زوبعه أخيرا قامت بالسلامه

بسم الله الرحمن الرحيم
أخواتي وعزيزاتي بنات منتداي الغالي وحشتوني يالغاليات
اليوم أنا بحكيلكم سالفتي
أوةلا أنا ربيت وقمت بالسلامه وخلصت اسبوعين من الولاده
ثانيا أحب اشكركم جزيل الشكر على وقفتكم معاي والدعاء لي
لاني تاخرت وايد
ثالثا نبدا الحكايه كان يا ماكان:D2 :D2 :D2 :D2 :D2
السالفه انه طاف موعد ولاتي ورحت لدكتورتي الخاصه وفحصت على وقالت انه عنق الرحم مفتوح اثنين ونص طبعا أنا ما خليت شيء ما شربته خروع وع وع يلوع الجبد وجرفه وطبعا مع هذا كله الدعاء والمشيء المستمر وبحكم اني مصابه بالضغط المصاحب للحمل قالت دكتورتي اذا ما ربيتي اليوم وباجر روحي يوم السبت للمستشفى عسب الطلق الصناعي لانه الضغط مرتفع طبعا هالكلام يوم الخميس مر اليوم الاول الي هو الخميس ولافي اي شيء سوى الام تروح وتجي طبعا مش قويه وايد بس الم ونمت وقلت ان شاء الله الصبح بكون في المستشفى اولد طبعا كلها احلام وقمت الصبح والا انا على سرير 000000000000000000




البيت هههههههه:D2 :D2 :D2 :D2 :D2
مع شويت الم قمت تمشيت مافي فايده خلاص اليوم الجمعه وبكره لازم اروح المستشفى اوف تعبت من هالبطن الي مسويلي ارق ومر الوقت بسرعه وجانا الليل طبعا كل ليله يكون فيه الم الا هالليله الي هي ليلة السبت ما فيه اي نتفه للالم ولا حتى شكت دبوس الله وين الم كل ليله استغربت
طبعا صليت اكثرت الدعاء والسجود دعيت ربي انه يقومني بالسلامه مسكت المصحف الشريف قريت سورة مريم طبعا انا طبعت ادعيه من عندنا من المنتدى يزاكم الله الف خير رحت انا والادعيه في ايدي دعيتهم كذا مره وصابني احباط خلاص الصبح لازم اروح المستشفى عسب الطلق وزوجي دوام طبعا ما يقدر يطلع من الدوام لانه بيكون اختبار لتخرج ومن سابع المستحيلات انه يخلي الامتحان
بكيت بالليل لانه مش راح يكون معاي والي بيوديني للمستشفى اخوي يلست ساعه اصيح وانوح وادعيل ربي انه يسهل علي بدون طلق صناعي ويحليله زوجي يسكت فيني ويقولي خلاص انا مش رايح الدوام مش مشكله استانست انا اهني وبعد ما هديت قلت حرام اخرب عليه واصريت انه يروح الدوام وقلتله اني بروح يوم الاحد عسب الطلق يعني بأجل الموعد المهم هالكلام كان الساعه 12 من الليل نمنا وما اصحي الا عالساعه خمس الا ربع على المنبه الي حاطه زوجي عسب الدوام المنبه يرن من هني والالم الفضيع يرن عندي من هني طبعا كانت ويعه قويه انتبهلي زوجي وقالي تحسين بشيء قلتله لا يحليلي ما ابي اخرب عليه :up: :up: :up: :up:
قالي اذا تحسين بشيء مش راح اروح الدوام انا كتمت الالم واظهرت شجاعتي وقتله توكل على الله ما احس باي شيء هذا مجرد مغص خفيف اي خفيف الا فظيع راح هو الدوام وانا قمت توضيت وصليت ومسكت المصحف وقرات سورة مريم والزلزلة ويبت الادعية ودعيتهم ورحت المطبخ وحضرت لي كوب جرفه وشربته على الصبح طبعا الالم يروح ويجي بس بينه يمكن خمس دقايق اتصلت لامي خبرتها واتصلت لاخوي وقتله يلا حانت ساعة الصفر وانطلقنا للمستشفى وصلت عندهم صح فيني الم بس احسه مش قوي جدا جدا ولله الحمد فحصت علي الدكتوره وقالت بسرعه غرفة الولاته لانه عندي فاتح تسعه وشوي والحين يمكن اولد على السرير تبع الفحص وبسرعه بسرعه على غرفة الولاته وانا احس انهم يبالغون في هالشيء لانه الالم نفس ما هو صح قوي بس مش ورا بعض وقالتلي كل ما تحسين بالام دفعي وكل ما احس بالالم دفت طبعا الالم يستمر يمكن نص دقيقه مش وايد
دفعت المره الاولى وخف الالم ارتحت شوي رد الالم دفعت المره الثانيه وراح الالم سبحان الله شو السالفه قالتلي النيرس خلاص نامي على جنب ولا تدفعين ارتاحي شوي انا احط ريولي على بعض وانام على جنبي ولا احس بالفع الطبيعي سبحان الله فتحت ريولي وادفع والنيرس تقولي بعده يا مدام اقولها الحين وادفع مره والثانيه وهي تقول شوي شوي ادفعي اي شوي شوي خلاص انا على هالدفعه الثالثه اسمع صراخ النونو وارتحت طبعا وكل هذا خلال ربع ساعه ولله الحمد بعدها اتصلت امي على زوجي تبشره اني قمت بالسلامه ما صدق قال بهالسرعه الظاهر يبغيني اطول ههههههه يبت بنوته سميتها مريم
ملاحظه انا سويت بوصيتكم ودعيت حق بنات المنتدى والله انكم تستاهلون دعيت الكم بالذرية الصالحه والريل الزين والصحه والسلامه والي حامل تقوم بالسلامه والله يسهل عليها والله اني ما نسيتكم
وهذه هي قصت ولاتي حشا مب قصة ولاده قصة حياتي :D2:D2:D2:D2
والحمد لله والشكر لله
اللهم لك الحمد والشكر لجلال وجهك وعظيم سلطانك