بنات الامارات .. قمصان النوم.. وين تنباع؟

هيه والله...أنا بعد أدور... ياليت حد يدلنا....:pain:

بنات.. ليش محد عطاني جواب :(؟؟

الغاليه ..

بتلاقين قمصان نوم حلوه و راقيه و اسعارها معقوله بالمقارنه بباقي المحلات الراقيه في محل اسمه اينر لاين و هو من مجموعة جاشنمال ..

يعني في صحارى في الشارقه مثلا بتلاقينه محل منفصل موجود بالطابق الارضي و في وافي بتلاقينه داخل جاشنمال ..

المهم عنده ماركات عالميه لكن اسعار للقطعه في حدود ال 200 او 300 وللقطعتين 500 تقريبا .

واذا كنتي في وقت التنزيلات مثل مهرجان التسوق او مهرجان رمضان انصحج بمحلات السلام .

عروس الجنه .... دام انتي دورتي وما حصلتي ؟؟؟ ليش ما تفصلين والله بيطلع واااايد حلو وسعره معقول ... :up:

اعرف وحده تفصل جلابيات بالدانتيل تشكيلاتها حلوه

بس ما تنفع لاول يوم

واسعارها 300 و 350 وعندها جميع المقاسات

مشكورة أختي ICE
انا كنت ابي الحق عالمهرجان.. بس عرسي جريب ومايسمحلي اسير السوق في ذيج الفترة :)..

بس ان شاء الله بشوف أمي لو بتسير تاخذلي :up:

ومشكووورة عزيزتي.. ماتقصرين :smile:

--

أختي الوهم.. ممم كيف يعني افصل..؟؟ وين؟:eek2:

--

هلا أختي عنادي..:smile: قصدج تنفع لأول يوم؟؟ ولا ماتنفع؟؟:rolleyes:
واذا سويت احين متى يخلص؟؟؟

ممم وفي نماذج اشوفها؟:up:

ولج مني التحية..

أختكم في الله
عروس الجنة

اختي الغالية مبروك الزوج وانا شاء الله سعادة دايمة اذا كانتي رشيقة وناعمة عندج محلات نعومي في كل الامارات عندهم اشياء حلوة وايد شفت فستان نوم عندهم روعة ابيض قطعتين حق العروس واسعارهم حلوة وعندج محل في حمر عين حلو بس غالي شوية في الطابق الثاني اسمة سي لافية

وفية محل اسعارة زينة في البستان سنتر في دبي بس نسيت الاسم وسط السنتر

التفصيل حق العرس مش عملي ان فصلت والله ملابست شي منهما بس حق الولادة والمستشفي معقول :up:

حبيبتي واايد شي محلات تبيع قمصان نوم تنفع لأول ليله ..

بس انتي شوي شدي الهمة وخذيلج لفة عالمراكز وان شاء الله راح تحصلين الي تبينه ..

عندج محلات السلام في وافي سنتر .. ومن سيكرت .. فيكتوري سكريت ..

نعومي .. لاسنزا .. سي لافيه ... بلو بيج في المركزي الشارجه ..

هالمحلات بس اللي تحضرني الحين .. وشي محلات في البستان

واذا سرتي كل هالمحلات وماشفتي شي عيبج .. ممم ممكن تخيطيلج

الموديل اللي تبينه عند خياط يضبط .. !


والله يوفق الجميع ..

ألف مبروك على الزواج أختي عروس الجنة والله يهنيج يارب. بالنسبة لقمصان النوم راح اتحصلين وايد محلات يبيعون هالقمصان الناعمة. في عندج محل فيكتوريا سيكرت يديد توه فاتح في بوظبي وراح اتحصلين إللي تبينه عندهم إن شاء الله. أنا بنت أختي عرسها شهر 1 وهي منوعة في قمصان النوم ماخذه من لآسنزا، نعومي، دبنهامز وماركس سبنسر..

عروس الجنة الف مبروك

راح اتحصلين في مركز المنال عند بشار قمصان نوم روعة ومحلات ووايد والاسعار زينة

السلام عليكم ورحمة الله وبركاته..

سوق الجديم بالشارجه في محل اسمه Blue Lady عنده اشياء حلوه واسعارهم معقوله..

ونعومي في مركز ميركاتو دبي.. روعه..

محلات جميل.. عندج بالشارجه مجابل الهوم سنتر.. روعه وخاصة الحين عندهم تنزيلات الموسم..

هلا عزيزتي

فيه قمصان نوم روعة في محل أسمه نعومي فيه له عدة أفرع بس أنا أعرف إلي في العين في كارفور بصراحة أسعارهم حلوة وقمصانهم بعد حلوين وفيه بعد جبور بعد في العين عنده أشياء وايد حلوة وأنتي تختارين إلي تبين الغالية :shy:

وحده اسمها سهام بس مادري اذا تبيع اطقم اول يوم

انتي رمسيها بتلفون وساليها بعد عن الاسعار

لانها تيج الين البيت :)

تبين رقمها حاضرين بس على الخاص اوكي حبوبه

السلام عليكم ورحمة الله وبركاته

بنت الجامعة أرجوج أرسليلي رقم سهام ع الخاص..أنا بعد محتاجه :shy:

هلا الغاليه

اقصد انها ما تنفع لاول ليله

بس يمكن عندها قمصان نوم ثانيه

لاني بصراحه خذت من عندها للمستشفى يوو ربيت ..وكل اللي ياني سالني عن قمصاني

احتمال انها تفصل للعرايس

اذا تبين الرقم راسليني على الخاص

انا حبيت اساعدكم بشي و احد




انا بصر احه عجبتني قمصان نوم في مصانع عجمان



بصر احه استغر بت ما صدقت انها تنباع اهناك



عندهم قمصان نوم نفس اللي في نعومي



و اللي تحب اتسير و اتجر ب




و اسم المحل مير ة




اللي يسيرون اهناك بيعر فونه




و اسعارة خيال و ايد رخيص




و المهم الشكل اعتقد مب علشان ر خيص و بس




صدقوني سير و جر بوا



اينزلون اشياء حلوة