بنتي عندها اسهااااال :(

السلام عليكم ورحمة الله وبركاته..

عزيزتي جربي تعطينها روب+ الارز..
بارد وايد على المعده فبيخفف الاسهال..

وعطيها موز..

وردي عليي خبر شو صار..

و عليكم السلام و الرحمه

مشكوره حبيبتي...توها قبل ما ترقد

عطيتها شوي...و الله يستر

و الين تنش بعطيها موز بجرب

مشكوره مره ثانيه..و يزاج الله الف خير

اختي رميسه انصحك توديها للدكتور لاتتهاونين بالاسهال

لانه غالبا يسبب جفاف (اسم الله على بنتك)

بس عطيها :رز مصري مطبوخ ومطحون وكثري مويته,

خبز صامولي او صمون او توست تغمسينه بالشاي,

بس لاتتاخرين لانها تنقص املاح معدنيه ...

السلام عليكم ورحمة الله وبركاته

الله يساعدك اختي ولدي توه طاب من بعد السهال وبالنسبه لي كنت اعطيه

زبادي موز تفاح رز مصري مطبوخ ومهروس من غير اضافة حليب

واهم شي جيبي لها حليب خاص بحالات الاسهال

واحرصي على ان تعطيها موية الرز المطبوخ\المصري\

وبالنسبه لهم كلهم كنت اضيف لهم النشا حتى مع الحليب

وعصير الجزر مفيد بهالحالات

ولا تخافين اختي تراه فيروس منتشر هالايام وما عليها شر بس اهم شي تسوين لها تحليل للتاكد

وبالشفاء العاجل انشاء الله

السلام عليكم ورحمة الله وبركاته..

طمنينا شو اللي حصل؟! ان شاء الله خير؟!

والله حبيبتي اقولها عن تجربه دكتوره قالت لي لا تعطين دواء الاسهال
لانه بعدين بيرد بزياده واهم شي تعرضين بنتج على دكتور ومادام بنتج صغيره عطيها ماي رزمع روب في المرضاعه بدل الحليب ولازم تقطعين عنها الحليب ماعدى الحليب المخصص للأسهال طبعا :smile:

اختي رميسه انصحك توديها للدكتور لاتتهاونين بالاسهال

السلام عليكم ورحمة الله وبركاته

ما تشوف شر يارب

مثل ما قالت الغالية ام سعيده

الروب والموز وماي الأرز المغلي
أحسن شي في حالات الاسهال

ربي يهون عليها ويساعدج





ألف شكر لأخوي عابر سبيل ع الهدية الحلوة

وعليكم السلام ورحمة الله وبركاته

خواتي

toti1

ام خزامى

أم سعيده

القرمزية

shanyoob

أم الوله

اشكركم من قلبي...و على قولتهم

اثلجتوا صدري ...و انا فعلا خذتها الطبيب

و عطاني دوى عن الجفاف و دوى ضد الاسهال

بس بالنسبه للحليب قال عادي استمري عليه !!

و جربت النشا و العيش و الروب بس للاسف ماشي فايده

لكن اليوم الحمد الله احسن مع الدوى...

و يزاكم الله الف خير..و بارك فعيالكم يا رب..

التسنين يسبب اسهال

اهم شي عوضيها بالماء بكثرةعشان مايجيها جفاف واخذي لها محلول املاح
والله يحفظها لك والبنات ماقصرو معاك

الموز والارز احسن حاجة ممكن تشربينها موية الارز

الله يشفيها

يا اختي هذا فايروس الروتا منتشر وايد
ويا اختي نصيحة لاتستعملين دواء لوقف الأسهال مثل الكابتين لان الفايروس يبقى لكن الافضل تخلينه يطلع مع الاسهال والاهم انج تعطين الطفل محلول الاملاح وعصير التفاح وعصير الجزر وممكن تعطينه الجيلي الدكتورة نصحتني فيه
والاهم من كل هذا انج تاخذين للدكتور يسوون لها تحاليل

مرحبا اختي

ماعليها شر ان شاء الله بس نصيحتي

(( ملعتقين نشاء ذوبيهم في 10 مل مويه ))

بس معليش بسألكم سؤال ..

يابنات ..

هالحين موية الرز للإسهال ولا للإمساااااك ..!!

رميسه
لا تعطينها دواء الإسهال حاولي تعطينها سوائل بكثرة حتى تعوضينها عن الماي والأملاح اللي تفقدهم بس دواء الاسهال كلش خطير لان يخلي الجرثومة و الوساخ تتجمع في البطن ويحبسها طول ما هي قاعدة تسهل راح تخف مع مرور الوقت اهم شي انه يطلع ويصير نظيف ..بس لاحظي كمية الأبوال عندها ونشاطها وبعد تحت عيونها اذا متغير لونه وبعد راسها ماادري شسمه بالعربي بس مكان اللي ينبض اذا نازل هذي من علامات الجفاف لازم تحتاج الى مغذي في الوريد
اما بالنسبة للأكل فلازم تمشين على حمية BRAT..
Banans,Appel ,rice, toast
وحاولي التوست تحمصينه كأنه محترق هذا العلاج اللي نستخدمه في المستشفى .
الله يشافيها ويحفضها ويطمن قلبج على الكتكوته
الله يشافيها