بنوتات كيف كانت ردة فعل خطيبك لما قابلك ؟؟

انا ماكنت اعرف ريلي قبل ماياخذني بس سبحان الله خالة زوجي من اعز صديقات خالتي وصارلنا موقف مع بعض ووايد حبتني خالته والحمدالله لي صيت زينه بين اهله

مشكوره على الموضوع

هعهعهعههعهع لو اقوللكم صدق بتضحكون انا كنت دخلة وطبعا :D2:D2متكشششخه ومزيووونه وهو يالس سرت سلمت على خالات ريلي وامه .الغاليه وخالوتي وامي يالسين
المهم هذا قبل لا اي شي يكون رسمي انه الولد يشوفني :smile:

اول مايلسست انا مشكلتي انه شكلي مايبين اني اسستحي هو اتكلم بالعجمي وانا مااافهم :D2:D2:D2ولا اعرف كلمه اعجميه (عيميه ) عقب ماتزوجنا واتذكرنا ب ٣ شهور قالي انا اصلن يوم تكلمت في العيمي قلت حق خالاتي خلاص ابغيها بدون تفكير :D2:D2:D2
وانا خالات ريلي يوم ضحكن اتفاجات هعهعهعهعهعههعه والحين اكتشفت
ترا انا توني متزوجه يعني هذا الشهر الرابع :)

والله موضوعروووووووووووعه :up::up:

انا والله ذحين مستعجله مرررره وعندي مشوووار .. بس لفت انتباهي الموضوع وجذبني وعجبني << احلى احلى :smile:
وقلت لازم اكون اول من يرد عليك حتى لو ما كتبت شي ذحين

لكن لما ارجع انشالله واروق كذا اكتب لك كل شي بالتفصيل :shy:


يلا حبيبتي اشوفك على خير

ويسلمووو على الموضوع الفللللللله :up:

مرحبا ياصبايا .. :)

انا مخطوبه من شهرين ... اول ماشفنا بعض ساكتين من غير ولا همس .. ولا تعليق ..وانا بطبعي اذا كنت مستحيه لازم ابتسم .. وكنت طول وقتي مبتسمه وكنت خايفه يقول وشفيها هذي لهالدرجه مستانسه ههههه .. بس اشوى عدت على خير ... موقف محرج ويخوف خاصه اذا قعدتي تنتظرين الرد .. تبين تعرفين اذا عجبتيه ولا لا .. بس شعور حلو .. ولا وشرايكم ؟ :up:

حلو الموضوووووووووووووووع:smile:

ههههههههه الموضوع رووووووووعه :up:
ورونا القصص الزينه :cool2:

الله الصراحة صدق ونااااااااااااااااااااااااااسة :D2

ذكرتوني بأيامي الحلوة .. :cool2: ..

أنا عادة مالجة من 6 شهور .. و شفنا بعض أول مرة يوم النظرة ( الرؤية الشرعية )

الصراحة كان موقف صدق يهلك من الظحك .. و خاصة أنه أبويه وافق على زوجي بضرااااابة .. ( معاند عشان ما خذت ولد أخوه :cool2: ) ..

المهم كان زوجي يسير و يرد على أبويه بس عسب يوافق و عيز الريال من كثر ما يطرش لأبويه اللي يعرفه و اللي ما يعرفه بس عشان يسحب الموافقة ... و طبعا بعد مذلة و بعدما طلعله روحه وافق عليه .. :D2

المهم يوم النظرة كان الولد صدق متشووووق انه يشوفني و خاصة انه اتحمل المشاق و المذلة و الصعاب بس عشان ياخذني ( حلو التعبير ها :D2 ) ..

فكان يقول أبا أشوفها بس .. هاي اللي ذابح عمري عشانها .. :shy:

و أنا نفس الحالة كان في خاطري أشوفه .. السموحة بس كان فضول مني :D2

عادة يوم النظرة كان هو يالس في الميلس و معاه أخواني الثنينه اللي أكبر مني و خالي .. و يتريا الأميرة تدخل .. و أنا ماشي مب قادرة أجرب أصوب باب الميلس من الروعة .. صابتني نفضة و حالة خوف و حيا عمري ما انصبت ابهم في حياتي :eek2:

و اخواني كل ساعة سايرين و رادين .. يله ادخلي .. الريال تعب من كثر ما يترياج و أنا ما شي .. من وقفت عند باب الميلس .. إلا بديت أصيح .. و تعال منو يسكتني :o .. و الولد ناااقع من الضحك .. و شوي و دخلت

و أنا مستحييييييييييية :shy: و الله أحس انه مشيتي استوت غلط و اشوي و بطيح .. يلست على أبببببببعد كرسي عنه و فوق هاذه صاده
ويهي عنه .. و هو ما شي ما وقف من الضحك و أنا مقهورة منه .. هذا ليش يضحك و أنا حالتي جذه :angry:

المهم صدق صدق سويت له قصة .. كلما يذكر هاك اليوم ينقع من الضحك علي .. يقول كنتي صدق نكتة :D2 .. على كثر ما سمعت عنج ما توقعتج جذه .. و طيح يا مديييح :shy: و طيح يا تعليق على الحيا و الحركات أونه كان فيلم .. حشا مب نظرة .. :cool2:

و بسسسسسسس .. يوم حلو الصراحة

اسمحولي طولت عليكم بس شسوي هذا وانا مختصرة القصة بعد :shy:
:cool2:

:clap: راجعه لكم

بصراحه حلو الموضوع تسلمين يا حلوه :up:

وانا راده لكم بعدين اقولكم قصتي:shy:

تسلمووون وايد اخواتي الغاليات على تفاعلكم معاي :smile: ...
فرحتوني كثيررر .... الله يسعدكم يارب :shy: ..

~ ~ ~ ~ ~ ~ ~

مشكوره يا احلى chocolate_cake على طرح قصتك ...

~ ~ ~ ~ ~ ~ ~

انتي الاروع حبيبتي فديتني والله ...
يلا حنا ننتظر رجعتك يا قمر ...

~ ~ ~ ~ ~ ~ ~

تسلمين اختي * رغـــد * على تواجدك الحلووو ...

~ ~ ~ ~ ~ ~ ~

انتي الاحلى يا yasema142 وشكرا لمرورك بالموضوع ...

~ ~ ~ ~ ~ ~ ~

تسلمين اختي دراعه على مرورك الحلوو ..

~ ~ ~ ~ ~ ~

تسلمين يا قمورتنا المياسة على وضع قصتك معانا...
مررره روعه ...

~ ~ ~ ~ ~ ~

حنا نترياك يا أم هشام247 ..
وتسلمي على تواجدك الحلوو ..

~ ~ ~ ~ ~ ~

مشكوره خيتي قمراااء على تواجدك الحلوو
حنا ننتظرك تقولي لنا موقفك ...


تحياتي لكم يا عسولات

ياللا كملوا يا بنات نبي نسمع قصصكم

اني الله يسلمكم مخطيبي يصير ولد عمي لكن ما كنت اكلمه عادي اهو اكبر واحد في العائلةمن الشباب والباقي كلهم عادي وياهم الا اهو :pain:


عشان جدي قلنا بنسوي مقابلة يا زعم ما اعرفه انزين اول مرة كان في المجلس وكان عمي يقول لي يالله ادخلي وانا الله يسلمكم قعدت اصيييح كاسرة خاطر روحي وكنت فيي ايام امتحانات الثانوي :down: قال لي عمي اشفيج تصيحين مسحت الاكو والماكو ودخلت .. رحت دخلت واول مسند اللي على الباب قعدت فيه :D2 قال لي عمي تجدمي اشفيج شوي وتطلعين... وقعد يتكلم ولد عمي وانا ساكته ليما سألني مادري شنو .. كلا ساكته سألني سؤال يبي له كلام:D2 وتكلمت وبعد الخطوبة اقول له اشرايك في يوم المقابلة :cool2: الا يقول بصراحه اول ما سمعت صوتج :eek2: قلت هذا مو صوتها :D2 وبسسس

وناسه يالله نبي نسمع زيادة :D2

موضوعك وايد حلو
وفية مواقف مضحكة:D2:D2:D2:D2:D2:D2
انا بقول لكم أشلون أتعرفت على زوجي
كانت خطبة عادية
كان زوجي أدور على عروس
وسئل واحد من أهلي انة يدور لة على عروس
وقال لة عني
بعدين حدد موعد وجة ألة بيتنا وشافني
ولو تدرون ذيك الليلة شنهو صار فيني
مت من الخوف ف ف ف ف ف ف ف
بعدين حصلت الموافقة
وليلة الخطوبة حصل لي موقف
ان رحت الصالون
وتعرفون الوحدة ادا أتعدلت حطو ليهة مكياج وسرحو شعرهة
أكيد بصير وحدة ثانية
وأنا أتغيرت وايد
لما طالعت وجهي في المنظرة: قلت هذي انا حلوة كذي
ما أطول عليكم
بعدين رحت الى الحفلة
وقبل ما ندخل على المعازيم كان خطيبي ينتظرني في الغرفة حتى ندخل جميع
أول ما شافني
أنبهر فيني وقال لي متغيرة كثير طالعة تجنني وكانت خوات زوجي واقفين
وقال لي هذا الكلام جدامهم
أنحرجت ذيك اللحظة ونزلت راسي في الأرض

اول شي لازم تدعولي ربي يتمم فرحتي وسعاااااادتي

ثاني شي حأحكيلكم القصه :D2

طبعا خالته تسير زوجة اخويا .. وبما انها عشره معانا في البيت انا وهيا اكثر من الصديقات .. وتعرف كل شي عني

المووهم نخش في الموضوع

قبل يوم الشوفه بيوم دقوا المغرب وقالوا بكره يبغى الولد يشوف البنت عاد انا صدمه بدون مقدمات :confused:

ماقلت غير حااااااضر << مبسوطه وقلقانه

طلع الفجر وانا لسه ما نمت .. توتر مو طبيعي ابغى اليوم يمر بسرررعه :pain:


جا المغرب وانا على اعصابي ابغى اطمن ..

لما جا وقت اني ادخل .. اهله كلهم واخواته كانوا معايا وهوا في الجلس لوحده ... بدون مقدمات دخلنا كلنا وما اعطوه خبر اني داخله معاهم يفكر اخواته وامه بس اللي داخلين وماخذ راااااحته الاخ ومايل في جلسته وغترته مو معدله وعقاله مدري كيف شكله ههههههههههههههه :D2

بس انتبه اني بينهم وصنم ولا حركه واحتاااااااس لكم الله واخته تقوله عدل جلستك .. وانا في قلبي ضحكه .. موقف بسيط وطريف مافي كلفه

عاد انا افتكره زي الحلم وهما ماشالله يحفظون اشكلنا بنظره كان عيونهم كاميرا مره وحده تكفي ماشالله :eek2:

المهم ولا كان بيننا كلام ولا شي الا اول دخلتي بالسلام وبسسس

كان هدووء وما احس باحد حولي وما طولت ابدا يمكن دقيقه او اقل وقمت على طوووول احسها كانها ساعه

ولما طلعت من عنده شفته من المجلس الثاني بدون مايدري اشوفه يمسح جبينه ويذكر الله ويقول ماشالله الف ماعليها كلام ,, عاد لما شفت الموقف يعني اطمنت وما احتجت احد يخبرني كيف ردت فعله لاني شفته

الحمدلله الله يديمها نعمه

وبعدها اشويه قال .. لازم تطلع مره ثانيه انا خفففتت قلت لييييييييييه ؟؟!!! :confused:

قال لازم اسلمها هديتها في يدها :D2

رفضت قلت من عند الباب يسلمني هيا وانا واقفه:o << حاشا ما سارت نظره

ومن بعد ما استلمت الهديه وهاتيك يا زغاااااااااااااريد وفرحه واصوات واحضان

ليله فيها خوف كبير ربي يزيله في لحظه :)

الله يديمها سعادة ومحبه ويجمعنا يارب قريب ببعض .. دعواتكم ما نستغني عنها :up:

وسلامتكم يالطيبين

:clap::clap::clap:

موضوع جميل وحلو جداااااااااا

تتهنوا كلكم يا رب

:up::up::up:

:up:حلووووووووووووووو

يله كملوا:smile:

:cool2: موضووع حلوو اهنيج ع الافكار الجهنمية والحلوة:up:

مرحبا حلواااااااااااات


شحالكم عساكم بخير



الصراحة مواقف و لا أحلى


عالعموم بالنسبة لي بعدني ما انخطبت و لا شي


بس بخبركم سالفة استوت لي


خطبني واحد عن طريق اخته

تراها شافتني في حفلة في مدرسة خواتي

دخلت غرفة سلمت و طلعت و هي كانت من بينهم بس ما كنت اذكر

المهم أخوها من قال ابا اعرس ييت انا في بالها قامت و اتصلت في امي

الوالدة قالت ان شاء الله خير

بنحدد يوم ايي الولد يشوف البنت ( النظرة الشرعية)

يوم الجمعة استوت السالفه

و انا لين الخميس اترايا عشان يشرف و يشوفني

لأني كنت اشتغل و ادرس و ماشي مجال طول الأسبوع إلا في نهايته

مع انه الخميس المفروض اجازة استوت المشكلة صدف ذاك اليوم خلونا انداوم في الكلية على وايد اجازات خذنا و يبونا انغطي المنهج


من الصبح ناشة سرت اتصورت و رديت البيت و بعدها سرت دوام الكلية
و من الخرعه طول الاسبوع ما ارقد عدل خايفة من السالفه
و الشي هذا أثر علي انه لين العصر حسيت انه بيغمى علي و بنات كلاسي مستغربين من المود الغلط لي كنت فيه (وايد امصدقه عمرها خخخخخ)

استأذنت و رديت البيت كان وقتها المغرب تقريبا

اتعدلت و يلست ويا الوالدة و خواتي و بنت عمتي يتنا صدفة
الوالده كل ما قالت اتأخرو انا هديتها صيحة

4 مرات صايحة خخخخخخخخخ <<حشى يايين يذبحوني مب يشوفوني

لمن وصلو ما رضيت ادخل الميلس
هههههههههه


امي نادت اخته قالت اسحبيها وياج و خليها لأنه الريال وايد يستحي و هي تباه ياخذ راحته في الكلام وياي


المهم سرت بالغصب يلست ما رفعت عيني بس ارد على اخته بقد السؤال لي تسألني (طبعا أسئلته هو خخخخخخخ)

و بعد ما خلصت قالت اذا عندج اي شي اتكلمي هزيت راسي لا

قام هو يعرف بنفسه و شغله و ما الى ذلك طبعا انا بس اهز راسي اتقولون هنديه خخخخخخخخخخ

على طول ضيفناهم و طلعو حلفت يمين اني ما اوافق عالريال

لأنه ما يناسبني
و ما صار نصيب
و اسمحولي طولت عليكم

قبل لا انسى ادعولي بالريل الصالح ان شاء الله



أختكم



الخرشة