بنات دبي..فين احلى اماكن للتسوق و التمشية في دبي؟

r

redflower

عروس نشيطة

13-12-2004 | 02:14 PM

السلام عليكم يا بنات
طلبي اليوم من بنات دبي الخبيرات
انا مسافرة دبي الاسبوع الجاي لأول مرة، و احتاج اعرف احلى الأماكن للتسوق و التمشية مع العلم اني رايحة انا وزوجي بس ،وطبعا لا تنسو احسن المطاعم ، و انا نفسي اروح spa يعني منتجع صحي اعمل فيه تنظيف بشرة و مساج عشان انا دوبي والدة من شهر و نص و سمعت ان في محلات حلوة لهذا الشي؟يالله يا بنات بسرعة انا مسافرة السبت الجاي:up:

د

دلوعة حبيبي

مشرفة سابقة

14-12-2004 | 01:52 PM

اي والله يا بنات دبي ياريت تدلونا على أماكن لأني احتمال اسافر دبي في اجازة الحج..

ا

العروسة وردة

عروس مشرقة

14-12-2004 | 06:48 PM

فيه منتدى اسمه

العرب المسافرين في كل المعلومات عن اي منطقه تبين تروحين لها

ب

بنت زايد

عروس مبدعة

14-12-2004 | 07:28 PM

هلا...

حياكم في دبي....عندنا وايد مراكز للتسوق اذا كتبت الحين ما بخلص وعندنا وايد مطاعم حاوة وراقية وذا تبين سبا شي في باريس بالاس في سيتي سنتر ..

من المراكز اللي في دبي...

سيتي سنتر
الغرير
وافي
لامسي
مزايا
الريف
ميركاتو
الواحة

اما عن المطاعم...
قرية البوم
في كل فنادق دبي
في مينا السلام

في وايد اماكن بس بنطول .. اذا تبين مكان مهم اسالي

M

M a r i a

عروس متألقة

15-12-2004 | 01:15 AM

من فترة طويلة ما دخلت المنتدى ..شخباركم واشحالكم ان شالله تمام

وشفت موضوعج اختي وحبيت اساعد اول شي حياج الله في دبي..الخوات ما قصروا قالوا اللي عندهم وفعلا دبي فيها اماكن
وايد حق الطلعات والتسوق والمطاعم ..

بالنسبة للاسواق..عندج بعد برجمان والتوسعة اللي امسوينها فيه.. وفي جميرا شي مراكز وايد بعد..تاون سنتر..مركز القرية(ذا فيلج)..بالم سترب..مركز الشاطيء..يعني مب مراكز كبيرة ...والبوليفارد اللي في ابراج الامارات اللي على شارع زايد...ولا تنسين مركز (سوق مدينة جميرا ) هذا فاتح يديد في مشروع مدينة جميرا وين فندق السلام

ومن المطاعم مطعم قيصر..هندي(عندهم كباين للعوايل) في فرع في ديرة..الطوار..وشي فرع في الفهيدي في برد دبي ...مطعم قصر الهند في ديرة (عندهم كباين بعد)..مطعم الدار..لبناني..(اظني عندهم كباين) في جميرا..هذي المطاعم اللي يت على بالي الحين..من غير المطاعم اللي في الفنادق ماشالله مليانه البلاد واللي في المراكز بعد

وبالنسبة للمنتجعات طبعا في كل فندق شي سبا ويختلف من فندق لفندق من اللي يخطر على بالي...عندج (جيفنشي سبا) هذا في فندق (اونلي اند اونلي رويال ميراج) اللي في جبل علي بس في اوقات محددة للحريم اظني فترة الصبح.. وفي اوقات عادي خلط على ما اعتقد!!! وفي السبا اللي في (برج العرب)..وفي فندق (الفيرموننت) اللي على شارع زايد..وفي سبا فاتح يديد في مشروع (مدينة جميرا) بس ما ادري هل هو في فندق السلام او فندق القصر او في مبنى بروحه..انتي اذا سرتي تقدرين تستفسرين واكيد بيساعدونج..اما اذا حبيتي اتسيرين سبا بس مب في فندق عندج (كيلوبترا سبا) هذا في (وافي ستي)

والجو الحين حلو ماشالله تقدرين تتمشين على البحر..عندج حديقة الممزر وحديقة الخور وشي في سوق مدينة الجميرا وين فندق السلام (العبرة) اللي هي القوارب بتشوفينها وين المطاعم المطلة على البحر اللي امدخلينه بين الشاليهات والفندق يعني هو مثل النهر..تاخذين لفة على ما اعتقد ساعه 100درهم مب متأكدة والله يمكن اقل ...بس المكان هناك وايد حلو والمشروع يستاهل انج تزورينه وخصوصا في الجو الحلو هذا والمكان رومانسي :shy:

هذا اللي يا على بالي وان شالله تكون معلومات مفيدة والسموحة

r

redflower

عروس نشيطة

15-12-2004 | 12:51 PM

شكرا للبنات دارك اينجل و بنت دبي على المعلومات و انشالله نخدمكم اذا جينتو على جدة :shy:

M

M a r i a

عروس متألقة

15-12-2004 | 01:04 PM

مرحبا اختي رد فلور ..العفو..بس تذكرت بعد ما ادري اذا تعرفين السبا اللي في (باريس غاليري) اللي في (الستي سنتر) الطابق الثاني..عندهم سبا اسمه (سوليس)..مكان حلو بعد..والسموحة..ويا هلا فيج في دبي :smile:

د

دلوعة حبيبي

مشرفة سابقة

15-12-2004 | 05:25 PM

يعطيكم العافيه بنات على الارشادات..
طيب ما دليتونا على كوفي شوبات حلوه.. وتنصحون نجي بعيد الحج والا بعد الحج..
لأن أنا وزوجي محتارين..