خطيبي خجول و انا خجوله شو اعمل؟؟؟؟؟؟؟؟

بسم الله الرحمن الرحيم
السلام عليكم ورحمة الله وبركاته
اخواتي عروسات المنتدى
قبل كم يوم ملكت و سوينه حفله صغيرونه بينا احنا و للاسف المعرس ما كان موجود لانه ساكن بغير بلد

و بعد الملكه بقى كم يوم ما اتصل علي و لا كلمني :down:و انا ميته من القهر لكن بعدين وحده صارت واسطة خير و اتصلت عليه و قالت حرام عليك ليش ما تكلم البنت هي خلاص صارت ززوجتك و ما اعرف ايش و نفس اليوم قام الباشا اتصل و كلمني لمدة عشر دقائق :shy: لكن صدقوني حتى السلام غصب كنت ارد عليه ما اعرف شنو اتكلم معاه ؟ و هو بعد نوعه خجول
صار الاخ كليوم يتصل علي و يتكلم لكن اذا اهلي ردوا على التلفون يسال عنهم و عن احوالهم و يسكر الخط :o يخجل يقول لهم ابي اكلم زوجتي
اما انا الى الان لم اتطور و لا اتكلم بس اسمع صوته و خلاص ، قبل لا يتصل احظر اشكد حجي لكن بس اسمع صوته انسه كل شي و كل الكلام اللي كنت ناويه اقوله له يطير بالهوا
ارجوكم خبروني شسوي لاني اخاف يمل مني و بعد ما يتصل :confused:
و جزاها الف خير اللي ترد علي و تساعدني