خداع مكاتب الخدم

السلام عليكم ورحمة الله وبركاته

و الله أختي كان نفسي أفيدك...

بس ما عمري جبت خادمة و لا تعاملت مع هذه المكاتب...

إن شاء الله صاحبات الخبرة يفيدوكي...

و أكيد في مكاتب ثقة لا تحصل فيها مثل هذه الأشياء

ويعرف ان المكتب اللي من الدولة نفسها يكذبون ، يعنى انا الحين تخيلي المفروض تكون عندي احسن خدامة ، لأن زوجي صاحب المكتب شفت صورة لخادمة تعرف تتكلم الإنجليزية وعندها شهادة وخبرة بالطباخ ، وعمرها 38 سنة وتعرف للبيبي فرحت وتميت من غير خادمة 3 اسابيع الى ان وصلت ، تخيلي :pain: :pain: :pain: :pain: طايحة بجبدي ألحين بارجعها
عمرها الحقيقي 48 سنة غشاشة بالتنظيف ما تعرف تطبخ ما تتحمل تشيل ابنتى ، ما فيها قوة ، بطيييييييييييييييييئة ودك تخنقينها من البطىء اللي هي فيه.
وهاي كل من مكتبهم بديرتهم هم اللي يكذبون مش ديرتنا احنا ولج حبيبتى 3 شهور لكي تبدلينها وتغيرينها هذا قانونا احنا ، الحين انا شايفة صورتين وحدة عمرها 30 وما تعرف تطبخ ، ووحدة عمرها 35 وطباخة لين خليت الحقيييييرة سكرتيرة زوجى بمكتبه تكلم الإيجنت مالهم تسالهم عن عمر الثانية 35 قالوا لها هذا عمرها الحقيقي 39 يعنى اخاف اجيبها وتكون بطيئة بعد... فألحين انا ناطرة بعد صور هذا الإسبوع لكي اختار .
انت لازم تتعاملين مع المكاتب اللي عندهم ذمة ، سؤال هل كملت 3 شهور .وبعدين نصيحتى لكل اسرة تريد تختار خدامة لا يصدقون عمرهم بالملف تره هذا مش عمرهم الحقيقي ، خل المكتب يكلمون الإيجنت وبعدين يسألونهم اذا يعوفون الطباخ او التنظيف او عن العمر الحقيقي .
تره العمر وايد مهم ، انا الحين صار فينى مقلب حقيقي أصلاً بعد أستحى اتأمر على خدامتى لأنها كبيرة بالسن وما عندها خبرة بتنظف البيوت بل كانت تعمل 15 سنة( كيشير ) بالسوبرماركت.

السلام عليكم ورحمة الله وبركاته

نفس الشي حصل معاي العمر 40بينما هي اكبر من 50سنة , صح مشتغلة في الكويت بس من 8 سنوات يعني ناسية الشغل كلة , وضعيفة جدا , اول ما خلصت 3شهور قالت بسافر وبالياللة تمت 7 اشهر وراحت. والقهر انها كانت فلبينية يعني اغلى (3400)+(1000)للفحوصات

nodoo:up:

انتوا اصحاب المكتب وانضحك عليكم عيل احنا نسكت احسن :pain:

dunia
مشكله مكاتب الخدم فعلا انا الي يقهرني انا لما انرجعها ويبتدون يتكلمون بطريقتهم واحنا مثل الأطرش في الزفه وينضحك علينا

زمان كانت الخدامه تفعل المستحيل لأرضاء اهل البيت

الحين تفرض هي شروطها :s2 دنيا

القصة وما فيها, انة في مكاتب ما عندهم ذمة في التعامل مع الزبائن....تدرون ليش لانني خذت من عندهم 3 مرات صور لخدامات اثيوبيات وكل مة اسير الجوازات يقولون هالخدامة موجودة بالدولة راجعي المكتب الي عطج الصورة!!!(لاحظوا كم يوم مر من خلال سير وتعال على المكتب والجوازات).

بعدين اخترنا اثيوبية مشتغلة سنتين في لبنان (بس اي لبنان واي بطيخ), اموعد وصول الخدامة هو 10 ايامبس على ما وصلتنا كملت 17يوم....!!

الحين قبل ما توصل الخدامة لاحظنا اصرار غريب من الموظفة الاثيوبية الي في المكتب على انهم هم الي يستقبلونهامن المطارلدرجة ان يوم خبرناها ان نحنا الي بنيب الخدامة من المطار صارت تتهرب منا ولاترد على اتصالاتناولا رضت تخبرنا موعد الرحلة...وما ردت علينا لين وصلت الخدامة بيتها...تدرون شو السبب(اذا عرف السبب بطل العجب), اثاري عندهم دروس يعطونها الخدامة بس هاي دروس في الوقاحة والنحاسة...والادهى والامر ان قايلين لهاان ممكن يغيرون لها الكفيل 4 الى 5 مرات (تخيلوا يايبينهاسبيل ولا عشان نحنا محتاجينها لانفسنا...!!!)
المهم وصلت الخدامة وخبرت الخدامة الاثيوبية الي بالبيت عن وعود المكتب لها..ومن ثاني يوم ياية تطلب ترجع للمكتب, وانا المسكينة احاول اقنعهابالصبر واني بساعدها في اي شي تبغي تتعلمة واني بطول بالي لين تتعلم نظامناومن هالكلام...

لكن تدرون شو سوت فيني!!!!
اول مرة: قالت مريضة ويوم عطيتها الدواء سارت برع ورمتة..وقالت انها كلتة, وانا عرفت لاني ارسلت الخدامة الثانية وراها.:eek2:
المرة الثانية: دخلت وهي تغسل الحمام الا اشوفهاتستعمل فرش الاسنان مالن في التنظيف:s2 هالمرة ماقدرت امسك نفسي ورجعتها للمكتب.

وبعد ما رجعتها عرفت انها مسفرة من لبنان لانها سوت مشكلة..(شوفوا الاشكال الي يغشونا فيها:confused::confused::confused:)

المشكلة الحين ... انة المكتب مول مب متعاونين معانا, ولا يابوا لنا بديل ولا افرجوا عن فيزتنا عشان نقدر نييب غيرها, وغير هذا الاثيوبية الي في المكتب بروحها وقحة جدا في التعامل وتطنش مكالمات الزباين.

ادعو اللة يسهل علينا ويوفقنا مع مكتب زين وخدامة زينة

الحمدلله والصلاة والسلام على رسول الله وعلى آله وصحبه أجمعين

اللله يعينج أختي

:down:

الحمدلله ماخذيت عن طريقهم، لأن المكتب الي كنت ناويه آخذ منه في البحرين ياخذ الطلبات عن طريق الموقع الألكتروني الخاص بهم،

الله يكون في عونك عزيزتي، فعلا هالمكاتب أذية آنه أول خدامة خذيتها من مكتب ماقصروا باقونه بوق ويةم رجعناه ما رضوا يعطونه وحده ثانية وخذوا فلوسنا نصفها أو أكثر ، هالمكاتب كله غش في غش...

أخواتي العزيزات .. يرجى التكرم بعدم ذكر أسماء مكاتب لاستجلاب الخدم .. وذمها بعينها

عزيزتي أنين الجراح

ترى المشكلة عامة .. ومش بس المكاتب هنا تستغل عدم معرفة الناس للقانون فتعمل ما تشاء

شوفي اللي ما يخاف الله توقعي منه اي شيء

لكن الكذب أصلا يكون من صاحبة العلاقة .. هناك يطلعون لهم جوازات بأعمار مختلفة إما أصغر ولا أكبر علشان يمشون حالهم

يعني تكون عمرها 14 أو 15 وتكتب 30 حتى يوافقون عليها تشتغل برا البلاد

والعكس صحيح علشان الناس تقول صغير وتقدر تشتغل

عزيزتي مالك إلا رب العالمين .. بس لما تيجي تختاري خدامة استخيري الله فيها واطلبي الخير من رب العالمين ثم اطلبي من هالمكتب هالخدامة

وربنا بييسر لك الأمور

أتمنى لك التوفيق

بس بغيت اخبركم ان موضوعنا وصل للجوازات وحاصروا المكتب:down::down: (الزبارة للخدم):down::down: عشان يسلم الخدامة للتسفير, الا ان مكتب الخدم ( الموظفة الاثيوبية ) طلبت فرصة لنقل اقامة الخدامة لناس ثانين (ياين عن طريقها) فوافقنا,..
لنتفاجا ان الكفيلة المفترضة تتصل بزوجي في عز الظهر:eek2: عشان ياخذ عنها الخدامة( خلاص عطوها خطة الهروب ويبقون يوهقونا نحن), فرفض وطالبها بتسليمها للمكتب الي هي بالاصل ماخذتنها عنهم لانهم اصحاب العلاقة وهم الي عاطينها اياها..
بعد كم دقيقة اتصلت اتقول ان الخدامة طفت (فلم هندي) من الطابق 2 او 3 من البناية الي هي فيها وهربت:pain::pain:.....وان نحنا السبب!! (يعني نخلي خدامتنا وفيزتنا عندهم ونحنا نبقي بلا خدامة ويشردونها ويقولون نحنا السبب...!!!!):s2:s2:s2
:o:o:oادري اني لعوزتكم بس واللة من حرتي منهم

الله يعينا على بلاوي مكاتب الخدم

كلنا عانينا ، انا أول مرة اييب خدامه لاني كنت حامل وتعبانه ، شهرين وشردوها المكتب


المفروض نفضح المكاتب السيئه علشان الناس الطيبين ما ينخدعون

مش نتستر عليهم ، بيتمادون في غيهم وبسرقون الناس وبيكذبون عليهم :angry:

الله يكون بعونكم بصراحه حنا افتكينا من الخدامات ومشاكلهم

اخواتي العزيزات اشكركم كلكم لتجاوبكم معاي

المشكله هي لو بنحط اسامي المكاتب بنحط معضم مكاتب الدوله
القهر ان المسؤلين لازم يفرضون قوانين صارمه جدا جدا
علي مكاتب الخدم

ولازم تتعاقب اي خدامه تهرب المشكله مافي عقاب علي هروب الخدامه

فالخدامه جايه وهي عارفه انها بدل ماتشتغل في بيت تهرب وتشتغل
في اللعبه والخربطه مافي قوانين
القوانين علينا بس ادفعوا للفيزه ادفعوا للمستشفي ادفعوا للأقامه طيب وحقوقنا وين لما تهرب الخدامه وفوق هذا ندفع تذكرتها للجوازات

يعني كانت عند جيرانا خدامه سيلانيه هربت من سنه ونصف اتصلت بكل وقاحه لهم اتقول انا الحين غنيه بدل مااخذ 500 في الشهر اخذ 3000 في اليوم تدرون ايش وضيفتها تستقبل رجال وعلي كل واحد تاخذ 500 تشتغل في البغاء والقذاره ليش لأنها عارفه ان مافي قوانين حتعاقبها

من خلال تجربه مكاتب الخدم مصيبه فعلا :down:

اختي dunia في وين هالمكتب؟