بنات الكويت ساعدوني

هلا حبيبتي الله يجزاج خير انتي وابوج والله يعطيكم على قد نيتكم

حبيبتي انا مو مخطوبه بس بقول لج ان مهرج وايد قليل وخصوصا بالنسبه لاسعارنا بالكويت

شوفي حبيبتي اذا كان زوجج مقتدر وقادر يخليه يعطيج على الاقل المبلغ اللي تعطينا اياه حكومتها الله يخليها لنا دوم 4000

والله مادري يا عمري شقول لج بس والله كنت حابه اساعدج

على فكره اذا مهرج هذا ثابت دوري لج نفنوف ناعم وارخيص والذهب لا اتكثرين منه لانه غالي عليج

ياربي والله مادري شقول لج ان شاء الله البنات يساعدونج

اللهم صل على محمد و ال محمد
حياج الله حبيبتي قطر الندى و شاكره لج مرورج و تعقيبج
حبيبتي بالنسبه للذهب على اهل المعرس و هذا الشي ما شايله همّه
بس ابي اعرف كم المبلغ اللي لازم اخلي لكل شغله
و اما عن زوجي فهو مو كويتي و لكن الحمد لله حالته زينه

و الله يجبر بخاطرج عمري و يبعث لج ابن الحلال اللي يسعدج مثل ما جبرتي بخاطري و رديتي علي
اما باقي البنات ، ما كنت متوقعه منكم هذا التطنيش :down: هذا و انا اقول لاختي بانكم راح تساعدوني و اذا واحد يخليكم على الجرح يبرى
لكن مقبوله منكم

هلا حبيبتي الله يجزاج خير على الدعاء ما قصرتي حبيبتي

حبيبتي ما قلتيلي عرسج وين بيكون بالكويت ولا باي مكان علشان ابي افيدج حبيبتي

شوفي من اللي قريته بهالمنتدى الرائع

لازم قمصان النوم اتقون فوق 10 قميص
النفنوف عندي ثنتين من رفيجاتي وحده تزوجت زالثانيه يبالطريج اول وحده اشترت مادري اجرت نفنوفها بــ 250 دينار اتصدقين بس النفنوف كان سكري مو ابيض

بالنسبه للبدل والبديات والدراريع والله مادري يا قلبي


رفيجتي اللي تزوجت كانت امفصله 10 دراريع

على فكره البديات دوري بالنقره اللي فيه محلات خام في بعد المحلات اللي بالسرداب في عندهم بديات حلوه ورخيصه
روحي بعد ستي سنتر اللي بالسالميه
كويت ماجك في جم محل عنده بديات ما تتعدا 5 دنانير

وين بعد يا قطر الندا ويييين
اي روحي عروس الخليج اللي بالفروانيه مكياجهم حلو ورخيص وعندهم علبه شدو فيها 115 لون كل البنات اللي اهني يقولون عنه واسعارهم حلوه بعد وكريماتهم الاساس ماركات

هم بعد بالديره في سرداب كله محلات مكياج بصراحه اشتريت منهم جم مره وحلو مافيه شي
مكانه اول ما تنزلين من الدرج في محل كبير للمكياج وشغلات ثانيه بس خاصه للمكياج

حبيبتي شوفي الرابط هذا اقريه كلللللللللله اوكي


بس لا تنسين قولي لي عرسج باي بلد علشان افيدج

اللهم صل على محمد و ال محمد
يا بعد عمري و الله شاكره لج اهتمامج بي يا قلبي
الله يسعدج انشاء الله دنيا و آخره
بالنسبه للعرس راح يكون بالدنمارك لكن اكلم زوجي اذا يقدر يجي للكويت نعمل العرس عندنا على الاقل هني اعرف للصالات و الصالونات و المصورات

بالنسبه لقمصان النوم حاليا انا عندي تقريبا 5 او اكثر ما ادري والله ما عادتهم بس طبعا كلهم هدايا من اهل المعرس و لازم اشتري غيرهم على ذوقي

و اما عن النفنوف فانا اريد اشتري ما اءجر حتى يبقى ذكرى و ياليت تسالينها من وين شاريته

و الدراريع ما احب البس دراريع وايد يعني 3 اعتقد كافيات علي و انا عندي من الاول 2 جدد ما احد شافهن علي صارن 5

بصراحه يا حبيبتي انا تقريبا افتريت كل اسواقة الكويت ما ادري ليش ما يعجبني شي ، لان اشوف الناس كلها لابسه نفس الموديلات و دائما احب اكون مميزه بلبسي مع ان اهل الخارج يموتون على الملابس اللي عندنا

لكن و لا يهمج هم اروح اخذ لي فره ثانيه و ثالثه و رابعه بالسوق الى ان احصل شي يعجبني

آآآآه و اخيرا وصلنا للفروانيه هذي الفروانيه سالفتها سالفه ما احد راضي يوديني لهناك ابوي ما يدل عدل و ختي ما تدل موليييييييه و من حظي الحلو اللي يدلون يا اما مسافرين او حوامل او مشغولين بتاثيث بيتهم
و اللي مشغوله بالدراسه

اما السرداب اللي بالديره ادله و انشاء الله اخذ اختي و اروح و يا ويلها اذا ما قبلت تاذخني

و يعطيج الف الف عافيه حبيبتي قطر الندى على مساعدتج لي و الله لا يحرمنا منج حياتي و لا يحرمج نعيم الدنيا و الاخره
:shy:

هلا حبيبتي تسلمين يا عمري (u)

اوووف شموديج الدنمارك :rolleyes:

شوفي سالتها لج وقالت لي انها اماجرته من محل بالنقره الشمالي اسمه النقره ماجيستك بسعر 200 دينار والله يا بلاش

وبالنسبه لقمصان النوم احس انها شويه زيديهم بعد لانج عروس

اهاااا عرسج بالدنمرك حسافه ما اعرف صوالين انهاك لو بالسعوديه او الامارات جان سويت لج بحث وطلعت لج الاحسن بس هذي صعبه

اقولج شوفي بالنسبه للدراريع بما انج بالدنمرك فهذا كافي
وبعدين يمكن بس انتي وياه اهناك يعني مافي حموله

الله يعينج على الغربه :confused:

اي صج بقول لج شي بتضحكين علي بس ميخالف

اتعرفين المحاميد اللي بخيطان يقولون حلو وايد حيلج فيه واكيد بتلقين جنزات وبديات وشورات وقمصان نوم وبرمودات حلوه ورخيصه بعد

شوفي اللي بخيطان ولا مره جيت له بس خالتي تمدحه وايد

على فكره ترى انا واختي شارين جنزات من المحاميد بس مو اللي بخيطان والله حلوه وموديلاتها حلوه والله

ترى اللي بخيطان احسن محلات المحاميد بالكويت شوفيه

ومترو بعد حلو فيه كل شي موجود بالفروانيه

بالتوفيق واذا ذكرت شي رديت لج

اللهم صل على محمد و ال محمد
اهلين حبيبتي قطر الندى
تعبتج معاي حبيبتي
يعطيج الف عافيه يا عمري

هذا حالنا من صرنا بالدنيا كل يوم بديره ،لكن الحمد لله
و الحمد لله بالدنمارك عندنا قرايب و اختي بعد موجوده هناك يعني ما راح احس بالغربه

و مشكوووووره حياتي على مساعدتج لي و جزاج الله عني كل خير
و انشاء الله عن قريب نسمع خبر زواجج و نفرح فيج

تحياتي لك

السلام عليكم

حبيبتي اول شى حطي في بالج ان قلة المهر مو شى سلبي بالعكس
للان رسولنا عليه افضل الصلاه والسلام قال بما معناه ان من قل مهرها زادت بركتها :up:

واهم شى بالزواج في رأى .. مع اني ماجربت
ان نفسيتك تكون مرتاحه
ومبسووطه وسعيده بهالارتباط وحابه هالشخص
ومن قبل هذا طبعاً توفيق رب العالمين
وانتى حطي في بالج ان المهر قليل لانك تبين البركه لان الاعمال بالنيات وانتى بتتوفقين :up:
وبما انج بتسافرين معاه .. مادرى دراسه ؟؟ ولا اهو ساكن بره مع اهله ؟؟
السؤال مو لقافه بس القصد ان اذا ساكن مع اهله لازم تكثرين بدلات :pain:
بس لو كان للدراسه فمحد راح يشوفكم وايد غير الاصدقاء يمكن في الغربه وبالتالي توفرين على عمرك كم تايور ماراح تستفيدين منها الحين :up:

الشى الى اعرفه والى اقدر افيدج فيه المكيااااج

شوفي حبيتى
بالنسبه لكريم الاساس والمنظفات من تونك وميلك وكريمات العنايه اخذى ماركات وشى غالى لانها بشرتك ولازن تهتمين فيها
اما الضل والارواج والبلشرات فتقدرين تاخذين ماركات رخيصه وحلوه وايد
عندج بجمعيه الروضه كم ماركه منهم الغالين من كرستيان ديور وجيرلان وشانل وانتى صاعده غالين على قل سنع وهذا عن تجربه :up:
خليج isadora , revlon,maybelline,maxfactor
هذيل رخاص وحليون بعضها تلاقينه بجمعية الروضه واليرموك وبعضها ينباع في لاند مارك وفيه مره تبيع بالبيت منهم وهذى انصج تروحين لها وتدعيلى
لانها تبيع القطعه بدينار واحد فقط
وتلاقين عندها كل شى تقريبا ونفس البضايع
على فكره
maybelline
ماسكرتهم volum عجيييييييييييبه وعندهم حمر الوانها خيال
ورفلون هالايام شاريه منهم جلوسات يدده بس الوانها خطيره ووايد حلووه
انا افضل المكياج الخفيف اذا كنتى انتى وزوجك بتسافرون غربه هذا الحلو تكونين طبيعيه وبنفس الوقت حلوه يااحلوه :D2


وبرسلج عنون المره بالخاص ان شاء الله
هذا بالنسبه للمكياج والى اقدر افيدك فيه
وربي يووفقك يارب
وان طرا لى شى غير واو سمعت بعد بقوولك
وهمن اذا كنتي بتسافرين غربه فيتراوالى تهتمين بلبس البيت من ملابس الى تيك قصعه وحده وكلها دلع ونعومه على بناطيل وتشيرتات حلوه احسن لج :smile:

الله يعدك واخواتنا يارب واتمنى تدعيلى ان ربي ينولنى كل مااحب واتمنى :o

الله يفرج لكم ان شاء الله والله يوفقج ياقلبي

بالنسبه لكريستيان ديور كريمهم حلو على البشره بس غالي شوي سعره 12 دينار
على فكره انا استعمله حتى بالاعراس احطه ووايد حلو


سمعت بعد عن ماركه ماكس فاكتر اللي غطاه او علبته لونها ذهبي مع بودرته يقولون حلوه ورخيصه بعد جربيهم


زورق ماعليج امر عطيني رقم المره وقولي لي شنو صناعه مكياجها

حبيبتي في وحدة تييب بضاعة من برا ..

ساعات تقليد درجة اولى بأسعار حلوة 40 -50

وبعد هم تييب جناط ..

وعندها شغلات حلوة ..مثل خلطات للعروس

انا وخواتي شرينا منها ..

شغلها وااااايد حلو ..

وهذا ايميلها [email][email protected][/email]