تكيس المبايض

السلام عليكم ورحمة الله وبركاته


انا عندي وتعااااالجت كثير وومن 6 شهور سويت منظار بس لحد الحين ما صار حمل :confused: صار لي سنيتن متزوجة ومع الايام الدكتورة قالتلي بيرجع التكيس مع اني سويت منظار وشلته:confused:

هلا حبيبتي
أني أول من يجاوب لك ,, وإن شاء الله جوابك عندي

أني كان عندي تكيس مبايض,, ودكتورتي دايما كانت تطمني وتقول أنه بسيط وأهون من غيره ,, وأني ما كنت أصدق, المهم عطتني حبوب جلوكوفاج ( على ما أعتقد جذي أسمه) وكنت مداومة عليه,, وبعدين عطتني كلوميد عشان ينشط المبايض ,, وأبر بعد .
المهم ما نطولها علييك,,,وأني بعد رحت الأردن واستشرت دكتور هناك ( فقط للأستشارة ) وقالي كل شي أ,كي عندي وكنت قبل ما أروح للدكتور كانت الدكتورة مقررة انها تسوي لي كي للمبايض لأن صار عندي تضخم , بس اني قلت لها بنمهل شوي ورحت للأردن وشفت هذا الدكتور وأسمه زيد الكيلاني , وطمني قالي لي أني أن شاء الله ما راح احتاج لاكي بعد شهرين او 3 بالكثير ورح احمل ,,, والحمدلله صار حمل

يعني بعد هالقصة الطويلة حبيت أني انصحج باشياء تتجنبينها ,, يعني أبد أبد لا تقلقين , وخلي في بالش أن التكيس مو شي بالصعب بالعكس يعني اني مثلا أخذت مدة العلاج 8 أشهر ,, هو صح أن كل وحدة وجسمها غير,, بس انتي مو تخلي في بالش سالفة التكيس بالعكس خلي روحش طبيعية ولا تاكلين هم ,, بس اتبعي نصايح الدكتور

:smile:

هلا الغالية منوووي

حبيبتي لا تخافين

التكيس منتشر في الخليج وايد

و وايد تعالجوا و عندهم درزن يهال-ماشاء الله-

بس العلاج احينا يطول
و احيانا الجسم يتجاوب بسرعة للمنشطات
و يصير حمل بإذن رب العالمين

الله يشفيكم ان شاء الله
في طريقه سمعتنها من وحده كانت تعاني من تكيس المبايض وقدرت تتخلص منه في زراعة الحلبه

تجيبي صحن وتحطي فيه قطن ونثري عليه حب الحلبه وتصبي عليه ماء يوم بعد يوم لين ما تطلع الجذور ويصر في ساق صغير وبعدها وهي خضره توكليها الجذور والاوراق وتكرري العلاج مدة ثلاث شهور
وان شاء الله بيروح تكيس المبايض الابد

أنا كان عندي تكيس وحملت مع العلاج..

عااادي..:smile:

:up:ان شاءالله بتحملين

انشاء الله تحملين قريب :smile: و تفرحينا عيوني

مشكووورين ما تقصرون والله يسمع منكم واحمل وابشركم :smile:

الله كريم ويرزقك يا الغاليه وانا كان عندي تكيس والحمدلله راح:up:

شكراً لك اختي رنين العود على المعلومه

أنا بعد كان عندي تكيس في المبايض وكانت الدورة تنقطع عني مدة سنة ومرات سنة ونصف والحمد لله حملت وصار عندي ولد

السلام عليكم ورحمة الله وبركاته

عقبالي ان شاء الله :pain: انا تعبت الصراحه جربت كل شي حبوب الجلوكوفاج خذت الكلوميد وخذت ابرررررر يمكن بالاسبوع حولي 14 ابرة وآخر شي سويت منظار للمبيضين وشلت التكيس ورجعت اخذ علاج بس لحد الحين ما اصر عندي حمل وانا بكمل بعد كم يوم سنتين :confused: وحبوب الجلوكوفاج تعبت منها واااااايد والدكتورة قالتلي ارجع اشربها لانه التكيس حتى لو انشال يرجع بعد 6 شهور :confused:
ادعوووولي انه ما يرجع واحمل ...:pain:

وأناصار عندي تكيس ممن ثلاث شهور أو أكثر والدوره عندي مش منتظمه وتعالجت وراح بالحبوب بس لحد الحين ماحملت



بس نصيحه لوجه الله لكل متزوجه لازم تعملون فحص كل ست شهور يامتزوجات حتى اللي مافيها شي بس للتأكد والسلامه لأن التكيسات ماتحس فيها الوحده وتتفاجأ فيها اثناء الفحص فأفحصو بشكل دوري كل ست اشهر احسن .........

اختي ممكن اعرف الكميه مالت الحلبة بمقدار كم ؟

الله يرزقج الجميع

انا بعد عندي تكيس في المبايض و الدكتورة قالت لي اضعفي بتحملين

ذره من المجره

صح كلامج المفروض انسوي تحاليل للاحتساط

عندي تكيس ولحد الحين ما حملت مع اني عندي اربع اطفال

وما خليت عياده ما تعالجت عندها والكل يقولي الشهر الجاي بتحملين

وان التكيس بسيط

وربكم كريم

وانا بعد عندي تكيس في المبايض واستخدم جلوكوفاج مااحد عنده معلومه هل كون استخدامه على طول ولا فتره وخلاص صار لي استخدمه 11 شهر

البارحه كنت عند دكتوره و قالت لي ان عندي تكيس و عطتني جلوكفاج و دوا ثاني بعد بس استخدمه لمده 10 ايام من اليوم 16 للدوره اما الدواء الاول قالت انه يساعد على تنزيل الوزن و يذوب الدهون و ما فيه خطر من استخدامه مده طويله بس وحده نصحتني اخذ اعشاب من عند الخاجه علاج للتكيس لمدة اربعين يوم ؟؟؟؟؟ و اهم نصيحه ضعفي و ارجعي للوزن الطبيعي تنضبط الدوره و يصير حمل حتى مع التكيس

لكن سوالي هل يتعارض الدواء الطبي مع الاعشاب ؟؟؟

تحياتي :clap:

ايوة يتعارض الدواء الطبي مع الاعشاب

مايصير تستخدمينهم اثنينهم معا