اولا
باااااركولي كملت الامتحانات و الحمدلله عدت هالفترة على خير!
ثانيا
انا كنت ناوية اسوي كيكة بمناسبة فوز البحرين بس للأسف فشلونا:pain:
فقررت اني اسوي كيكة بمناسبة نجاحي بما اني وعدت الغالية حبيبة110 إني اقدم كيكة اول ما ارجع للمنتدى:smile:
المهم
اقدملكم هاذي الكيكة اللي من اختراعي و انشالله تعجبكم:shy:
بس ماعرفت شسميها...خل نسميها اممممم...
بدون اسم!
%%كيكة بدون إسم%%
2 باكيت كيك الشوكولاتة من بتي كروكر devil's food
5 اونص شوكولاتة هيرشي semi sweet مذوب في حمام مائي
نصف كيلو عجينة السكر (فوندان) regalice icing او عجينة المرزبان البيضاء
كريمة الزبدة
6 صفار بيض
نصف كوب ماء
كوب سكر
2 كوب(454جم) زبدة غير مملحه في درجة حرارة الغرفة
فانيلا
صبغه حمراء
صبغه خضراء
هاذي صورة للمقادير اللي يمكن ماتعرفونها
1. نسوي الكيك مثل ماهو مكتوب على العلبة..اول كمية نحطها في قالب دائري و ثاني كمية نحطها في قالب الكبكيك cup cake
2. بعد ماخبزنا الكيك...نلبس قفازات و نشكل الكبكيك على شكل دوائر
3. الحين نجي للكريمة...نضع الماي و السكر على النار و نحرك لين يذوب السكر و لما يبتدي يغلي نوقف التحريك و نخليه يغلي لمده 5 دقايق و في هاذي الاثناء نخفق البيض ليما يصير لونه باهت ..و بعد ما يجهز القطر نضيفه على البيض على شكل خيط رفيع مع استمرار الخفق السريع
4. و بعد ذلك نضيف الزبدة و الفانيلا و نخفق جيدا
5. نشيل شوي من الكريمة و نلونها بالأحمر
6. الكمية المتبقيه من الكريمة نضيفلها 3 اونص شوكولاتة مذابه و نخفق
7. نحضر الكيكة المدورة الكبيرة و نقسمها إلى قسمين...نحشيها و نغلفها بالكريمة
8. نرق عجينة السكر على سطح مرشوش بالسكر البودرة إلى ان نصل إلى الحجم المطلوب(الكمية عندي كانت ناقصة فاظطريت إلى تغطية الوجه فقط بالعجينة:pain:)
9. نقوم بتغطية دوائر الكيك بعجينة السكر (انا غطيتهم بالمرزبان و بعد الكمية كانت ناقصة فصاروا نصهم مغطيين و نصهم لا!:pain: خخخخخخ كل شي عندي ناقص ما ادري ليش سويت هالكيكة من الاساس!!)
شوفوا الصورة اللي تفشل بس عادي هذا كله راح يتغطى:shy:
--->بترقعها!
10. نلون الكمية المتبقية من الكريمة البنية بالاخضر(تعمدت هذا الشي عشان اللون مايطلع وايد فاقع)
11. نضع 2 اونص من الشوكولاتة المذابه على ورق زبدة و على اوراق الشجر بهذا الشكل ثم نضعه في الثلاجه لكي يجمد
12. نضع شوية صبغة حمراء في صحن و نغمس فرشاة نظيفه في الصبغه و بعدين نبتدي نرش وجه الكيكة بالفرشة (سوي هالحركة برة المطبخ او في حوش البيت لأنها بتوصخلج المكان كله)
13. نزين الكيكة بهالشكل (الوردة عبارة عن مرزبان ملون بالأحمر)
و هاذي صورة الورده و اوراق الشوكولاته من قريب
بعد ماخلصت الكيكة و زينتها امي دخلت المطبخ و شهقت!!
تقولي شنو هذا مسويتلنا كيكة للكرسميس!!
اقولها ليييييش...جان انتبه إن الالوان بالظبط نفس الوان الكرسمس احمر و اخضر و ابيض كخخخخخخخ!!
ملحوظة:الكيكة هاذي تاخذ وقت طويل في التزيين يعني اللي ماعندها وقت لا تسويها احسن!!:cool2:
انشالله عجبتكم...انا بصراحه مو عاجبتني وايد لأني كنت حاطة في بالي شي ثاااااني و للأسف العجينه طلعت ناقصة فأظطريت اخترع لي شي ثاني..يالله معليه المرة اليايه انشالله اسوي شي احسن:smile:
تحياتي
ســـــارونة
