أدعوا لي بالصبر ....

أدعوا لي بالصبر والثبات ، من الصدمة ما اعرف اصيح او اضحك او افرح زوجي أخذكل اغراضه وترك البيت وقرر ان يطلقنى اليوم ..

آه انا احبه وحاولت المستحيل علشان احافظ على بيتي لكن لللأسف هو قاعد يهدم ويهدم ، اللي حصل بالأمس امه كلمته لكي يحافظ على بيته وما يتأخر وووو بس هي قالت له أن في واحد خبر ابوه بعمايله ،، هو طبعاً ما يصدقهم يعرف ان انا اللي مخبرتهم ، وتعرفون صورته جميله بنظر أمه وابوه وانا اللي خربت هذه الصورة المهم حلف براس بنته ان اللي قالوا عني هالكلام كذابين ، فالأم صدقته وقالت مستحيل يكذب هو حلف براس ابنته. .. المهم رجعنى البيت وبعينه الشرار وخرج اتصلت فيه بالليل ورد على وقال اش تبين انا ما ابي اكلمك ، المهم قال لي جهزي لي كل اغراضي راح اطلقك غداً اللي عملتيه شي اكبر من الخيانه ، يعنى يقصد اني قلت لأمه وابوه انه يتأخر ووووو ، المهم جهزت أغراضه وكتبت له رسالة ومضمونها:

"" الله يسامحك ويهديك ومردك راح تخسر زوجتك وبنتك ، انا خسرت اعز ما املك ، وانت علشان ال_ ـ ـ ـ راح تخسرنا ، بس لي طلب اخير ارجوا تلبيه لي انك قبل ما تطلقنى تحضنى وتبوسنى علشان ننفصل واحنا اصدقاء ، مش زعلانين ""

هذه كانت مضمون راسالة البارحة المهم جاء الساعة 12 الليل وجاء على السرير وعطاني ظهره ، انا ذهبت وحضنته وبسته ولصقت فيه الى الصبح وهو ما تكلم .. اليوم الصبح قبل حضورى للعمل قلت يمكن هو تراجع عن قراره ، كتبت له رسالة اخيرة ومضمونها:
"" الله يوفقك ويسعدك مع الـ ـ ـ ـ ، بس لا تنسى تلبي لي طلبي الأخير انك تلمنى وتبوسنى ""
هذا كل انا اعمله علشان الين راسه واكسر غروره ، لكن لللأسف اتصلت الخادمة فينى وقالت هو أخذ كل اغراضه وثيابه وقال لها اقفلي البيبان بالليل انا راح أترك المنزل.

يعنى يا جماعة الى متى اتحمل هالذل والإهانة وعلى فكرة البارحة لين اتصلت فيه كانت معاه وحدة كنت اسمع صوتها ، بس لللأسف انا مصدومة مش متخيلة ان ما راح اشوفه بعد واكلمه ، هل اللي عملته عين العقل او لا ساعدوني هل يعنى الطلاق احسن لي بهذه الحالة يعنى تعتقدون ما راح يندم ؟؟؟؟

آه اخاف تصدينى السكتة اذا وصلتى ورقة الطلاق ادعوا لي بالصبر والثبات يا بنات ، تحملت بما فيه الكفاية ؟؟؟

وللأسف احبه واموت فيه ... ما اعرف هل انا خربت حياتي او هذا الشي لازم يصير من زمان ، اتمنى يصيح دم على اللي سواه فينى..؟؟