((بريـــاني اخضــــــر))

السلام عليكم ورحمة الله وبركاته
بعطيكم وصفه لبرياني طمعه ولا اروع
ولونه بالنسبه لي جديد :shy: <-=-=-=-=مبتدئه بالطبخ
وسهل تحظيره وما يبغى ربشه ،واتمنى ما يكون قد مر عليكم

المقادير:-

دجاجه تقطع الى 8 اجزاء
4 حبات بصل
عصير 5 ليمونات
نص حزمه بقدونس
حزمه كزبره
فلفل اخضر حار حسب الرغبه
ثوم 6 فصوص
زنجبيل قياس اصبع اليد
علبه روب
3 ملاعق بهارات مشكله
زيت او زبده لقلي البصل
رز مسلوق على نص نضج على عدد افراد الاسره
3 مكعبات ماجي
الطريقه:-

1_بالخلاط حطي حزمه الكزبره والفلفل الاخضر والليمون والثوم والزنجبيل و الكزبره واخلطيهم واذا ما اختلطت زيدي شويه ماي وخليهم على جنب

2_ حطي زيت على القدر وبعدين حمري فيه البصل لمده 4 دقايق وبعدها حطي عليهم الدجاج والماجي وقلبي تقريبا لمده 5 دقايق

3-صبي الخلطه اللي بالخلاط على الدجاج وضيفي علبه الروب

4_غطيهم مع التحريك كل شويه حتى يستوي الدجاج

5_اخر شي ضيفي الرز وغطيهم بالمنيوم لمده ربع ساعه وتكون النار هاديه


وبلهنا والعافيه:up:


اتمنى تجربوها((بتعجبكم))