ولم يكن لدي الا ان انفجر مابداخلي من احساس وعقل
وهذا ماعبرت به نفسي :
عندما يتلاشى الحب العفيف ... كغروب الشمس ...
وفي زمن .. أصبح الصديق الوفي خرافة تحكي على شفاه
الاطفال ...
تلاشت احلامي ... وأصبح الحلم الكبير .. البحث عن ابتسامة .
وهذه قصيدتي :
&&& تعبـــــــــــــــــــت &&&
تعبت امثل راحتي وادور للفرح عنوان *** تعبت امشي دروب الهم واعانق ضيقة احوالي
رسمت الكون بهمومي وعجزت القى لها الوان *** عجزت افهم معاني الوقت واعيش بهمي لحالي
كثير اللي يحسبوني اعيش بدنيتي فرحان *** وغرتهم سـواليفي وكلام الحب بأقوالـي
وقدرت اكذب على العالم والعب لعبتي باتقان *** وانا ادري ان معاناتي بدايــة مالها تالي
وفيت لحبي واغليته وتحملت الجفا أزمان *** ولا غير الجرح يوفي ولا غيره بيبقــى لي
رغم اني لجا حبه شريته بغالي الاثمان *** طلبت بس الوفا منه ولقيت ان الثمـــن غالي
حسافه يالخفوق اللي عزفتك للعشق الحان *** ولو انك قسيت أحسن ولا كان الحزن حالي
وسلامتكم وتقبلوا تحيات اخوكم /