لا تشكي الدنيا وانا حي ياخوك !!!

كنت جالس انا والبحر والليل ونجومه
نسامر بعضنا والكل يحكي همومه
ولما جاء دوري بالحكي فجأه؟؟؟
هاج البحر وهاجت امواجه
وضاق الليل
واختفت نجومه
والقمر تخبئ تحت سحابه
كلهم يقولون يكفي كلام عن :
( الغالي واشواقه واعلومه)



غلاك ما يحتاج توثيق وحلوف
الله خلق حبك من الحب فيني
وعزفت نغمة عشق على كل معزوف
وسكنت في قلبي وروحي وعيني
واغلى المشاعر جتك في شعر وحروف
قلبي كتبها قبل تكتب يميني



انت .. وانا.. والليل .. والبدر .. نلتم
فوق السحاب وباقي الناس حدري
دامك معي لا تحمل الهم .. والغم
بدري عليه اللي يضايقك بدري
اعاهدك وانت بعد قل تم
اما ( معك ) والا حلاتي بقبري



من رافقك والله ما يخليك
لو عاشرك كل الدهر ما يملك
انا اشهد اني حرت وش اسميك
كل الخصال النادره تنتمي لك
الطيب كنه شابك يديه بيدينك
ان كان له صاحب فهو صاحب(ن) لك



اليا احتمى الموقف وصدوا وخلوك
وضاقت بك الدنيا ولا فيه فزاع
(( ابشر بعزك )) لعنبوا من تحدوك
تامر على روحي و (( انا اجيك بيّاع ))
لا تشكي الدنيا (( وانا حي ياخوك ))
يفداك راسي (( وكلي لك انصاع ))



ذعذع هبوبك وامتلأ محجر العين
ياللي مع النسمات وصلك تمده
اشتاق لك وانساق سوق المجانين
ما تدري ان الشوق قلبي يحده
ان قلت لي بنروح ما قلت لك وين
هاك الخفوق ووين ما رحت وده



ما كل غالي بالقصايد نوفيه
بعض الغلا داخل القلب ذكراه
دايم لكل انسان ميزه تحليه
وانت بعيني شي ما الحق على اقصاه
الله يطول عمر قلبك ويحييه
لشخص(ن) يشوفك انت اجمل هداياه



انا الذي من بدة الناس اغلاك
وانا الذي عينه تراعي خيالك
وانا الذي لو تزهمه ما تعداك
ولو تطلبه في كل حزه عنالك
يا لعنبوا دنيا تهمك وتجفاك
موتي ولا شي يكدر مزاجك
هذا كلام اللي يعزك ويفداك
ماهو كلام اللي يدور ضياعك



نصيحه من قلبي
حط اللي يحبك بعيونك
ترى ما تلقى من يضمك لو ضاق صدرك وزادت همومك

وعلى فكره ....

النار تنتطفي
والغلا بالاهمال ينتهي



أشتقت لك

جيت اتصل ثم هونت

دامك بقلبي

وش يفيد إتصالي