متى تبداء نبضات قلب الجنين ؟في اي اسبوع؟

السلام عليكم ورحمة الله وبركاته
اختي داعج لا تخافين وتوكلي على ربك انا صار لي مثلك بس انا الدكتوره تقول لازم بالشهر الثامن يكون فيه نبض ولا قبله مااتوقع
واحب انبهك لامر صار معي انك لاتروحين للدكتوره اصبري شووي احسن لك ولاتسوين اشعه سونار من تحت انتبهي لانه انا سويته ومن بكرا نزل معي دم وانت الكرامه ونزل الجنين يعني لو تصبرين ماتروحين وتنتبهين على روحك وتاكلين زين احسن لك
هذا رايي وانت حره
والسلام

السلام عليكم ورحمة الله وبركاته
اسفه اختي غلطت ماقصدت الشهر الثامن اقصد الاسبوع الثامن
واسفه على الاطاله والخطا
وشكرا

شكرا حبيبتي هذا اهو اللي مخوفني هم انا من ثاني يوم نزل البيبي لانهم صوروني من تحت.

بصبر لاني ما ابغي اكرر الخطاء واتحسف.

ربي يوفقج وين ما رحتي.

نبض الجنين يظهر في الاسبوع السابع او الثامن

وديري بالك من السونار اللي تحت الداخلي لا تعملينه


الله معاك ويتمم عليج

شكرا اختي وانا راح انتظر شويه ومارح استعجل مثل المره اللي طافت وربي يرزقج بالذريه الصالحه.

آنه نفس قصتكم
أول ما سووولي من تحت نزل ((أول حمل))
وثاني حمل نزلوه لانه مافيه نبض
:eek2:

الله يثبت حملك اختي ولاتحاتين انتي بس ادعي ان الله يسهل عليك
والله يرزق كل محروم ويسهل على كل حامل ووالد يارب ياحي ياقيوم

عزيزتي داعج

أولا إنتي تقولين إنك في الأسبوع الثالث.. وأنا أعتقد إن لك أكثر ..
ممكن تعطيني تاريخ آخر دوره..

ثانيا عزيزتي إنتي توكلي على الله واللي فيه خير الله بكتبه لج.. راجعي الطبيبه وإذا ما سمعت النبض لا تخلينها تسويلج فحص نسائي.. وراجعي طبيبه ثانيه .. وشوفي شو بتقولج.. بس إنتي تفائلي خير .. وإن شاء الله يكون ثابت وتسمعين النبض .. يارب ..:smile:

على العموم النبض يسمع بعد تكلمت أربعين يوم من الحمل ..

وطمنينا عليج يا الغاليه..

انا اخر دوره لي 20_11_

بعدها بتاريخ 17_12 عملت تصوير خارجي طلع ماشي مبين قال الدكتور يمكن لقطتي الحمل في اخر الشهر.

عزيزتي داعج

باجر إن شاء الله تدخلين الشهر الثاني ..
واليوم خلصتي 5 أسابيع ..
وتاريخ 6/1/2005 يبدأ الجنين بالنبض..
يعني إذا رحتي عند الطبيبه قبل هذا التاريخ ما بتسمعين النبض ..
وإذا سرتي بعده إن شاء الله بكون النبض والجنين واضح..
وأفضل إنك تروحين تاريخ 11/1/2005 عشان تقطعين الشك باليقين..
وإن شاء الله يكون الحمل ثابت .. بس إنتي ريحي نفسك وتغذي زين :smile:

الله معك حبيبتي
و ان شاء الله يتم لك بخير
و لكن اصبري و ارتاحي قدر المستطاع و ان شالله خير

و ابقي طمنينا عليكي

مشكوره بشاير والله ما قصرتي يعطيج الف عافيه.

olla

تسلمين على مرورج وربي يوفقج

الله يرزقكم الذريه الصالحه

واكيد راح اطمنكم عني.

الله يتمم عليج بالخير يارب


النبض بيكون في الاسبوع الخامس حبيبتي


يعني حمل شهر واسبوع لاني انا امجربه

الله يثبت حملك يا الغاليه وتسمعين نبضات النونو الحلو اللهم امين يا رب:shy:

الله يثبت لج حملج وحملي وحمل كل حامل يا رب ويردنا بوقتنا سالمين

شو يعني سونار من تحت :eek2: اول مرة اسمع فيه انا حامل في الشهر الخامس يعني يضر واللا لا؟؟

وغير جي هذا السونار الي من تحت نفسها الصورة التلفزيونية الي يحطونها على البطن فهموني لاني خفت

:shy:

وينج اختي طمنينا على اخبارج واخبار البيبي؟؟