مقالب الأطفال

مقالب الأطفال تتسبب عادة في مواقف طريفة ، ومضحكة وإن كانت في الغالب محرجة للآباء لكنها تبقى في النهاية ( شقاوة صغار ) خاصة اذا كان الطفل وديعاً .. ولكن من يغضب من الطفل البرئ ؟؟

ذكــــــــاء :

يقول المهندس محمد موقفه مع ولد اخوه : يوم من الأيام ولما كنت جالس في بيتي سمعت جرس التلفون يدق ورفعت السماعه ولقيته ولد اخوي الصغير ويتكلم وهو فيه الصيحه ( تقل مسروقه فسحته ) قلت له حبيبي وش فيك ؟ قال : عمي تعال بسرعه بابا مسوي حادث سياره وانكسرت رجله وهو ما يقدر يمشي الحين ونايم في البيت ؟؟؟ . تعال انقذني بسرعه ( متأثر هالصغينون بمغامرات سبيس تون ) وقفلت السماعه منه وقمت ركض على بيت اخوي وطول الطريق وانا اطلب ربي ان الصدمه تكون خفيفه عشان يطيب منها بسرعه ولا تأثر فيه ... ووصلت لبيت اخوي وطقيت الباب وانا قلبي شوي ويتوقف من الروعه .. اخاف يكون الصغير ما قدر يشرح وضع ابوه ويكون اخوي تعبان مره ( الله يكفينا الشر ) وانفتح الباب وكانت المفاجأه ان اخوي هو اللي فتح لي الباب وكان واقف على رجوله ( اكيد رجوله اجل يدينه ؟ ) حس اخوي ان عيوني طايره فيه وقال : وش القصه وش فيك ؟؟ .. ودخلت البيت وعينت من الله خير وعلمته بالسالفه ونادينا ولده ابو اربع سنين واكتشفنا منه انه ( حضرته) زعلان من ابوه ليش انه ما رضى يوديه الملاهي فقام وألّف هالسالفه عشان يشكي لي ابوه ويطلب مني اقنع ابوه يوديه للملاهي

حيلـــة صغيرة :

وحده من المدرسات تقول لنا هالموقف : في يوم سمعت جرس الباب يدق ولما فتحت كانت بنت جيرانا الصغيره وتقول لي : ترى ماما تقول لك انها تبيك في شي ضروري ومهم !!! .... وقلت لها خير ان شاء الله انتي روحي وانا راح الحقك الحين .. راحت البنت وانا دخلت اغير ملابسي وملابس بنتي اللي هي كبر بنت الجيران .. وطول الوقت وانا اهوجس وش تبي مني ؟؟ وش صاير الله يستر ؟؟ ليه ما دقت بالتلفون وقالت لي وش تبي ؟ اكيد انها تعبانه وما تقدر ؟؟ ( وعاد الشيطان شاطر ما خلى مصيبه بهالدنيا إلا وحطها براسي ) رحت لبيت جارتي ودخلت ولقيتها بخير وحمدت ربي وقلت الحمدلله اهم شي انها بخير الحين اشوف وش فيها .. وجلسنا نسولف وما جابت سيره ولا شي ؟؟؟ وطولنا نسولف وماش ما علمتني وش عندها قلت يا شيخه اسأليها انتي وشوفي ... قمت وعلمتها وش اللي صار وقامت هي وضحكت بصووت وضربت يد بيد .... انا جلست اطالع فيها ؟؟؟؟ قالت لي ان بنتها طلبت منها وقالت لها تبي بنت الجيران تجي تلعب معاها ووافقت انا بس بنتي خافت انك انتي ما توافقين فقامت واخترعت هالقصه من عندها عشان تضمن ان صديقتها تجي وتلعب معاها .. بس عموما ( الله يحيييك في كل وقت )

الدش البارد :

يقص علينا أحد الآباء سالفته مع ولده الصغير ويقول : مره من المرات كنت منهمك مرررره في كتابة تقرير مهم للعمل .. وكنت غرقان الى شوشتي بالشغل وماني حاس باللي صاير حولي .. وما صحيت إلا وشلالات مويه بااااارده تصب علي فوق راسي .... وشويوإلا هالمويه واصله لأوراقي وشغلي ؟؟؟ وبكل سرعه التفت ابي اعرف وش صاير ولقيت ولدي الصغير وراي وبيده كاس فاضي ( طبعا بعد ما كبه علي هالشيطون ) وهو مييييييت من الضحك شوي ووتقطع مصارينه .. انا بس ابي اعرف شي واحد وش اللي وسع صدره وضحكه من هالموقف اللي سواه ؟؟ ... المهم اني فهمته ان المقالب لها حدود وانا بعد صبري له حدوووود

صندوق الطماط :

يقول لنا واحد من الأساتذه موقفه مع طلابه : يوم من الأيام كنت اشرح درس دين للصف الثالث ابتدائي وكنت مررره متحمس بالدرس واعطي امثله وتوضيحات وكل الطلاب كانو منتبهين معاي في الدرس .. المهم انا شرحت درسي وخلصت واديت واجبي .. وطبعا مثل كل يوم ( الروتين ذاته ) سألت الطلاب وقلت فاهمين ؟؟ وقالو بصوت واحد : ايييييه ( شاطرين في الصراخ ) وبعدها السؤال المعتاد احد عنده سؤال ؟؟ ( اقوله بس ارضاء للضمير لأني عارف ان مافيه احد بيسأل من هالعيال هم ما يصدقون بس نخلص من الدرس إلا وهم قاضبين شنطهم ودهم يطيرون ..) المهم انتبهت ان واحد من الطلاب رافع يده .. قلت حلو فيه احد باله معاي وبدو يتشطرون شوي .. وقمت وقلت له : تفضل يا محمد وشو سؤالك ؟؟ وقام محمد واقف على حيله وقال سؤاله باعلى صوته .. تتوقفعون وش سألني ؟؟ قال لي محمد : استاذ بكم صار صندوق الطماط ؟؟؟؟؟؟ .. انا من هول الصدمه ومن غرابه السؤال جلست اضحك ؟؟ الحين تاعب نفسي وجايب حيلي كله على هالدرس وامثله وتطبيقات وآخرتها يجيني بكم صندوق الطماط ؟؟؟ قمت وطلبت من محمد يجلس طبعا بعد ما فهمته ان للدرس وقته ولصندوق الطماط وقته بعد .. وجلس محمد وهو ما يدري بكم صار صندوق الطماط.