترى من خنتي لأجله .. مصيره يخونك
لحظه كلمه في داخلي احتويها ودمعه بعيني تبي فرقاك
قلبي يقول ترى ما عاد يبيك
كمل طريقك حلفت لأنساك
حرام لو تغيب كل العمر ماحتريها
يكفي روحي عاشت سنين بلياك
(u)
