يوم الله سلمنا ما نقول إلا الحمد لله

السلام عليكم ورحمة الله وبركاته
أنقل لكم اعزائي هذه القصه الحقيقيه التي حدثت لي أنا وأختي....
كنت انا قاعده أذاكر لأن عندي امتحان, وكانت اختي تستعد لمقابلة زوجها
وكان الوقت بعد العشاء وشوي نسمع حد يدق الدريشه وصراحه نحن خفنه سارت أختي اطفي الليت لأن دريشتنا تعكس, وبعدين فتحت اختي الستاره وشافت راس ريال, سرنا حق أخوي وقلناله, سار أخوي يطالع وراء البيت شاف فعلا كان هناك ريال خذ أخوي المسدس وراح, أنا وأختي خفنا على أخوي سرنا زقرنا أخوي الثاني قام وخذ سكين وراح, بعدين قاموا إخواني صعدوا فوق البيت عشان يمسكوا الريال وفعلا مسكوه وطلع هندي,وبعدين استوت الضرابه قام أخوي وضرب الهندي بالسكين المهم بعدين قاموا اخواني وبعض إللي ادخلوا بركبون الهندي السياره عشان يسلمونه للشرطه وهم بنص الدرب قام الهندي وفتح الباب وشرد وبعدين ردوا ومسكوه وسلموه للشرطه...
قامت الشرطه حبست الهندي وأخوي إللي ضربه , اخوي حبسته لمدة ساعات
أما الهندي حبسوه فتره وبعدين سفروه بلاده...
ويوم استوت السالفه أهلي كانوا محد ...
لكن بعض الناس قامت تلومنا ليش سونا بالهندي جذي, وقالوا ان الهندي قصد الشغالات ..
الله يسامحهم نحن ولا الشغالات هذا عرض مب لعبان
الله يحفظ جميع أعراض المسلمين.....