ذهب الراس

أعتقد أني ما بحصل أي رد ...






على عموم مشكورين

جربي الاكسسوار

خالي يشتريه منالامارات

وخذت خالتي منه 2 واسرق بيتها والحرامية فكروه ذهب وخذوه

بس شكله مرة حلو

مرحبا الغاليه ,..

اشتري الاكسسوار حرمه اخوي يوم عرسها اشترت اكسسوار وانا بعد

ولابين ولاشي :smile:

أنزين الغالية في وايد محلات بالعين أتأجرلج اياهن اظني تحطين عليهن فلواس وجواز وتاخذينهن ليوام واحد وعقب اتردينهن.................

مشكورين أخواتي على الرد ....


بس بغيت أقول أنه كل إلي بلبسة ذهب اللهم إلي ما عندي ذهب الراس أخاف يبين الفرق من اللون ,


لب لفواد : جان زين كنت من العين :smile:

في السوق المركزي في الشارجه شي محلات تأجر طاسة الراس ..

وبعد في سوق دبي للذهب ...


وربي يوفقج الغاليه .

:up:ذهب البحرين ممتاز

انا شريته اكسسوار ولا يبين ولا شي

وبلبسه في الملجة

مرحبا أختي


بغيت أخبرج لو تاخذين طاسة الراس عادية و وديها محل الذهب بيطلونها لج


عادي و الله و لا يبين


تدري حتى المرتشعة مكبرها و الله سمتها على 500 درهم و مطلية بذهب


في محل في مركز الملا بلازا عنده كله اكسسوارات مجابل بلو ليدي للشيل و العبي في الطابق الأرضي بتلاقين عنده يميع الاكسسوارات


أعرف وحده شو كانت تسوي تشتري طقم عادي و تطليه ذهب بس طبعا الواحد يدور مكان شغله نظيف حرام انه ما يبان ان كان ذهب اصلي و لا مطلي و اختبري أهلج بتشوفين روحهم ما بيعرفون



أختج


الخرشة

مشكوره أختي الخرشة على الفكره....

العفو الغالية


ان شاء الله افدتج


اختج



الخرشة:smile:

يسلموا

لا ما يبين فرق انا لبسته مثل التاج خليته على راسي ولا بين معنه طقمي كله ذهب .. بس صار حلو وايد لان شكله غريب وصايره تسريحتي ناعمه حدها وصاير الاكسسوار الذهب حلو عليه.. ترا كلش ما يبين ..

انا شريت اكسسواري هذي ب8 دينار معنه اكسسوار لكن ما يبين عليه كلش ..

هلا الغالية انا خذت ذهب الراس من عمان من عندنا ويوم سرت بوظبي عند اهلي مرة كنا طالعين وشفتها بس والله ما اذكر في اي مول