بنات الكويت....................تعالوا

السلام عليكم ورحمة الله وبركاته

أم ريداء

الله لايعيد هالايام

صراحه احنا ماطلعنه وضلينه بالكويت

غاليتي : حشمه.آآآآآآآمين الله لا يعيدها من أيام .... وماشاء الله عليكم تبارك الله عشتوا حياتكم عادي ...:up::up:

بس تصدقين نفسي احصل البنات الي تعرفت عليهم ..........

فغلا الله لايعيدها من ايام ودوم انشاء الله بامن وامان

انا سعودية وداخلة لقافة ادري:D2

لكن في ذيك الايام الله لايعيدها تعرفنا على كويتين كانو مثل اهلنا والله حبيناهم

واحيانا من جد اشتاق لهم والله في الاول كنا نكلم بعض لكن مع

الايام الواحد يخف وتاخذه الحياة


واحنا كنا في الرياض

كويس red-eye ....انت مثلي مكونة علاقه......

الاخوه الي سواها النت خلتنا نتذكرهم............:shy:

انا كنت في لندن

وجيت لمدة شهرين للسعودية ورجعت لندن

و كنت في منطقة الخرج

الجادل : شكرا لمرورك ..لأسف ما ني من الخرج..

بس عساه عجبتك........

فعلا الله لا يعيدها من ايام :confused:

فالبدايه كنا بالدمام بعدين انتقلنا للرياض اذا ماكنت غلطانه

(( بحي بغلف )) او ((حي النسيم ))شي من هذا :pain:

بس اتذكر سوبر ماركت اسمه النهضه يمكن يونس كله نروح

نتشرى منه العصاري وبقاله فيها سوداني يبيع لنا البيبسي

بأكياس :D2 بس احلى شي الفووووول والجلابه والتميس يم يم

ماعندنا محرومين منه :down: <<< قلت قصة حياتي :o

والله كانت ايام حلوه رغم المراره بنفوسنا :up:

:bigsmile: انا من دبي بس فيه فضول...هههههه

فعلا الله لايعيدها عليكم ولا علينا لانه اللي كان يصيركم كانه يصيرنا والله انشاءالله دوم نبقى بامان ..

بس ما عرف ليش الكويتيين اللي يو عنه اللي شفتهم بالاصح في المدرسة كانو مب عايبنهم شي ماعرف ليش...

معنه والله كنه انعاملهم معامله زينه بس ماعرف ليش كانو يسوون جي..

بس في عايله الله يذكرهم بالخير سكنو حذال بيتنا كانو وايد طيبين ومتواضعين.. بس كانت الام اتينه لين الحين اذكرها والله كانت حرمة طيبة وايد..


الله يحفظكم يا اهل الخليج وانشاءالله دوم نبقى بقلب واحد...

bintdubai

اختي الكريمة لا تواخذييينا النفسية مو شي ذيك الايام ....
الله لا يعودها ...

تخيلي ناس صحوا الصبح ولقوا ديرتهم مفقودة... شي يقهر...
اكيد ما راح يعجبهم شي حتى لو كان حلو ... لان بذاك الوقت
كنا نبي الكويت لو نسكن بالشارع بس اسمنا قاعدين بديرتنا...
والله يخلينا لبعض:smile:

أم ريداء


تبين الصراحة ما عجبتني الخرج... ذيك الايام كان عمري 8سنوات

بس اتذكر ان سكنا بالرياض اسبوع في منطقة كلها فلل للعسكريين..

واذكر مطعم حلو بالنسيم... واذكر سوق حجاب ... مرة طقت الصفارة الانذار وحنا بالسوق :confused::confused:

الرياض احلا من الخرج:up::up:

الله لا يعيد ذيك الايام بس والله اللي حلى هالايام هو جمعتنا مع اهل الخليج

وحنا سكنا في الرياض في حي اعتقد اسمه حي السويدي بشبرا او العكس والله مادري بالضبط بس والله ما انسى البنات اللي تعرفنا عليهم خصوصاىاني درست هناك ما انسى جارتنا ام سعود الله يذكرها بالخير

تكفون بنات اللي يعرف احد من هالمنطقه يقول لان ودي اعرف اخبار حبايبنا هناك لاني اعرف بنات كثير


ومشكوووووووووره يا يام ريداء على هالموضوع الحلو :up:

احنا ماطلعنا بس جدتي الله يرحمها اطلعت السعودية واهلها ناس فوق راسي شالوا اهلي على روسهم وماقصروا واحنا اهل واخوان والله لايفرقنا انشالله :clap::clap::clap::clap:

انا كنت فى القصيم فى منطقة البدايع وبالتحديد فى حى (ام تلعة)

:shy:

انا كنت بالدمام ابمكان اسمه سمارك كله فلل

]انا كنت بالمدينه المنوره بالبدايه وكانووووو روعه وفوق الروعه بناتهم
بالمدرسه حسسونى صج انا اهل والله مانساهم ولا انسى مواقفهم
دايم بذاكرتى وليتنى ادرى عنهم:confused:


وبعدها رحنا للقصيم منطقه اظن اسمها الرس بس بصراحه كرهت
نفسى فيها لان بنات المدرسه دايم يتمصخرون علينا مادرى ليش يكفى الى فينا كان:confused:
بس مالومهم اكنا اطفال ولا يعرفون مراعات المشاعر

بس بنات المدينه فى قلبى ولا انسهاهم
فلم هندى سويت هههههههه[/COLOR]

والله ايام مره ونفس الوقت كانت ايام حلوه
انا كنت ساكنه في الرياض في منظقه الربوه
ودرست فيها بعد في المدارس النموذجيه كاااانت ايام صججج حلوه