بغيت نصيحتكم

خواتي بغيت نصيحتكم لان صديقتي عندها مشكلة وانا قلت مافي غير بنات المنتدى

مشكلتها انها متزوجة من 4 سنوات وزوجها كان مطلق من قبل

والمشكلة ان عنده ولد وهي ما كانت عارفة عنه الا بعد ما ملجو بفترة وبالصدفة يعني تدري انه مطلق ما تدري ان عنده ولد كان عمرة3سنوات والحين 7سنوات

ويوم درت عنه هو سالها كنتي بتوافقين علي لو درتي ان عندي ولد ولا وقالت له لا ما كنت راح اوافق وساعتها اهله تظاهرو بالاسف وقالو ان هي مالها دخل فيه وهي مب مسؤولة عنه وعلى اساس انه عايش مع امه وهو يصرف عليه واييبه عنده 3ايام في الاسبوع

ومشكلتها الثانية هي اهل زوجها اللي عمري ما شفت ناس مثلهم هي عايشه معاهم في بيت واحد

وتخيلو وين عايشه في ملحق عبارة عن كرفانه خشب على اساس انه بنيان ايام الملجه بس يت وشافته طلع خشب ويا ريت فيه خير

اذا شفتوها كيف عايشه والله انها خرابه الله لا يراويكم مثله في حياتكم ومستحمله بس منو يقدر لا زوجها ولا اهله اللي دايما يدخلون في كل كبيرة وصغيرة وما تشوف منهم شي حلو الا اذايابت لبو او امة هدية بس اش قد راح اتييب هدايا وتدخلهم مب لها بس

عنهم في البيت بعد ولدين متزوجين وحريمهم يشكون من نفس الشي واذا هالحريم قعدو مع بعض لازم ايسوون من هاليلسه مشكلة وكل وحده ممنوع عليها تشوف الثانية بحجت انها راح تخربها وتعلمها سواف

يعني ناس صراحة الله لا يعيشنا ويعيشكم وياهم برع البيت وجدام الناس مافي احلى من لسانهم بس في البيت غير هالكلام يقولون كلام ويوعدون وعود يوم الخطوبة بس بعد الملجة كأن شي ما كان والله لو تسمعون سوالفهم بتقولون الله يعين هالحريم اللي متزوجات اعيالهم

شكلي طولت عليكم بس اللي عندها حل يا ريت تساعها ومشكورين خواتي