ليلة الفرح

[mover]ليلة الفرح[/mover]



شاب راح يخطب وحده وتمت الموافقة على الخطبة ومن ثم الزواج المهم

هو وش اللي صار ليلة الفرح بعد ما دخل صاحبنا شقته مع زوجته وإذا

بجواله يدق ويقوم خوينا يرد على الجوال ويدور الحوار التالي:

الزوج : ألووووو.

المتصل : السلام عليكم ورحمة الله وبركاته . وش حالك يا (فلان) و ألف

ألف مبروك .

الزوج : وعليكم السلام وينكم يا نذل ما حضرتوا الحفل يا تعبان.

المتصل : والله تعطلت علينا السيارة في الخط وحن جايين عندكم

ووصلنا وسألنا عنك قالوا انك رحت مع المدام.وذلحين حنا راجعين الديرة.

((طبعاً الديرة تبعد حوالي 300كم ))

الزوج : المهم تعشيتوا .

المتصل : لا والله.

الزوج : كم عددكم؟

المتصل : عشرة.

الزوج : أقولك (حرام طلاق عشاكم الليلة عندي) قل تم.

المتصل : يا ابن الحلال (غيير بدل).

الزوج : يالله أنا أنتظركم مع السلامة

وقفل الخط.

الزوجة المسكينة ميهي مصدقة اللي سواه زوجها ليلة الفرح ثم قال يا

فلانه أنا رابح السوق وراجع.===((على بالها بيجيب عشاء جاهز))

بعد ربع ساعة رجع الزوج ومعه أغراض العشاء . قالت الزوجة وش ذا .

قال الله يسلمش قومي سوي العشاء لزملائي في العمل جايين من

بعيد ولا تعشوا . في أثناء الحوار. ون الباب يدق . قال هم ذولا وصلوا

يالله همه يامره. وراح عند ربعه يقهويهم.

المهم المسكينة في المطبخ تقطع البصل و الطماطم بفستان الزفاف

وعيونها تدمع وتقول في نفسها ( بكره بأرجع عند أهلي من فجر وأطلب

الطلاق) المسكينة سوت العشاء وتعشوا وراحوا لديرتهم

المسكينة متضايقة .

و المفاجأة؟؟؟؟؟؟؟؟؟؟؟؟؟؟؟؟


أن زوجها يدخل عليها ويرمي لها بــ(50000)خمسين ألف قال هذا

حقش قال وشوا حقه قال الرهان اللي

بيني وبين زملائي العشرة على كل واحد (5000) بأنش تطبخين ليلة

الفرح وش يكون ردة فعلش يا موافقة ولا لا وأنتي من كسب الرهان

وتمت ليلتهم على خير و أصبحو أسعد زوجين.

وسلامتكم،،،،








اختكم:











وردة (f) المدينة