اتمنى تساعدوني عندي مشكله كبيره و محرجه

وعليكم السلام ورحمة الله وبركاته

يا هلا والله اختي الظبيانيه

اعذريني يالغالية ما عندي فكرة


:pain:

ماعندي فكرة حبيبتي


بس اتوقع هاذي فيها محاكم!

لازم تغيرين في المحكمة
ويبيلها اظن وايد اجراءات و2 شهود
وسالفة اطول على ما اعتقد

سوووووري بس اللي اعرفه انا بعد ان السالفة فيها محاكم

انا اعرف وحده اسمها هيا وغيرت اسمها الى هياء

اضافت الهمزه

ووحده غيرت اسمها من تخيمه الى تهاني

وومحده اسمها وحيشه غيرته الى نوال

وتودين دفتر العائله وتغيرينه ويحطونه بالجريده لازم



وبعد يمكن فيه محاكم واجراءات

يا هلا والله اختي الظبيانيه

اعذريني يالغالية ما عندي فكرة



:o :o :o :o :o

اعرف وحده غيرت اسمها بالمحكمه بس هذا بالكويت وما طول وبدون سالفة جرايد .. مادري عن الامارات بس حبيبتي اذا اسمك مضايقك عادي غيريه حتى لو فيها اجراءات تطول عالأقل بترتاحين نفسيا بعدين وتقولين اسمك بدون حيا


بالتوفيق ياالغاليه

ان شاء الله بتصل على المحكمه وبسال شو الترتيب

السلام عليكم ورحمة الله وبركاته


اعرف ناس كثره غيرت اسمها
بس لازم حكم محكمه وتغيرين كل اوراقك الثبوتيه
وناس تغير اسماء عوايلها
عااااااااااااااااااااااادى
بس اسمك اعتقد لازم تذبحين خروف
شى بالشره بس شنو بالزبط نادرى :pain: <<<< اسكتى احسن

بس اذا متاذيه من اسمك ومظايقك غيريه ان شاء الله تتعبين لك شهر شهرين بس المهم ترتاحين بعدين اهم شى تكونين مستعده للتغير نفسياً وحاطه في بالك ومصره عليه
اقولك يختلف هالشى من بلد الى بلد
اسالى لك محامى
واذا هذا وكلي لك محامى يسوى كل شى وانتى بس اختارى الاسم
واسم مبارك ان شاء الله مقدما
اذا حاطه هالشى في بالك
استخيري وتوكلى على الله :up:
ولا تنسين انالرسول عليه الصلاه والسلام امر باختيار الاسماء الجميله للابناء


بالتوفيق ياغاليه

وأنا نفس المشكله أسمي نادر وما أحبه وودي أغيره بس أذا غيرته أحس أني بفقد الأنسانه اللي عرفتها وعرفوها الناس من سنين يعني السالفه مثل عملية التجميل يبيلها علاج نفسي بس أنا بصراحه ماحب أسمي أبد مع ان الناس أتشوف أنه عادي وهو مش محرج بس نادر شوي :o

السلام عليكم ورحمة الله وبركاتة

أعرف وحده أبوها غير أسمها طفله صغيره من دون محاكم ولا وجع راس

بس مادري يمكن لأنها طفله والأمر يختلف؟؟


مملكة القلوب

والله لو ماعاجبكـ غيرهـ .. حتى لو السالفه يبيلها ووووووووقت


المهم ترتاحيـن



وبصراحه ماعندي خلفيه عن الاجراءات

ياعزيزتى لابد فى البدايه أن تغيرى الأسم فى المحكمه ثم بعد ذللك الأعلان عنه فى الجريده واذا أردتى أي استفسار آخر أرسللى على الخاص.

اتسرين المحكمه واتغيرينه

تحياتي

م شجون

لا طبعا يختلف من وحده صغيرة ووحدة كبيرة لأن الصغيرة ما سارت مدارس ولا خذت شهادات ولا في اشياء رسميه بأسمها بس بالنسبة للكبار لازم محاكم ووإجراءات طويله بس سويها وبتخلصين انشاءالله ما اظن شي معقد وايد

ما اعتقد انها صعبه لاني اعرف بنت صغيره غيرت اسمها

انتي حاولي

اهم شي راحتك النفسيه حتى لو بتتعبين فتره والتعب فتره بيروح والله يعينك ومبروك مقدما على الاسم الجديد

السلام عليكم ورحمة الله وبركاته

عزيزتي الظبيانية هي لها أجراءات معينة بس ما أعتقد انها تطول أكثر من

ثلاثة الى اربعة يعني شهر طبعا مراجعة مستمرة أتصلي بالمحكمة

واستفسري

والنشر بالجريد الرسمية مدته أسبوع فقط يتم فيه الاعلان ما اذا كان هناك

اعتراض أو شبهات يعني بمعنى براءة ذمة من العامة ، وبعدها تتبعها

أجراءات تغيير الجواز خلاصة القيد في الجوازات بعد استخراج اذن المحكمة

وشهادة الميلاد انا مرت علي سالفة مشابهة بس من زمان

وعلى فكرة في حالة اذا الطفل صغير ما فيه أي مشكلة الاجراءات سريعة

بس يختلف اذا كبر يمكن تكون عليه شبهات أو اي شيئ من هذا القبيل

والله يوفقك أن شاء الله في اختيار الاسم الامثل ويسهل لك المعاملة

العتب

السلام عليكم ورحمة الله وبركاته

يا ريت أختي كان عندي معلومة كنت قدرت أفيدك...

بس الحمد لله البنات ما قصّروا...

إن شاء الله يكون الإسم الجديد فاتحة خير عليكي

:smile: