بنات طلبتكن ساعدوني...والله محتارة شو ألبس؟؟؟

معقولة....بنات ولا وحدة منكن بتساعدني لويه الله...؟؟؟؟؟:confused:
أنا قلت مالي إلا بنات المنتدى ما بيقصرن بس حتى محد دش الموضوع إلا 14 وحدة ومافي أي رد!!!!!!
:eek2:

هلا UAE_PRINCESS

سوووري حبوبه عالتأخير .. بس ماشفت الموضوع من قبل !!!

المهم .. شورايج تسوين شراتي .. :cool2: صدقيني مابتندمين

لبسي مغربي .. واستشوري شعرج .. وحطي ميك اب جدا خفيف ..

وتحملي اتثجلين من الميك اب ,, تعرفين انتي الحريم ورمستهم ...

بيقولون صابغه ويها ويايتنا هههههههههههههه :D2

يعني ركزي اكثر شي عالجحال والماسكارا .. والبلشر .. والروج لو يكون جلوس

او روج خفيف وهادي... وطبعا اكيد لازم تدخنين وتتعطرين وتحطين دهن العوود ..

وعاد انتي براحتج .. اذا تحبين تفتحين شعرج او تلمينه .. بس خلج ناعمه

وهاديه ورقيقه .. ولاتنسين تحطين كريم على ايدج وترطبينها هههه

ممم .. لبسي خاتم واحد بس ولاتكثرين .. واذا حبيتي سلسله وتعليقه صغيره وبسيطه ..

وبصراحه انا أفضل تحطين عليج شيله ساري ... اووونه أرزن :o

ويوم ادشين .. خلج على طبيعتج وتحملي ثم تحملي ثم تحملي تتصنعين الحركات .. ( نصيحه )

خلج خفيفة الدم .. مب داشه عليهم امبوزه جنه حد غاصبنج عليهم ..

يعني بالمختصر المفيد be Cool :up:

وربي يوفقج ويوفق الجميع ان شاااء الله .. وتعزمينا عالعرس :shy:

السلام عليكم ورحمة الله وبركاته

كوني أنيقة في حدود المعقول ...فلا تبالغي في التزين
أسدلي شعركِ مع بعض التعرجات على أطرافه مثلاً
لا تكثري من وضع الإكسسوارت
كوني رقيقة مبتسمة

عني أنا فقد كان لبسي بسيط ولكنه لا يخلو من الأناقة
لم أضع مكياج لأني ملامحي طفولية وأحب أن أظهر هكذا:smile:
وضعت من عطري المفضل
أسدلت شعري
لبست إكسسوار على شكل ورود صغيرة

وأسأل الله أن يكتب لك الخير كله


زمردة

لبسي مثل ما تلبسين بالعزايم دايما ... يعني لا تبينين لهم انك مو مصدقه و حاطه المكياج كله و خابه عمرك باللبس ..ابتعدي عن التكلف بالمكياج واللبس و عامليهم كانهم معازيم مو خطاب لان اذا حطيتي في بالك انهم خطاب بيلاحظون عليك هالشي ... ولا تقعدين عندهم واجد بعدين يقولون لزقه ( تعرفين الحريم )

والله يوفقك

السلام عليكم ورحمة الله وبركاته..

* خليج بالحيل Simpleولا تكثرين من المكياج.. حطي مكياج خفيف طبيعي ورسمي عينج بالكحل بطريقه الخليجيه الافته..
* نصيحتي فكي شعرج وخليه مبطل لانهم بيركزون فيه وايد ووايد بيهمهم هذا الشي.. خليه مبطل واستشوريه عدل وخليه يكون سايح مره..
* لبسي لبس مغربي بحيث يكون لونه مناسب لبشرتج.. يعني الوان داكنه اذا كنتي بيضى وفاتحه اذا كنتي سمرى.. وانا انصحج باللون الاحمر ملفت..
* رشي عطر خفيف وادخني..
* وبينيلهم الحياااااااااء والمستحى..
* لبسي اكسسوارات الغير ثقيله.. لبسي شي خفيف وحبذا يكون ذهب الابيض علشان اتراوينهم انه عندج الخير :D2 ترى الحريم الكبار يركزون بالذهب وايد؟؟
* ايلسي شوي وياهم بيسالونج عدت اساله هذا الشي اكيد.. وردي عليهم بخجل وحنان والطيبه والدلال..
* ويوم بيخلصونم ن الاسئله قومي عنهم وروحي ولا تكثرين اليلسه..
* وحبذا لو تقدمين لهم شي بارد يشربونه من ايدينج..

السلام عليكم ورحمة الله وبركاته

نصيحتي لج إنج تلبسين خوار أو مغربي خفيف مب ثجيل وتحطين ميكب خفيف بعد وطبعًا بالنسبة للشعر استشوريه.. لا تدخلين أول شي عند الحريم لكن عقبها بفترة ادخلي وايلسي وياهم شوي وخلج مستحية ولا تكثرين وايد من الرمسة عسب يقولون إنج ثجيلة مب خفيفة و خلج طبيعية بالمرة ما في داعي إنج ترتبكين. :o

أنا بالنسبة لي خطيبي من الأهل وأهله طبعًا شايفيني من قبل فسويت حفلة عائلية صغيرة أهلي وأهله بس فأنا كشخت حطيت سبيشل ميكب وفستان خفيف شريته من الجعيدي إللي في بوظبي…


إن شاء الله أكون أفدتج وإذا بغيتي أي شي أنا حاضرة

عن رايي..
حطي فاونديشن.. وحددي عيونك بكحل..
وحطي ماسكارا شفافة.. وجلوس خفيف..
خلي مكياجك طبيعي.. ولا تكثرين مثل ما قالو البنات..


واتبخري واتعطري.. بعود..
ولبس شي بسيط.. يكون لونه يناسبك..

والله يوفقك حبيبتي.. :up:
كلنا مرينا بهل يوم.. بس الصراحة كان يوم حلو.. مايننسي
انا عن نفسي خطيبي من الاهل..
فسوينا حفلة صغيرة كانو فيها كل الاهل.. يعني حتى الرجال..
فما قدرت اكشخ على كيفي.. :pain:

السلام عليكم ورحمة الله وبركاته

:smile:

ريـــامـــي
زمردة الوليد
جـويـل
أم سعيده
Kind_Girl_23
زهرة خريف صلالة

مشكووووووووووووووووووووووووووووووووووورات والله خواتي ويزاكن الله خير ويوفقكن كلكن ان شالله :smile:

وعليكم السلام والرحمة أختي الملاك الحزين:smile:

:up:
مبروك و البنات ما قصروا معاك
الفال للكل إنشاء الله و أنا معاهم