اخوي بمشكلة كبيرة ... الله يسلمكم ساعدونا

الله يهديها

السلام عليكم ورحمة الله وبركاته..

الله يهديها بس هي ما تعرف ان هالشي يخلي الريال يفكر بغيرها.. وخاصة حريم هالايام وايادات واشكال والوان.. ويمكن ضغط الشغل خلها تصير عصبيه لان مهنت التدريس صعبه..

اول حل خله يهجر الفراش ويحسسها بالغلط.. الرسول عليه السلام قال هالشي..

وان شاء الله تتغير..

--------------


صديقتي اخوها متزوج وحده اهله مدورينها وكانت بنفس الطريقه وأخس ما خلت حد ما اتضاربت معاه في البيت.. لين ما قام الريال واتكلم مع وحده ثانيه وزخته انه يخونها والله من يومها تادبت وغدت حرمه..

:think: :think: هو لأن اخوك وهي زوجة اخوك يمكن تدافعين عنها ، يجوز بينهم كلام او لا سمح الله اخوك مضايقها بطريقة يخلها على طول عبوس ومتنرفزة انت ما تعرفين شنو بين الزوجين ، انا من رايى تقولين لأخوك يجلس معاها كذا مرة ويفهما ان اللي هي تعمله هو ما يحبه فلازم تغير من طريقة تعاملها معه ويشوف ليش هي تعمل كذه يسأله هل هو مضايقها بشيء ، وبعدين يحاول كذا مرة ثم يهددها اذا ما راح تتعدل راح يتزوج عليها بس لا يفعلها :pain: والله يسر أمورهم.. بصراحة نا س يتمنون يبوسون تراب ريل ازواجهم وناس بايعين ازواجهم (عجب) غريبة الدنيا:pain::eek2:

شوفي أختي العزيزة صفاء الذات

أولا ربنا يصلح حالهم ويهدي بالهم ويبعد عنهم شر الخلاف ويحببهم في بعض

ثانيا عزيزتي: هناك فعلا حلقة مفقودة

يعني استحالة يكون أخوك مدللها هالدلال وهي تتعامل معاه بهالأسلوب

أكيد في شي بينهم ما تعرفينه

وهو لإنه أخوج تدافعين عنه بكل قوتك لكن لو كان زوج أختك كان الوضع اختلف

شوفي عزيزتي .. خليهم يقعدون مع بعض مرة واثنين وعشر

لازم يحطون أسس للحياة

ياخذها من غير العيال مطعم ويتكلم معاها بكل بساطة ووضوح

ودام إنه ماخذها موظفة بعد لازم يستحمل الضغط النفسي اللي تواجهه

يمكنها جاتها موجهه على غفلة وهي ما كانت مستعدة وسمعت منها كلام يسم البدن .. أقول مثلا .. والمواقف كثيرة مع المدرسات من الإدارة والموجهات والزميلات والطالبات تتعامل مع شرائح مختلفة وتصادف مواقف تقهر .. وانتي تعرفين الطالبات وتصرفاتهم الغريبة في الفصل واللي تنرفز الواحد .. وهو أيضا في عمله يواجه الكثير

لكن لازم يتفقون على شيء .. شغله على عينها وراسها وشغلها على عينه وراسه لكن ما يأثر على حياتهم

أما إذا الواحد لو جاء وفضفض من موقف ولا استشار أعتقد طبعا لازم الطرف الثاني يحتويه

لكن المفروض اللحظة اللي يدخلون فيه البيت أو حجرتهم يرمون كل هموم الشغل واللي صار فيه برا الغرفة ويدخلونها شخص آخر وشخصية مختلفة

وصدقيني بيوصلون لحل لمشاكلهم

عزيزتي صفاء الذات .. ممكن أقول لك إنتي نصيحة صغيرونة

حاولي تكوني حمامة سلام بينهم .. ولا تزيدين النار حطب مثل ما يقولون

وهو لإنه أخوك مو لازم تتحاملين عليها هالكثر

وتعاونهم في البيت مو عار ومعيار عليها

تعاونهم مع بعض حلو وياريت كل الأزواج متعاونين

وأنا متأكدة إنك تتمنى زوج متعاون .. مش حاطط رجل على رجل وينتظر الفطور والغدا والعشا .. (ويصارخ بعد: ما خلصتي يا فلانة) .. صح؟؟

ربنا يصلح حالهم ويهديهم لبعض

مرحبا خواتي العزيزات شوفى اختي بالعكس انا دايما احاول اهديه ... وبعدين هذا الموضوع هو ما غاله لاحد غير لي انا ... بالاضافة انه كم وكم مرة كلمها وتوعدة انها تتغير لكن للاسف ترد مرة ثانية لطباعها الاولى انتي تصدقين انه فى احيان كثيرة ومن الضيجة يتمنى انه لما يطلع من البيت ما يرجعلة مرة ثانية ... ويعتبر انه زواجه غلطة وانه مستحيل يكررها حتى اذا قدر الله انه يتركها وانشاء الله ما يصير هذا الشئ ...


ادعولهم الله يهدي سرهم ويسعدهم مع بعض (u)(u)(u)(u)(u)

الله يهديها
من جد حرام الحرمه تسوي كذ بزوجها
بس اتوقع انه في شي انتي ماتعرفينه
مومعقول هالجحود كله

عزيزتي صفاء الذات

بارك الله فيج وكم جميل إنه يكون الأخ علاقته بأخته إنها تكون محل ثقته وكاتمة أسراره

حلو كثير إنك قلتي إنها تعقل وبعدين ترجع تعصب

يعني بدأت خطوات العلاج

دام عرف الحل خليه يعيد ويزيد فيه

ترى كثر الدق يفج اللحام مثل ما يقولون

ربنا يهديهم لبعض .. وحاولي تهديه كل ما قالت بطق وبشرد وكرهت الزواج

قوليله يخوي ترى ما في بيت يخلى من المشاكل وصبرك على المشاكل لك فيه اجر

وهالأطفال وش ذنبهم بمشاكلكم .. وهدي بينهم

ولو كانت علاقتك بزوجته طيبة قعدي وتكلمي معاها واضربي أمثلة بالناس يعني ولا كإنك تعرفين مشاكلهم

والكلام الطيب إن شاء الله يجيب نتيجة

ولا تستعجلون التغيير

ترى الكون ما انخلق بيوم

الله المستعان