جيت ومعاي لكم (::: خبر :::) بس هاتوا البشارة بالأول

بسم الله الرحمن الرحيم


السلام عليكم ورحمة الله وبركاته

الحمدلله الذي أمدنا بالأموال والأولاد والصلاة والسلام على سيد الأسياد

اكيد كلكم عارفين الخبر


صح :cool2:


اللي يعرف يرفع ايده الحين


:D2 لا ترفعون ايدكم من صج ... اتغشمر وياكم بس






























الحمدلله البارحة وفي آخر يوم من أيام سنة 2004 وصل ولي العهد بالسلامة

الحمدلله الولادة كانت متيسرة وكل شيء تمام والمدام بخير ومستانسة وايد عالبيبي

انا قلت لكم اني راح اغيب عن المنتدى فترة ..هالكلام صحيح

بس قلت لازم اجي وابشركم بهذا الخبر لأن وايد منكم ينطرونه

صح ولا انا غلطان :cool2:

يلا .. وروني همتكم بالاسماء .. ابيكم تساعدوني
ترانا ليما الحين ما حددنا اسم معين

تصدقون .. اخوي سألني وش هو شعور الأبوة

قلت له لحظة وتميت افكر

:think: :think: :think:

قلت له بصراحة ما احس بشيء غريب .. لأني في ساعتها ماكنت مصدق اني صرت اب

بس الحين وانا اكتب لكم الخبر .. يخالجني شعور ماعرف شلون اوصفه
بس اكيد كل اب يعرف هالشيء

نسيت اقولكم على الوالدة
مسكينة..استوت يدة لأول مرة ..حليلها كانت فرحانة والدموع في عيونها
يا رب يقدرني على برها

اما الوالد
ما قصر .. اتصل فيني وقالي..الله الله .. تحمل تأذن فيه ..ماحد راح يأذن فيه غيري..قلت له ابشر ولك ما طلبت

اما يدتي سالفتها سالفة ..الله يحفظها ويطول في عمرها
تمت مع المدام واقفة على حيلها ما جلست ( ساعتين ) اليين ما شرف ولي العهد

راح اوافيكم بآخر الاخبار قريبا

اشكركم كلكم جميعا
واخص بالشكر اعضاء يعرفون انفسهم ..وقفوا معاي ومع المدام وساعدوني فلهم جزيل الشكر

يلا .. في امان الله ودمتم سالمين