احب زوجي و لكن..

السلام عليكم يا بنتا المنتدى
انا الحمد لله اعيش حياة زوجية سعيدة و احب زوجي و هو يحبني و المشاكل بيننا قليلة و الحمد لله المشكلة انو زوجي فيه شي يضايقني دايماً.. انا زي كل البنات احب الهدايا و المفاجاءات و لكن زوجي ما يخطر على باله ابدا يجيبلي شي الا نااادر جداً يعني مثلاً في الاعياد انا لازم اجيبله هدية حتى لو صغيرة لكن هو ما جابلي ولا مرة لكن اذا طلبت شي منه ما يقول لا ابدا و لما قولتله ليش ما جبتلي هدية في العيد قال انا كنت مشغول وهادي مو اول مره، وانا كل مناسبة اتحمس و ادور على شي يحبه في الاسواق و هو لا حياة لمن تنادي مع اني انا كمان مشغولة و اشتغل و الله حتى لما كنت حامل في الشهر الثامن و جاء عيد زواجناجبتله هدية غالية و كيكةعملتها في محل فخم و سويتها مفاجاءة و هو ولا جابلي شي مع انو عيد زواجنا الاول و كان في اجازة وممكن يشتريلي على الاقل ورد !!!ماني عارفة ايش اسوي بعض الاحيان احس انو بخيل لكن اشوفه ما يقصر عليا بشي و كل ما اطلب فلوس يعطيني لكن انا ابغا يهتم اكثر ايش اسوي ساعدوني؟؟؟