بنات ابي مساعدتكم

بنات ليش ما تردون علي دخيلكم ابي حد يخبرني شسوي :confused:

مدري اختي وش اقولك ........
بس الله يعينك ويصبرك..........
بس حاولي تقتصدون في مشترياتكم .........الاقتصاد في كل شي حاولي توفرين قد ماتقدرين ....

مشكوره الغاليه لأنج الوحيده اللي عبرتيني :o

اذا انا اقتصدت هو ما بيقتصد
وانا احاول اني اقتصد بمشتريات البيت بس ما اقدر اقتصد روحي وهو لاء
لعلمج انا بعت ذهبي كله عشان الفلوس ما كانت تكفينا كنت كل شهر ابيع شي :confused:
والحين مليت ما اقدر استحمل اكثر:confused:

هلا اختي...

ماعلي بيي يوم وبيمل من السيارة وبيبيعها ها هم الشباب مايفكرون بس يحطون اللوم علينا:pain: احنا اللي نصرف واحنا نشتري...


ليش ما ترمسينه واتقوليله او انج تنصحينه...

الله المستهان...

وماعرف شو اقولج

حاولي...........
ولاحظي اني اقول حاولي انج تسجلين لة كل الالتزامات المادية في ورقة والاولوية تكون على حسب اهمية التسديد, يعني الي للناس الغرب لازم يكون بشكل اسرع من الي للاهل عشان ما ينحط في موقف محرج....
..............وهللة هاللة بالاسلوب والوقت المناسب لهالاشياء, لانة الي يستلف مايحب طاري التسديد,بس راعي انة مابيقدر يسدد للجميع في نفس الوقت و الشر.
وفي نفس الورقة اسجلي الاحتياجات الشهرية الثابتة بالنسبة للبيت والعيال ومصروفاتهم ( ومع بعض انتوا الاثنين حددوا الي تقدرون تقللون من انفاقة ) يعني الكهرباء بدل 700نحاول نخليها 500مثلا وتقولين له انا بقلل من التكييف عشان نوفر (وهالجمل المختصرة مهمة عشان يسمع الكلام لين النهاية, لكن حطي في بالج انة مب سهل علية يطبق كل الي اتفقتوا علية فلا تنصدمين بعدين).
وحطي احتياجات العيال المهمة في الورقة ويوم بتوصلين عندها قولي ان العيال بدوا يسالونج عن اغراض العيد وان انتي ما قدرتي توعدينهم بشي لين تشوفين هو شو ظروفة لان اهم شي عندج ان هو ما يكون مضغوط من الديون , وبسرعة قوليلة : شورايك؟ عشان تخلينة يحس بالمسئولية وهو الي يقرر الخطوة القادمة..

ممكن تخلينة يشوف البنك يمكن عندهم خاصية ايقاف القسط مرة في السنة بدون فوئد بس ان ما كان عندهم هالخدمة لاتفكرون في التاخير لان الفوائد تزيد ولا بيخلص من الدين.

اتمنى اني اكون افدتج ....وفي انتظار سماع النتائج

اختي نسيت انصحج ماتبيعين الحلي لانة ممكن تمرون بظروف اصعب و ماتلاقين حد يساعدج , وبعدين مصروفج اصرفية عنة على طول على احتياجاتج وخلي لو 100درهم للاولاد. ولا تعودينة يرجع ياخ\ة عنج.

السلام عليكم ورحمة الله وبركاته


صدجتي اختي دنيا, لاتبيعي الحلى مالك لان باتيجي ايام تستاهل الواحد يبيع عشانه وبالنسبه للمصروف والله صعب لكن اجولك حاولي انك تقتصدي بمصروف البيت وتوفيريه ليكي بدل الي ياخده عنك وانتوا ليش من البدايه ماحسبتوها مع بعض قبل عن تشتروا السياره:pain: والله يكون بعونك

السلام عليكم ورحمة الله وبركاته

أهلا بك أختي اليائسة...

أول شيء أختي...التبذير شيء إتعوّد عليه زوجك...و إنتي ساعدتيه...لأنك دايما تنقذيه بإنك تعطيه مصروف البيت...و تبيعي ذهبك !

لو هو في يوم فعلا مالاقى في البيت فلوس يجيب فيها أكل...أو ما لاقى فلوس يجيب بيها بنزين...كان الحال صار غير الحال الحين...

الحين إنتي أوّل الشهر تضعي مصروفاتكم و اللي تحتاجوه في ورقة...و تطلبي منه يوفّرها...و تكوني حازمة في طلبك..أختي الإقتصاد في البيت مسؤولية المرأة...ليش تهاونتي في مسؤولياتك ؟


حاولي مرة ثانية و ثالثة...و كل شهر لازم يكون معاكي مبلغ لا تفرطي فيه أبدا...هو إحتياجات بيتك و عيالك...و ما تصرفيه إلا في المعقول...و ما تعطيه لأحد مهما كان...

بالتوفيق إن شاء الله

تسلمون خواتي على الرد
والله انكم بردتوا قلبي :shy: ترى صج لأني انا متهاونه معاه صار ما يفكر بشي :o
خلاص من هذا الشهر ما بعطيه فلوسي بشتري فيها لي والباقي بجمعه..
انا كل يوم اكلمه بخصوص السياره والبنزين لدرجة انه مل مني وصار يعصب لما اكلمه بالموضوع :confused:
تدرون من كم يوم كلمته وقلت له ان البنات يفصلون ملابس ثلاث واربع وخمس الا انا بس افصل وحده :o وقعدت ابكي لدرجة انه سكت وما تكلم واخر شي قال انه بيرتب ويا البنك :smile: عاد انا استانست وايد..

بخصوص الكهربا والماي ريلي يشتغل في الجيش وكل مصاريف الماي والكهربا علي الجيش بس هو يعطيني انا والخدامه واغراض البيت وعيالي والباجي حق السياره :pain:

عزيزتي اليائسه

أولا اسم الله عليكي من اليأس وربنا ما يحب القانطين .. والأمل كبير في الله .. يعني لا تنسي تدعي في صلاتك إن الله يهديكي ويهدي زوجك للخير

ثاني شي عزيزتي .. الفوضى بالحياة مزعجة .. يعني الكل عايش وبياكل وبيشرب ومش فاهم الفلوس تنصرف في ايش ووين تروح .. وآخر كل شهر مفاجأة .. طارت الفلوس .. ترى صدقيني تنظيم الحياة حلو وهو مسؤولية الزوجة بالأساس يعني هو زوجك قاعد يصرف على نفسه بس؟؟!!

وبعدين عزيزتي .. ما أعرف إذا كنتي مواطنة ولا مقيمة .. أقصد تدفعين كهرباء وماء ولا على حساب الدولة .. بشكل عام لازم تقتصدوا فيهم حتى لو كان على حساب الدولة لأن الله ما يحب المسرفين الإحساس بالمسؤولية حلو بس كمان الحرص يزيد لو كان الواحد يدفع للكهرباء والماء صح؟؟!!

عزيزتي .. حاولي ما تطلعين من غرفة إلا تسكرين أنوارها وكل ما فيها طالما مش راح ترجعين لها إلا بعد فترة .. المكيفات بالصيف مش شرط مفتوحة كلها .. يعني على قدر الحاجة

ثم أحب أن أنوه على شيء .. رمي المسؤوليات بالكامل على طرف تراه يضايق .. يعني إنتي ماسكة زوجك .. سيارتك وبنزينك .. يعني الفلوس بالكامل ما تروح إلا لسيارته وبنزينه؟؟ ماذا عن احتياجات البيت من طعام وشراب وموبايلك وموبايله .. بصراحة لازم يعصب من رميك للمسؤولية عليه فقط .. أنتي مشتركة في ذلك.

ماذا عن إمكانية إيجاد عمل مناسب لك .. هل هو ضمن الخطة ولا مرفوض أوصعب؟؟

هل أنت ممن يصرف على المكياجات والعطور كثيرا

المحصلة النهائية: رتبوا حياتكم .. وحددي متطلباتكم على ورقة وقلم .. كم تحتاجون أكل وشرب شهريا .. كم تحتاجون صرف كهرباء وماء وموبايلات وخلافه .. اقتطعي مبلغ شهري تحتفظي به أنتي لمثل مناسبات العيد وملابس الأطفال وملابسك .. طبعا العادة الملابس العادية لا تشترى شهريا وإنما كل 6 شهور .. كل سنة

بكل أمانة حياة الفوضى راح تتعبك قبل زوجك رتبوا أموركم وعند النقاش قوليله ترى بحاول أقتصد بكذا وكذا وحسسيه إنه مش هو بس اللي مسؤول عن طيران الراتب أيضا أنت مشتركة وستحاولين من طرفك تقتصدين قدر الإمكان .. لكن فرحة العيد للأطفال حاولوا توفرونها لهم قدر الاستطاعة .. لو ما قدرتي تشتريلك لبسة للعيد جديدة لا تزعلي وقدمي أولادك في الموضوع .. وأعتقد الخزانة مليانة ملابس لم تلبس إلا مرة أو مرتين فما في مشكلة لو التبست كمان مرة

أتمنى أكون افدتك وسامحيني على قسوتي وإطالتي

وأتمنى لكم التوفيق

تسلمين اختي بنت فلسطين ومشكوره على نصايحج الحلوه :smile:

[CELL=filter: dropshadow(color=red,offx=4,offy=4) shadow(color=red,direction=135) glow(color=red,strength=5);][ALIGN=center] البنات ماقصروا معاج

وانا ماعندي خلفية بهالسوالف والا كنت ساعدتج حبوبة [/CELL]

الله يهونها عليكي اختي ويصير زوجك زي ما تبين والبنات ما قصروا معاكي.

تسلمون خواتي :shy: