قصة ولادة تؤأم أم حوراء!!!

راح اقول ليكم اشلون تمت ولادتي
أول ما قعدت الصبح وانتوا بكرامه دشيت الحمام حسيت بمغص بعدين رجعت غرفة النوم كلما ابي انام مو قادرة قلت الى زوجي احس بالم تحت بطني بس مو عارفة شنو هالألم لاني صراحه ما اعرف شنو هي الألام الطلق لاني ابنتي حوراء ولدوني بطلق صناعي وطول فترة الولادة كنت امخدرة بسب ارتفاع ضغط الدم صحيت لما بيطلع راس الجنين فقط من جديه مو عارفة شنو هي الولاده
المهم الساعه سبعه رحت المستشفى فحصني الدكتور كان يقول لي خمسة سم انصدمت من الخبر اشلون خمسة وانا ما حسيت بالالم الا هالوقت وطول فترة الالم انا ارجف وميته من الخوف لاني بنهايةالشهر السادس فسألت الدكتور راح يعيشون لما اولد الحين قال لي الاعمار بيد الله عز وجل فطول الفترة انا ارجف من الخوف دخلوني غرفة الولاده من غير تخطيط قلب الى الاجنه ولا شئ اول ما دخل الدكتور فحصني كان اصرخ من فحصه كان يطلع وحده من البنات في يده استغربت وانا اشوف بنتي بيده فقلت سبحان الله الى هالدرجه الولاده سهله بعدين يبون يطلعون الثانيه ما اطلعت الى الاسف الراس فوق والريل تحت حاولوا انه ينزلون راسها تحت بدون فايده وانا ارجف من الخوف على طول نقلوني لغرفة العمليات وقالوا لي لازم عملية استدعوا اخصائية التخذير وخذرتني مرة وحده فقدت الوعي ولا ادري شنو صار اتصوروا المدة بين التؤام الاول والتؤام الثاني نص ساعه بالضبط فشفوطها بالمشفط الكهربائي وحده وزنها 700غرام والثانيه 750 غرام وردت المشيمه احتبست ما رضت تطلع وكل هذا وانا امخدرة ميته ومو ميته لكن رحمة الله واسعه الله رحمني بغربتي وما عندي احد فظلوا اعيالي بالحاضنة لمدة شهرين ونص وبعد الفحصوصات قرروا يسون وحده من التؤأم عملية بالقلب شريانها مفتوح وحطيت ايدي على قلبي اقول مدري شنو يصير بياهله اصغيره توه صار وزنها كيلو واحد لكن الحمدلله عدت السالفه على خير
اسفة اني طولت عليكم بس هاي سالفتي باكملها والحين الحمدلله هم يتربون بحضني واحمد الله واشكره على كل حال:shy: